¿Chumngechi ayüucüleafui tami pu che?
¿Duamfalngei...
-
... piuqueyehun?
-
... plata?
-
... cam caque dungu?
BIBLIA ÑI FEIPILEN
“¡Ayühun nieai tüfachi pu che allcütulu Ngünechen tañi dungu, ca inaniefilu!” (Lucas 11:28, Traducción del Nuevo Mundo).
CHUMNGECHI CÜMELCAYAFEIMU
Peaimi rüf piuqueyehun (Efesios 5:28, 29).
Rüf yamuhun müleai (Efesios 5:33).
Rumel maneluhuaimi caquelu pu che mu (Marcos 10:6-9).
¿RÜF FEYENTUPEAFUIÑ MAI CHEM PIN TA BIBLIA?
Mai, mülei epu dungu:
-
Ngünechen elcünufi ñi niehual epu che. Ti Biblia feipi Jehová, Chau Ngünechen, trapümfi ti hunen huentru ca hunen domo ñi niehual engu (Génesis 2:18-24). Femngechi Jehová elcünufi tati pu familia. ¿Chumngelu falintufali tüfachi dungu?
Raquiduamnge tüfa mu: cümentufilmi quiñe cüme iyael, ca ayüfulmi tami quimal chem ñi tuculelngeel ti iyael, ¿inei am ta ramtuafuimi? Tati deumafilu llemai.
Ca femngechi, ayülmi tami quimal chumngechi ayüucüleafui tami pu che, doi cümeafui tami ramtuafiel ta Jehová, tati Deumafilu ti reñma, pu familia.
-
Ngünechen piuqueyeiñmu ta com iñchiñ. Cümeafui eimi ca tami pu che quintuafiel Jehová ñi ngülam mülelu Biblia meu, “quisu am ta piuqueyenieteu ta eimün” (1 Pedro 5:6, 7). Jehová ayüi taiñ doi cümelcaleal. Ca tañi fillque ngülam rumel cüme tripaquei (Proverbios 3:5, 6; Isaías 48:17, 18).
RAMTUUNGE
Iñche, ¿chumngechi “cüme füta”, “cüme domo”, “cüme chau”, cam “cüme ñuque” pingeafun?
Peaimi huiñoldungun Biblia meu EFESIOS 5:1, 2 ca COLOSENSES 3:18-21.
Eimi ca ayüafuimi
¡TAMI QUIMAFEL!
Ñi ayüucüleal pu familia: Quiñentrür cüdahuaimu
¿Trür cüdauqueimu cam caque che reque feleimu?
IÑCHIÑ TAIÑ DUNGU
¿Chumngelu am mülei tami chillcatual ta Biblia?
Biblia quelluquefi pu che ñi quimal falinque ramtun mongen mu, ¿ayüafuimi tami quimafiel?
IÑCHIÑ TAIÑ DUNGU
Huirintucunge tami pemengeal
Ngüneduamnge quiñe ramtun Biblia mu, cam doi quimafuimi pu Dunguquelu Ineingen Jehová.
