•  Mabanza ma mbatukulu 2

•  Bimvwama bia Zu dia Nzambi 3-5

  •  Tinzonzi 3

  •  Bimvwama bia timpeve 4

  •  Ntangulu ya Bibila 5

•  Tihana mu tisalu tia samuna 6-14

  •  Batika timoko 7

  •  Saka vizite za môna 8

  •  Kubika milongoki 9

  •  Bangula nkwikulu zaku 10

  •  Tinzonzi 11

  •  Mpila ya twarisila timoko 12

  •  Mpila za samunina 13

  •  Sarila video na mikanda 14

•  Luzingu lwa Bakristo 15-16

  •  Ndongokolo ya Bibila ya timvuka 16

•  Mabanza ma mansukina 17

•  Masîka na malongi 18

•  Ntangu 19

•  Vizite ya munkengi wa tizunga 20

•  Lumingu lwa lukutakanu lwa lunene 21

•  Lumingu lwa Mbambukulu 22

•  Munkengi wa lukutakanu lwa Luzingu na tisalu 23

•  Ntwarisi ya lukutakanu lwa Luzingu na tisalu 24

•  Mulongi wa nzole 25

•  Nzo za ndongokolo zakaka 26

•  Video 27

1. Misiku mia mukanda wu mbo mibakisa bô babansoni bê na devware ku lukutakanu lwa Luzingu na tisalu tia Bakristo. Muna muntu fweti tala lutwalusu lwa lweka lwandi buna bu basongelaka wo mu Mukanda wa lukutakanu lwa Luzingu na tisalu na mukanda wu, ntete kakubika lweka lwandi. Bisamuni biabiansoni bafweti bia lomba mu saka devware. Bantu bavulu kwizaka ku tukutakanu balendi saka devware tala ti ndongosolo za Bibila batambulaka, mpe mitieno mia Bibila bazitisaka. Munkengi wa lukutakanu lwa Luzingu na tisalu wufweti moka na muna muntu wulembolo tisamuni mpe wuzololo mu batika mu saka devware mu mu têla tala ti yandi fweni. Mu ntangu ya timoko tio, tisamuni ti mu longesaka Bibila tifweti bâ hô (peleko tibuti tie Mbangi ya Yehova). Misiku mi balombaka kwe bawu ni mio kwa mpe mi balombaka kwe bisamuni bilembolo bia batusu.—od-F tim. 8 par. 8.

2. Minite 1. Tumingu twatwansoni, ha manima ma mukunga na lusambulu lwa mbatukulu, ntwarisi ya lukutakanu lwa Luzingu na tisalu mbo yizonzela programe yilanda mu bukufi. Ntwarisi yifweti dukisa mabanza mayôkele mfunu mu bungu dia timvuka.

 3. Tinzonzi: Minite 10. Mukanda wa Luzingu na tisalu mitu-diambu wuhanaka na lutangu lwa mabanza ma nguri, mole peleko matatu. Tinzonzi tio bafweti tia hana kwe mukuluntu peleko kwe tibakisi tie na lenda. Lumingu lu batikaka ntangulu ya mukanda wa Bibila wa môna, bafweti songela video yizonzelaka mukanda wo. Nzonzi yilendi zonzela tintwari tie ha kati dia video na mutu-diambu. Kâ, fweti zonzela mabanza mamansoni ma baheni mu mukanda. Tala ti ntangu na yo, nzonzi yifweti tomo sarila bifwani bi bahanaka mu zonzela mabanza mandi. Yandi lendi sarila mikanda miakaka tala ti milendi mu bakisa mu tomo zonzela mabanza ma baheni.

 4. Bimvwama bia timpeve: Minite 10. Mu lweka lu, biyuvu kwa bayulaka. Mukuluntu wufweti twarisa timoko tio, peleko tibakisi tie na lenda. Nzonzi mbo yiyula kwe bantu biyuvu bia biole bi baheni. Yandi beni kwa sola tala ti verse katangisa peleko kâni. Mvutu ka zifweti’â zayôka seconde 30 ko.

 5. Ntangulu ya Bibila: Minite 4. Devware yi bafweti ya hana kwe mulongoki wa bakala. Yandi fweti tanga kwa lweka lu baheni. Ntwarisi mbo yidinga mu bakisa mulongoki mu tanga buna bufwanane, buna bu kazonzelaka mpe yandi ka kekame; fweti dukisa ntêlo za mfunu, fweti sobaka zu, mpe fweti humaka tala ti wudelakane. Lweka lwa tanga lulendi bâ lwa lula peleko kâni; buna, munkengi wa lukutakanu wufweti zaba lenda dia mulongoki ntete kamuhana devware ya mpila yo.

6. Minite 15. Kani dia lweka lu ni mu hana bweso bwa kubamaka kwe bantu babansoni mu bungu dia tisalu tia samuna, na bwa tomesa lenda diawu dia saka bimoko, dia samuna na dia longesa. Tala ti wufwanane, bakuluntu balendi ba hana devware za milongoki. Muna tisamuni fweti sarila ndongosolo ye mu mukanda wa Ndongosolo peleko wa Zolo bantu, yi bazabikisaka mu Mukanda wa lukutakanu lwa Luzingu na tisalu. Ntangu zakaka, lweka lu mbo luyôkela mu timoko tia bantu babansoni. Buna, lweka lu mukuluntu peleko tibakisi mu tisalu tie na lenda fweti lwa sa.—Tala  paragrafe 15 yitariri mpila ya twarisila bimoko.

 7. Batika timoko: Timoko ti balendi tia hana kwe bakala peleko kwe mukento. Milongoki mifweti bâ kwa bakala na bakala, peleko mukento na mukento, tala ti kâni bafweti bâ kanda dimosi.—Mu baka nsangu zakaka mu mpila yi basilaka lweka lu, tala  paragrapfe 12 na  13.

 8. Saka vizite za môna: Timoko ti bakala peleko mukento fweti tia sa. Milongoki mifweti bâ kwa bakala na bakala peleko mukento na mukento. (km-F 5/97 tin. 2) Bawu balendi bâ ba telama peleko ba zakala. Wô twarisa timoko fweti songela nti bafweti tâ bu basaka vizite ya môna ya muntu watamburi nsangu zeto mu timoko tia ntete.—Mu baka nsangu zakaka za mpila yi basilaka lweka lu, tala  paragrapfe 12 na  13.

 9. Kubika milongoki: Timoko ti bakala peleko mukento fweti tia sa. Milongoki mifweti bâ kwa bakala na bakala peleko mukento na mukento. (km-F 5/97 tin. 2) Bawu balendi bâ ba telama peleko ba zakala. Lweka lu lufweti songela ndongokolo ya Bibila yi batibatikiri. Ka bafweti’â basa mbakutulu ko peleko nsukunu ya ndongokolo, tala ti ka babalombe’â ko mu sarila diambu dio.

 10. Bangula nkwikulu zaku: Bu basaka tinzonzi mu lweka lu, mulongoki wufweti bâ wa bakala. Mboko, bu basaka timoko, wulendi bâ wa bakala peleko wa mukento, mpe bantu bafweti bâ kwa bakala na bakala, peleko mukento na mukento. Mulongoki wufweti hana mvutu ya mbote na ya delakana mu tiyuvu tia mutu-diambu, bu kasarila nsangu za mukanda wu bamuheni mu lweka lwandi. Mulongoki wulendi sola mu lembo zonzala mukanda wu baheni mu ntangu ya timoko.

 11. Tinzonzi: Bakala kwa difweti sa lweka lu, ntiana bu basilaka tinzonzi mu timvuka. Tinzonzi bu tisikamanaka mu lweka lwa Nsangu zakaka A za mukanda wa Zolo bantu, mulongoki wufweti tomo songela ntia verse balendi sarila mu tisalu tia samuna. Mu tifwani, yandi lendi songela bwe balendi sarila verse, nsasa ya verse, mpe bwe balendi yindula na muntu mu verse. Timoko bu tisikamanaka mu mukanda wa Zolo bantu, mulongoki wufweti tomo songela bwe balendi sarila diambu dio mu tisalu tia samuna. Yandi lendi songela tifwani ti bazonzelaka mu diambu 1 dia timoko, peleko lendi songela verse zakaka za timoko, tala ti wufwanane.

   12. Mpila ya twarisila timoko: Nsangu za mu paragrafe yi na yita landa, lweka lwa “Batika timoko” na lwa “Saka vizite za môna” zita tarila. Tala ti ka batêle’â bwakaka ko, kani dia mulongoki ni mu zonzela matieleka ma Bibila madelakane na muntu wu kata zonza na wo, na mu bâ na timoko tiakaka. Mulongoki wufweti sola mu zonzela diambu die nsangu mpe didelakane na tizunga. Yandi lendi sola mu songela mukanda peleko video ya Bisalulu bia ngongosolo. Kani basimba timoko mu mutu, milongoki mifweti sarila lenda dia twarisa timoko, ntiana zonzela misamu misimbaka mitima na bika timoko tiakula.

   13. Mpila za samunina: Mulongoki wufweti sarila mpila za samunina zi baheni zidelakane na misamu mia tizunga. Mu tifwani:

1.  1) Nzo na nzo: Mu mpila yo ya samunina mwe na samunina ku telephone, samunina muntu ku nzo’andi, peleko samunina mu mikanda, na mu saka vizite za môna ha manima ma timoko tia ntete.

2.  2) Samunina mu informel: Mpila yi bweso yisongelaka bwa sarila timoko tia mpamba mu tâ timbangi. Bweso bwena bu tubâka na bo bu tusamunaka kwe bantu ba tubwabanaka na bo ku tisalu, ku lukolo, mu tizunga tieto, mu bus, peleko mu bisalu bieto biakaka.

3.  3) Samuna ha mbuka ya bantu babansoni: Mu mpila yo ya samunina mwe na samunina ha prezentware, mu mbuka za nkari, mu nzila peleko mu parke, mu parking na mu mbuka za bantu babingi.

 14. Sarila video na mikanda: Tala ti wudelakane, mulongoki wulendi sola mu sarila video peleko mukanda. Tala ti mu devware ya mulongoki video ye mô, peleko mulongoki wusolele mu songela video, yandi fweti zonzela video, kâ ka fweti’â ya songela ko.

15. Ha manima ma mukunga, minite 15 milanda tinzonzi timosi peleko biole biyôka mu bakisa bantu mu sarila Zu dia Nzambi. Tala ti ka batêle’â bwakaka ko, binzonzi bio balendi bia hana kwe mukuluntu peleko tibakisi tie na lenda, tala ti ka “Nsatu za timvuka” ko, zi fweti sa kwa bakuluntu. Mu timoko, nzonzi yilendi yula biyuvu biakaka na bio bi baheni. Mabanza ma mbatukulu mafweti bâ ma nkufi, mu bika ntangu ya fwanana mu zonzela mabanza ma nguri na mu hana bweso kwe bantu bwa hana mvutu. Tala ti interview ye mô, bubote bwingi kwe muntu wu basa interview mu bâ ha estrade, kani kabâ ha tibuka tiandi.

  16. Ndongokolo ya Bibila ya timvuka: Minite 30. Lweka lu, bafweti lwa hana kwe mukuluntu we na lenda. (Mu bimvuka bilembolo na bakuluntu ba fwanana, balendi sarila bibakisi bie na lenda tala ti wufwanane.) Timvuka tia bakuluntu tifweti zaba nani fweni mu twarisa ndongokolo ya Bibila ya Timvuka. Mpangi zi basola zifweti bâ na lenda dia twarisa timoko mu mpila ya nkatika ya mbote, zifweti zitisa ntangu, zifweti dukisa verse za nguri, mpe zifweti bakisa muna muntu mu simba nsasa ya mabanza ma bataluzula. Bô ba basola mbo babaka ndandu tala ti bavutulu taluzula lutwalusu lwa mpila ya twarisilaka bimoko. (w23.04 tin. 24, kaku). Bu kamana taluzula mabanza mamansoni ma bakubikiri mu lumingu, nzonzi fweti sukisa ndongokolo. Tala ti wufwanane, bafweti sobaka ntwarisi na titangi tumingu twatwansoni. Tala ti ntwarisi ya lukutakanu yilombele badimina ntangu ya ndongokolo ya Bibila ya timvuka, ntwarisi ya ndongokolo yifweti dinga mpila yi kasila. Yandi lendi sola mu lembo tangisa paragrafe zakaka.

17. Minite 3. Ntwarisi ya lukutakanu lwa Luzingu na tisalu mbo yibambula mabanza ma mfunu ma lukutakanu. Yandi fweti zonzela mpe lukutakanu lulanda mu bukufi. Tala ti ntangu na yo, yandi lendi tâ nkumbu za bantu basa bimoko lumingu lulanda. Tala ti ka batêle’â bwakaka ko, ntwarisi ya lukutakanu yifweti hana nsangu peleko yifweti tanga mukanda mu mabanza ma mansukina. Nsangu zakaka zitariri tukutakanu twa tisalu tia samuna na za bunkete, ka bafweti’â za hana ko, kâ bafweti za tûla ku tablo. Tala ti ntwarisi ka yilenda ko mu tâ nsangu peleko mu tanga mikanda mu ntangu yi bamukubikiri, yandi mbo kalomba kwe mpangi ze na bimoko mu lweka lwa Luzingu lwa Bakristo mu dimina ntangu yi basa. (Tala  paragrafe 16 na  19.) Lukutakanu mu mukunga na lusambulu lufweti manisina.

18. Ha manima ma muna timoko tia milongoki, ntwarrisi ya lukutakanu lwa Luzingu na tisalu yifweti sa minite mimosi mu sîka milongoki na mu hana malongi mu nzila ya diambu dia ndongosolo yi baheni. Ntwarisi bu yitâka mbila mulongoki mu bungu dia timoko, yandi ka fweti’â zonzela ndongosolo yi kasarila ko. Kâ, timoko bu timana wâ, mpe bu kamana hana masîka mafwanane, ntwarisi yilendi tâ ntia ndongosolo yi sariri mulongoki. Yandi mbo kasongela bwe, mpe mu bungu dia nti mulongoki wutomono sarila ndongosolo yo; peleko mu nsayi, mu bungu dia nti kafweti tatamana mu sarila ndongosolo yo. Ntwarisi yilendi zonzela misamu miakaka mia mu timoko tala ti benzi ti mbo minata ndandu kwe mulongoki na kwe bantu bakaka. Yandi lendi hana malongi makaka ha bawu kaka mu nzila ya mukanda wa Zolo bantu na wa Ndongosolo, peleko mu nzila ya buku dia École du ministère, ha manima ma lukutakanu, peleko mu ntangu yakaka. Malongi mango malendi tarila ndongosolo yisariri mulongoki peleko tima tiakaka.— Mu baka nsangu zakaka za dema dia ntwarisi ya lukutakanu lwa Luzingu na tisalu na mulongi wa nzole, tala, tala  paragrafe 19,  24, na  25.

19. Ka kwena timoko ko tifweti yôkesa ntangu, ni mabâ mabanza ma ntwarisi ya lukutakanu lwa Luzingu na tisalu. Ni bu sa ti Mukanda wa lukutakanu lwa Luzingu ntangu ya muna lweka wuhanaka, tala ti mabanza mamansoni ma bazonzele, ka wufwanane’â ko mu yika mabanza makaka, mu sarila ntangu yayansoni. Tala ti ntangu ya timoko yiyôkele, munkengi wa lukutakanu lwa Luzingu na tisalu peleko mulongi wa nzole mbo wuhana malongi ha bawu kaka. (Tala  paragrafe 24 na  25.) Lukutakanu lwalwansoni, mikunga na tusambulu, bifweti sa heure 1 na minite 45.

20. Munkengi wa tizunga bu wusaka vizite ya timvuka, lukutakanu lwa Luzingu na tisalu lufweti yôkela ntiana mu Mukanda wa lukutakanu lwa Luzingu na tisalu mu mpila yita landa: Ndongokolo ya Bibila ya timvuka, mbo bayingasa yo mu tinzonzi tia minite 30 ti sa munkengi wa tizunga. Ntete tinzonzi tia tisalu, ntwarisi ya lukutakanu lwa Luzingu na tisalu mbo katoko zonzela mabanza ma bataluzuri ku lukutakanu mu bukufi, mbo kazonzela programe ya lumingu lulanda, mbo kahana nsangu zifwanane, mpe mbo katanga mikanda mi bafweti tanga; ha manima mbo kalomba kwe munkengi wa tizunga mu sa tinzonzi tiandi. Mboko ha manima ma tinzonzi tia tisalu, munkengi wa tizunga mbo wusukisa lukutakanu mu mukunga wu kasola. Mboko hâna manima, yandi lendi lomba kwe mpangi yakaka mu sa lusambulu lwa mansukina. Lumingu lo, ka kubâ nzo za ndongokolo zakaka ko. Tala ti tikunku (groupe) tiakaka tie kô, bawu balendi sa tukutakanu twawu, kâ mbo babâ ha timosi na timvuka tiatiansoni mu wâ tinzonzi tia tisalu tia munkengi wa tizunga.

21. Mu lumingu lwa lukutakanu lwa lunene, ka kubâ tukutakanu ko mu timvuka. Buna bafweti bambula timvuka ti programe ya tukutakanu twa lumingu lo, bafweti ya longoka bawu beni peleko mu kanda.

22. Mbambukulu bu yitûlaka mu bilumbu bia lundi tii vendredi, ka kubâka lukutakanu lwa Luzingu na tisalu ko.

23. Timvuka tia bakuluntu tifweti sola wumosi mu bawu mu bâ munkengi wa lukutakanu lwa Luzingi na tisalu. Mpangi yo, dema die nandi dia sa ti lukutakanu lwabâ lwa kutama, mpe lwayôkela tintwari na misiku mi. Yandi fweti sarila ngolo mu tomo mokaka na na mulongi wa nzole. Buna kwa bu dûka Mukanda wa lukutakanu lwa Luzingu na tisalu, munkengi wa lukutakanu lwa Luzingu na tisalu fweti kaba bimoko biabiansoni bia tukutakanu twa Luzingu na tisalu twa ngonda za zole zidelakane na mukanda. Yandi fweti kaba devware za milongoki na biakaka zi lembo saka milongoki, na lutwalusu lwa lukutakanu kwe mpangi zi basola kwe timvuka tia bakuluntu. Tala  paragrafe 3-16 na  24.) Bu kakubikaka devware za milongoki, yandi fweti talaka mvula, misamu mi zebi mulongoki na lenda die na muntu mu zonzela diambu dio. Yandi fweti sarila lenda dia swasikisa bu kahanaka devware za lukutakanu. Devware zazansoni bafweti za kaba ntangu yôka tumingu tutatu (trois semaines) ntete basa bio. Yandi fweti sarila mukanda wa Devoir d’élève à la réunion Vie chrétienne et ministère (S-89-F) mu kaba devware. Munkengi wa lukutakanu lwa Luzingu na tisalu wufweti sa ti programe ya bimoko biabiansoni yabâ ku tablo ya nsangu. Timvuka tia bakuluntu tilendi sola mukuluntu wakaka, peleko tibakisi mu tisalu, mu bâ tilandi tia munkengi wa lukutakanu lwa Luzingu na tisalu. Kâ, bakuluntu kwa bafweti kabaka binzonzi bi balembo hanaka kwe milongoki.

24. Tumingu twatwansoni, mukuluntu wumosi wufweti bâka ntwarisi ntangu yayansoni ya lukutakanu lwa Luzingu na tisalu. (Mu bimvuka bilembolo na bakuluntu ba fwanana, balendi sarila bibakisi mu tisalu bie na lenda, tala ti wufwanane.) Yandi dema die nandi dia kubika mabanza ma mbatukulu na ma mansukina. Yandi fweti zonzela mpe fweti tâ mbila muna nzonzi. Tintwari na bunene bwa timvuka tia bakuluntu, yandi lendi sa binzonzi biakaka bia mu programe, ntiana bu basongelaka video peleko bu balembo saka bimoko. Ha manima ma tinzonzi timosi, mpe ntete tiakaka tiabatika, mabanza mandi mafweti bâka ma nkufi. Timvuka tia bakuluntu tifweti sola ntia mukuluntu wudelakane na tisalu tio. Bakuluntu ba basola mu twarisaka lukutakanu bafweti yongasanaka. Tintwari na misamu mia mu timvuka, munkengi wa lukutakanu lwa Luzingu na tisalu wulendi vulu twarisaka yôka bakaka. Tala ti mukuluntu lenda die nandi dia twarisa Ndongokolo ya Bibila ya timvuka, buna lendi bâ ntwarisi ya lukutakanu. Dieka bo, bambukeno ti ntwarisi yifweti sîkaka mpe yifweti hanaka malongi ma delakana na ma fuluka mu luzolo kwe milongoki mie na bimoko. Ntwarisi yifweti saka ti lukutakanu lwamanisa mu ntangu yifwanane. (Tala  paragrafe 17 na  19.) Tala ti zololo, mpe mbuka ya sârila yena ha estrade, ntwarisi yilendi tûla micro ha lubandi mu tâ muna nzonzi mbila na mu hana mabanza mu ntangu yi kata kwiza. Mpila mosi mpe, tala ti zololo, ntwarisi yilendi zakala ha estrade na table, mu ntangu ya ntangulu ya Bibila na ya lweka lwa Tihana mu tisalu tia samuna. Musamu wo wulendi bakisa mu lembo hombesa ntangu.

25. Tala ti wufwanane, bubote bwena mu sola munkengi wulongesaka bubote mu bâ mulongi wa nzole. Yandi dema die nandi dia hanaka malongi mu mansweki, tala ti wufwanane, kwe bakuluntu na kwe bibakisi mu tisalu, mu bungu dia binzonzi na bimoko bi batwarisaka, ku lukutakanu lwa Luzingu na tisalu, tinzonzi tia bantu babansoni, ndongokolo ya Nzo ya Zangama ya Munkengi peleko ndongokolo ya Bibila ya timvuka, peleko ntangulu ya paragrafe za ndongokolo. (Tala  paragrafe 19.) Tala ti mu timvuka bakuluntu babingi bazonzaka bubote mpe bazebi longesa, balendi sola mukunlutu wakaka mivu miamiansoni mu bâ mulongi wa nzole. Mulongi wa nzole ka wena na nsatu ko ya hanaka malongi ha manima ma bimoko na binzonzi biabiansoni.

26. Tintwari na lutangu lwa milongoki, timvuka tilendi kubika nzo zakaka za ndongokolo mu bungu dia bimoko bia milongoki. Muna nzo ya ndongokolo yifweti bâ mu lutumu lwa mulongi we na lenda difwanane; bubote bu wubêle mukuluntu. Tala ti wufwanane, tibakisi mu tisalu tie na lenda difwanane tilendi lungisa dema dio. Timvuka tia bakuluntu tifweti bonga nzengolo ya sola muntu wulungisa dema dio, mpe tala ti muntu bafweti sobaka mivu miamiansoni. Mulongi wufweti landa mpila ya sarila yi bazonzele mu  paragrafe 18. Ha manima ma timoko tia “Bimvwama bia timpeve,” bafweti lomba kwe milongoki mu kwenda mu nzo zakaka za ndongokolo. Mboko, ha manima ma dvware ya mulongoki wa mansukina, bawu balendi vutu bâ tintwari na timvuka tiatiansoni.

27. Ku lukutakanu lo, video za delakana basarilaka. Mu JW Library^® zitûkaka mpe balendi za yôkesela mu apareye za mpila na mpila.

© 2023 Watch Tower Bible and Tract Society of Pennsylvania

S-38-LR 11/23