Mongepan Paddington lob, Londres waria mu (Inglaterra). Mülekebün tañi ñuke ka küla lamngen engün. Tañi chaw ngollibe ngelu, beimu amutuki ka akuki ruka mu.

Püchü malen ngelu iñche, tañi ñuke kimelelenu, kuduli iñche ngillatobün. Kiñe püchü Biblia nielu pu Salmo müten niekebün ka peyeluwkebün ti ül tañi ülkatubel. Ka libru mu papiltubiñ “kiñe antü kom abai”. Tübachi dungu amatulenu ka ngoimalan, beimu umawtukelabün, bill rakiduamkülen küpalechi antü mu. “¿Chemu mongelen? Ngünam mongelekelan” piwün. ¡Iñche ayükelabün tañi laal!

Ayükebün kimal pu demonio ñi dungu, beimu tañi pu weni kimeltuwe ruka mu iñchiñ amukebüiñ eltun mu tañi ngütramkaabel pu lalelu ka trawükebüiñ taiñ peal bill llükangechi pelicula. Trüpebelenu, welu ayükenu.

Mari tripantu nielu iñche, welulkalechi mongen niekebün. Pütremtukebün tabaco ka marihuana, ka elkünowelabün. Mari kiñe tripantu nielu iñche, ngollikan. Pulku kümelai, welu küme duamelkebenu. Kabei ayükebün billke ülkatun ka purun ka amukebün billke fiesta ka discoteca. Beimu, pun mu, kom tañi pu che umawtuleingün, ñükübkülen mu amutukebün ruka mu ka wiñotukebün puliwen mu. Ürkükebün, beimu bill upa amukelabün kimeltuwe ruka mu. Amubüli, ürkütukebün recreo mu.

Kiñelewechi tripantu kimeltuwe ruka mu weya tripai. Tañi ñuke amatulewi, yewelmangi ka lladküi. Beimu lladkawbüyu ka amun tañi wentru Tony ñi ruka mu. Kidu rastafari ngebüi, kabei weñekebüi, ngillakebüi droga ka pu che nalbengelu trokikebüingün. 16 tripantu nielu iñche niepüñeñkülebün.

Kiñechi ngütramkalu iñche pu dungukelu iñi ngen Jewba mu, kiñe ruka pu ñuke kurengenolu ñi püñeñ engün mu mülen, social ñi kellun (ingkan) mu. Epu domüche amuldungukelu mür witrantupakebingu kake weche ñuke ngelu. Kiñe antü “ngütramkaabiñ pengelelabel ñi welulkawkülen” piwün. Beimu ngütramkabiñ, welu kidu engu ñom piwke mu ka tüngkülen mu llowdunguenu tañi kom ramtukeel Biblia mu. Kidu engu chemchingi ka müna küme piwkengi, beimu “kimelelmuchi Biblia bill semana mu” pibiñ.

Biblia ñi kimelün kakünotubi tañi rakiduam. Iñche llükakebün tañi laal, welu Jesu kimelelbi kom pu lalelu wiñomongetoi engün (Juan 5:28, 29). Kabei kimpon Chaw Dio, inaduamneenu (1 Pedro 5:7). Jeremías 29:11 tañi eipin ayüwülmabi tañi piwke, eipi “Iñche am küme kimnen tañi rakiduamkülen eimün mu, —eipi Jewba—. Ayün tamün nieal tüngün, tamün nienoal wedake dungu. Ayün tamün küme beleal ka maneluwküleal”. Beimu kom tañi piwke mu, mupitukebiñ müleal kiñe küme mülewe Mapu mu (Salmo 37:29).

Kiñechi amulu iñche pu dungukelu iñi ngen Jewba ñi trawün mu, kidu engu müna bürenechekelu ka ayüwkülingün. ¡Kom engün kümeke weni trokikebün! (Juan 13:34, 35). Tukulpabiñ pu che iglesia mu lelilewenu, welu pu dungukelu iñi ngen Jewba ñi trawün mu, piwkeyen pengelelenu. Kidu engün ngütramkaenu, inaduamenu, allkütuenu ka ingkaenu. Beimu “müna piwkeyechiche mülen” trokiwkebün.

Biblia kimelelenu tañi lib mongeleal ñi weniyeabel Chaw Dio, beimu bamentubiñ kom tañi weyake wimtun, pütremtuwelan, küdawngebülu ume. Kiñeke ül duamelenu ñi marihuanatual, beimu allkütuwelabiñ. Amuwelan billke fiesta ka discoteca chew ngollikaton. Kümeke weni kintuyawkebün, kidu engün newentuenu tañi küme che ngepool (Proverbios 13:20).

Ka bemngechi, pu dungukelu iñi ngen Jewba kimeleleyu Tony, llowdungueyu kidu tañi kom ramtukeel Biblia mu. Beimu “tüba tati rüb dungu” pi. Kidu libtui tañi mongen: bamentubi tañi nalbelchi weni, weñewelai ka marihuanatuwelai. Ka bemngechi tayu wenupüramabel Jewba chumngechi kidu ayüki ka inaduamtuabel tayu koñi, kurengeyu ley mu 1982 tripantu mu.

Tukulpaken beichi tripantu mu papiltukebiñ tati papil La Atalaya ka ¡Despertad! * chew müli pu lamngen ñi ngütram chumngechi kümelkabi tañi mongen. Tüba newentuenu tañi ka bemngechi bemal. Bill antü ngillatukebün Jewba, “Bücha Chaw abeluwkilnge iñche mu” pibiñ. Tony iñchiw bautisangeyu julio küyen 1982 tripantu mu, beimu dungukelu iñi ngen Jewba ngepoyu.

Weniyepobel Jewba montulenu. Tony iñchiw upaleyu weyake dungu, kimneyu Jewba tañi ingkaetu. Tony, iñche, ka tañi pu püñeñ maneluwküliiñ Jewba mu ka kidu inaduamkeiñmu (Salmo 55:22).

Kimelelabel tañi epu koñi ñi weniyepobel Jewba müna ayüwülenu. Ka bemngechi kidu engu tañi pu koñi kimpobi iñi am Jewba, beimu müna ayüwkülen.

Bewla, bill rakiduamwelan chem dungu upaaiñ mu kam iñche tañi lan mu, beimu küme umawtuken. Tony iñchiw bill semana wütrakebiyu pu dungukelu iñi ngen Jewba tañi billke trawünche ñi newentobel kom tañi pu lamngen. Kidu engün mangelenu taiñ kimelelabel pu che, mupitule Jesu mu abnochi mongen nieaingün.