Matattu Za Su Sake Rayuwa Kuwa?
Mece ce amsarka?
-
E.
-
A’a.
-
Wataƙila.
ABIN DA LITTAFI MAI TSARKI YA CE
“Za a yi tashin matattu.”—Ayyukan Manzanni 24:15, Littafi Mai Tsarki.
ABIN DA ZA KA IYA MORA IDAN KA GASKATA DA HAKAN
Za ka more ta’aziya sa’ad da aka yi maka rashi.—2 Korintiyawa 1:3, 4.
Ba za ka ji tsoron mutuwa ba.—Ibraniyawa 2:15.
Tabbataccen begen sake ganin ƙaunatattunka da suka mutu.—Yohanna 5:28, 29.
ZA MU IYA GASKATA DA LITTAFI MAI TSARKI KUWA?
Hakika, aƙalla saboda waɗannan dalilai uku:
-
Allah ne Mai ba da rai. Littafi Mai Tsarki ya ce Jehobah ne ya “ba kowa rai.” (Ayyukan Manzanni 17:24, 25; Zabura 36:9) Wanda ya halicci dukan abubuwa masu rai yana da ikon sake rayar da mutumin da ya mutu.
-
Allah ya ta da matattu a dā. Littafi Mai Tsarki yana ɗauke da labaran mutane takwas, yara da manya, maza da mata waɗanda aka ta da su daga matattu a nan duniya. Wasu a cikin su sun mutu na wasu ’yan sa’o’i ne kawai kafin aka ta da su, amma akwai wanda ya yi kwana huɗu a mace!—Yohanna 11:39-44.
-
Allah yana ɗokin sake ta da matattu. Jehobah ya tsani mutuwa; yana mata kallon magabciya. (1 Korintiyawa 15:26) Yana “marmarin” kawo ƙarshen wannan magabciyar ta wajen ta da matattu. Yana ɗokin ta da waɗanda suka mutu don su sake rayuwa a duniya.—Ayuba 14:14, 15.
KA YI TUNANI A KAN WANNAN TAMBAYAR
Me ya sa muke tsufa da kuma mutuwa?
Littafi Mai Tsarki ya ba da amsar a FARAWA 3:17-19 da kuma ROMAWA 5:12.
Mai Yiwuwa Za Ka Kuma So
AMSOSHIN TAMBAYOYIN LITTAFI MAI TSARKI
Mene ne Littafi Mai Tsarki Ya Ce Game da Tashin Matattu?
Za ka yi mamakin wadanda za a ta da su daga mutuwa a nan gaba.
HASUMIYAR TSARO
Me Zai Iya Tabbatar Maka Cewa Matattu Za Su Sake Rayuwa?
Littafi Mai Tsarki ya ba da dalilai biyu da za su taimaka mana mu yi imani da tashin matattu.
GAME DA MU
Me Ya Sa Zai Dace Mu Yi Nazarin Littafi Mai Tsarki?—Dogo
Littafi Mai Tsarki yana taimaka wa miliyoyin mutane a fadin duniya su sami amsoshin tambayoyi masu muhimmanci a rayuwa. Kai fa, za ka so ka sami amsoshin?
KOYARWAR LITTAFI MAI TSARKI
Gwada Yin Nazarin Littafi Mai Tsarki da Mu
Za a samo maka wani da zai taimaka maka ka fahimci Littafi Mai Tsarki kyauta.
