Mo Andũ Ala Makwie Nĩmatonya Kwĩthĩwa Thayũ Ĩngĩ?
Ũsũngĩo waku nĩ . . .
-
ĩĩ ?
-
aiee?
-
nĩvatonyeka?
MBIVILIA YAĨTYE ATA?
“Kũkeethĩwa ũthayũũkyo.” —Meko ma Atũmwa 24:15, The Bible in Kikamba, 1974.
KŨĨKĨĨA KANA KWĨ ŨTHAYŨŨKYO KŨTONYA ŨKŨTETHYA ATA?
Nĩkũtonya ũkũkiakisya ethĩwa nĩwakw’ĩ ĩwa nĩ mũndũ ũmwendete. —2 Akolintho 1:3, 4.
Nĩkũtumaa uma ũkombonĩ wa kũkĩa kĩkw’ũ.—Aevelania 2:15.
Nĩkũũnengae wĩkwatyo wa kũmona ĩngĩ endwa maku ala makwie.—Yoana 5:28, 29.
NĨTŨTONYA KŨĨKĨĨA ŨNDŨ MBIVILIA YAĨTYE?
Ĩ ĩ, nũndũ wa itumi ta itatũ:
-
Ngai nĩwe Mũmbi. Mbivilia yaĩtye Yeova Ngai nĩwe wĩ na “mbuluti ya thayũ.” (Savuli 36:9; Meko ma Atũmwa 17:24, 25) Vate nzika Ngai e na ũtonyi wa kũthayũũkya akw’ũ, nũndũ nĩwe woombie syĩndũ syonthe.
-
Ngai nĩwathayũũkisye andũ ĩvinda ya tene. Mbivilia nĩwetete andũ nyaanya mathayũũkiw’e vaa nthĩ. Katĩ wa andũ asu vaĩ amwe ma mũika na angĩ akũũ. O na vaĩ aũme na aka. Amwe mathayũũkiw’e o kavinda kanini ĩtina wa kũkw’a, ĩndĩ ũmwe ekalĩte mbũanĩ matukũ ana!—Yoana 11: 39-44.
-
Ngai e na mea ma kwĩka ũu ĩngĩ. Yeova nũmenete kĩkw’ũ na akyonaa ta mũmaitha. (1 Akolintho 15:26) E na mea ma kũveta mũmaitha ũsu, na akeeka ũu kwĩsĩla ũthayũũkyo. E na wendi wa kũmathayũũkya ala me kĩlilikanonĩ kyake na aimatonyethya kwĩkala ĩngĩ ĩũlũ wa nthĩ.—Yovu 14:14, 15.
KWASŨANĨA ĨKŨLYO YĨĨ
Nĩkĩ tũkũaa na kũkw’a?
Mbivilia nĩsũngĩ ĩte ĩkũlyo yĩu ĩandĩkonĩ ya MWAMBĨLĨLYO 3:17-19 na ya ALOMI 5:12.
No Wendeewʼe Nĩ Ii
MOMANYĨSYO MA VATA MA MBIVILIA
Kwĩthĩawa Ata Ĩla Mũndũ Wakw’a?
Mbivilia nĩyathanĩte ĩvinda ala makwie makathayũũkw’a o tondũ Lasalo wathayũũkiw’e.
MŨSYAĨĨSYA
Ve Wĩkwatyo Kwondũ Wa Ala Akw’ũ—Nĩkĩ Ũtonya Kũĩkĩĩa Ũndũ Ũsu?
Mbivilia nĩnenganĩte itumi ilĩ nzeo sya kũĩkĩĩa kana kũkeethĩwa ũthayũũkyo.
ĨŨLŨ WITŨ
Nĩkĩ Waĩle Kwĩmanyĩsya Mbivilia?
Mbivilia nĩtumĩte andũ milioni mbingĩ ĩũlũ wa nthĩ makwata mosũngĩo ma makũlyo ala ma vata vyũ thayũnĩ. We nũkwenda kwĩthĩwa ũmwe wa andũ asu?
MOMANYĨSYO MA MBIVILIA
Ambĩĩa Kwĩmanyĩsya Mbivilia Naitũ
Ambĩĩa kwĩmanyĩsya Mbivilia na mwalimũ waku vate ndĩvi.
