Yesu gaw hkum tsup ai wa re ai majaw, shinggyim masha ni hkrum ai yakhkak jamjau lam hte myit ru myit tsang lam law malawng hpe n hkamsha yu ai. Raitim, masha ni hpe matsan dum nna chye na ya ai. Shanhte ra kadawn ai lam ni hta na, grau galaw ya mayu ai myit nga ai. Matsan dum ai myit gaw, kaga ni hpe karum ya na matu shi hpe shadut ya ai. Daw 32, 37, 57, 99 hta lawm ai mabyin ni hpe hkaja yu u.

Masha kaji, kaba yawng gaw Yesu hte hku hkau lu ai. Yesu gaw bungli grai law ai zawn (sh) kaga ni hpe ahkyak n shatai ai zawn n nga ai majaw re. Masha ni gaw Yesu shanhte hpe gaja wa myit lawm ai hpe chye ai majaw, shi makau hta nga yang myit simsa ai. Dai lam hpe chye na matu Daw 25, 27, 95 hpe yu u.

Yesu gaw shi Kawa hpe myit rawt let ayan akyu hpyi ai. Shi hkrai akyu hpyi ai aten nga ai zawn, kaga ni hte arau akyu hpyi ai aten mung nga ai. Lusha sha ai aten hta sha, akyu hpyi ai n re. Kaga aten ni hta mung akyu hpyi ai. Shi Kawa hpe chyeju shakawn na matu, ahkyak ai dawdan lam ni garai n jahkrat shi yang, lam matsun lu na matu akyu hpyi ai. Daw 24, 34, 91, 122, 123 hta lawm ai lam ni hpe yu u.

Atsawm hkringsa la lu na aten ni hta pyi, tinang a matu sha n yu wa ai. Kaga ni hpe ahkyak shatai ai. Ngai gaw ahkyak htum re ngu ai myit n nga ai. Dai lam hta mung, anhte kasi la hkan sa lu ai kasi ningli jahkrat wa ai. Dai hpe Daw 19, 41, 52 hta hkaja yu u.

Mara raw ya ra ai ngu na sha Yesu sharin ya wa ai n re. Sape ni, kaga masha ni hte kanawn mazum ai shaloi, Yesu mara raw ai lam madun wa ai. Shi a kasi ningli hpe Daw 26, 40, 64, 85, 131 kaw hti nna sawn sumru u.

Yuda masha law malawng gaw Meshia hpe nyet kau na, hpyen ni gaw shi hpe sat na ngu ai hpe tau hkrau chye da ngut chyalu re. Dai majaw, masha ni a matu atsawm n galaw ya tim mai ai. Raitim, dai hku n galaw ai sha, teng man ai nawku daw jau lam hpe rawt jat hkra, myit rawt let galaw wa ai. Shi hpang hkan ai sape yawng mung, ninghkap ai lam ni hkrum ai shaloi, n-gawn nsawn hkrum ai shaloi, myit rawt ai lam madun na matu kasi ningli jahkrat ya wa ai. Daw 16, 72, 103 ni hpe hkaja yu u.

Nyan hpaji, machye machyang sha n-ga, lam shagu hta n hkum tsup ai shinggyim masha ni htan grau ai. Hkum tsup ai wa re ai majaw, shi makau grup-yin na masha ni htan atsam marai, nyan marai grau ai. Raitim, shagrit shanem let kaga ni a mayam hkam wa ai. Dai hte seng nna Daw 10, 62, 66, 94, 116 hta yu u.

Kasa ni hte kaga ni shi a kasi ningli hpe n hkan sa ai shaloi hta mung, myit galu ai lam madun wa ai. Yehowa Karai Kasang hte shanhte hku hkau lu na matu, ra kadawn ai lam ni hpe mung myit galu let kahtap htap sharin ya wa ai. Yesu a myit galu lam hpe Daw 74, 98, 118, 135 hta hkaja yu u.