Ise do na Mambahen Hita Susa?

PANGOLU

Menurut hamu . . .

Debata do?
jolma do?
manang Sibolis?

ON MA DIDOK BIBEL

“Di bagasan huaso ni Sibolis do saluhut portibi on.”—1 Johannes 5:19.

‘Ro do Anak ni Debata, lao mangaripasson akka ulaon ni Sibolis.’—1 Johannes 3:8.

AHA DO MANFAATNA TU HAMU?

Hatorangan na di ayat i mangurupi hamu . . .

Mamboto boasa masa godang hasusaan di portibi on.—Pangungkapon 12:12.

Marpos ni roha na lam denggan bahenonna portibi on.—1 Johannes 2:17.

BOASA BOI TAHAPORSEAI NA DIDOK BIBEL?

Adong tolu alasanna:

Dang salelengna Sibolis mangarajai portibi on. Nungnga ditottuhon Jahowa andigan Sibolis dipamate. Marjanji do Ibana lao ‘mangaripasson Sibolis’ jala padenggatton sude na sega alani Sibolis.—Heber 2:14.
Nungnga dipillit Debata be Jesus Kristus lao mamaretta tu tano on. Dang songon Sibolis cara ni Jesus mamaretta. Ai kejam do Sibolis jala egois. Alai anggo Jesus, didok Debata do, “Asi do rohana tu halak na dangol dohot tu halak na pogos . . . Paluaonna do nasida sian akka halak na manusai nasida dohot sian halak na kejam.”—Psalmen 72:13, 14.
Dang hea Debata margabus. Bibel mandok, “Dang boi Ibana margabus.” (Heber 6:18) Molo nungnga marjanji Jahowa, pasti pasautonna do i! (Jesaya 55:10, 11) Satokkin nai, “na lao dipalao ma na mangarajai portibi on”.—Johannes 12:31.

PIKKIRHON MA

Songon dia do situasi ni portibi on molo dung dipamate Sibolis?

Dipaboa Bibel do alusna di PSALMEN 37:10, 11 dohot PANGUNGKAPON 21:3, 4.

Mungkin Lomo do Rohamuna Mamboto

AJARAN NI BIBEL NA PENTING

Boasa Dipaloas Debata Masa Hasusaan?

Adong do alusna di Bibel jala boi do i mangapuli rohatta.

ALUS NI BIBEL

Tutu do Adong Sibolis?

Sibolis i holan sifat manang pangalaho na jahat do, manang tutu do adong ibana?

TARINGOT HAMI

Boasa Ringkot Marsiajar Bibel?

Bibel mangurupi marjuta halak di liat portibi on lao mangattusi alus ni sukkun-sukkun na rikkot taringot tu hangoluan. Olo do hamu lao mamboto alusna?