“Si . . . gô so’ tchi’ goung shyetse awè ne mnye map. Vu te gô so’ ping pe we pe. Ne lô ba ne tchwé ke go’ le te gô so’ ping pe we pe, ne pa’ bvo dzu be a tchye.”​—Apokalipse 21:3, 4, Kô Se.

Ne jye ge o fing ne ti gre ta’ fa’ pepoung.​—Isaïe 65:21-23.

Ne jye ge mgho pou a mgo’o gô mi.​—Isaïe 25:8; 33:24.

Ne pyap ne tchwe tchum ŋwègne mama pou a toundye o gre mso pou.​—Psaume 37:11, 29.

Éé baa da’ ne tse jye pouee:

• Si bé kou’ ne logne mka’gne mye. Pou khé Jéova Si tchum Bible ge “Gè m Tuô Awè,” ne pa’ gu’ é be a ka ghe dze a. (Apokalipse 15:3) É be é tchente kou’gne ne ghe ge yeng dzu kwyepgne ji pepoung. Ya ne gre te Bible ghôm ge sôm ywe “te tchye Si pe.”​—Matio 19:26.

• Si be é ghe ji ne dogne mka’gne mye. Ta’ fo’te ge, Jéova bo sengne ne ha vôk bi pô pye wap pfu a.​—Job 14:14, 15.

  Bible bing dagne ge mou Si, Yéso, le pa pô pye wap le bo go a. Ke le gre té ghe po’o? A le be ye ji ne kwite wap. (Markousi 1:40, 41) Yéso le tchente da’te ma tap é tchye m ne ye ji ne kwite pô pye wap le be tchum go’ a.​—Yohané 14:9.

  Pa’ po’o a, pe fing ne tchente bing ge Jéova ba Yéso bo tcheng ne kwite wôk pe ne ghe mtyè’dzu dze pepoung!​—Psaume 72:12-14; 145:16; 2 Pètro 3:9