“Nzambi . . . kepangusa mansanga nionso na meso ya bau, lufua, kunionga, bidilu mpe bampasi kevuanda diaka ve.”—Kusonga 21:3, 4, Contemporary English Version.

Yau mesadisa beto zaba ti Nzambi ve kebimisinaka beto bampasi.—Yakobo 1:13.

Beto mekindusua na kuzaba ti Nzambi kemonaka mpasi na ntima ntangu beto kekutanaka na bampasi.—Zakaria 2:8.

Yau mepesa beto kivuvu ti bampasi kemanisa.—Nkunga 37:9-11.

Ee, ata samu na mambu zole kaka:

• Nzambi meyina bampasi mpe kukondua lunungu. Kanisa mutindu Yehova Nzambi vuandaka mona ntangu bavuandaka monisa bisadi na yandi mpasi ya ngolo na ntangu ya ntama. Biblia metuba ti yandi monaka kiadi samu na “bayina vuandaka kukwamisa bau.”—Bazuzi 2:18, Masonukwa manlongo.

  Nzambi keyinaka bayina kemonisaka bayankaka mpasi. Na kifuani, Biblia metuba yandi meyina “maboko yina ketiamunaka menga ya bantu yina sala diambu ve.”—Bingana 6:16, 17.

• Nzambi kekanisaka mosimosi kati na beto. Ya kele kaka ve ‘muntu na muntu mezaba mputa na ntima na yandi na mpasi na yandi,’ kasi Yehova diaka kezabaka yau!—2 Bansangu 6:29, 30.

  Na Kimfumu na yandi, Yehova kemanisa bampasi ya muntu mosimosi. (Matayo 6:9, 10) Tekila yandi sala yau, yandi kena kubomba na luzolo nionso bayina kena kusosa yandi na kedika.—Bisalu 17:27; 2 Bakorinto 1:3, 4.