Ki Lika Mañi Zekona Kulutusa Kuba ni Tabo Mwa Lubasi?
Kana munahana kuli ki . . .
-
kulatana?
-
masheleñi?
-
lika zeñwi?
ZEIBULELA BIBELE
“Babatabile . . . ki babautwa linzwi la Mulimu ni kulimamela!”—Luka 11:28, Bibele ya Toloko ya Lifasi Lelinca.
MOMUKONA KUTUSEZWA KI TABA YEO
Mukafumana lilato sakata.—Maefese 5:28, 29.
Mukakutekana hahulu.—Maefese 5:33.
Mukasilelezwa habuniti.—Mareka 10:6-9.
KANA LULI LWASWANELA KULUMELA ZEIBULELA BIBELE?
Eni, sihulu ka mabaka amabeli:
-
Mulimu ki yena Musimululi wa lubasi. Bibele ibulela kuli ‘lubasi kaufela luamuhezi libizo’ ka Jehova Mulimu. (Maefese 3:14, 15) Ka mubulelelo omuñwi, mabasi abile teñi bakeñisa kuli Jehova ki yena musimululi wa mabasi ao. Kuziba taba yeo kukona kulutusa cwañi?
Muunge kuli musweli kuca lico zetabusa, mi mubata kuziba lika zeitusisizwe kuapeha lico zeo, ki mañi yene mukabuza? Niti kikuli nemuka buza mutu yaapeile lico zeo.
Ka mukwa oswana, kuli luzibe lika zekona kulutusa kuba ni tabo mwa lubasi, luswanela kukupa tuso ku Jehova yena Musimululi wa lubasi.—Genese 2:18-24.
-
Mulimu wamiisa pilu. Mabasi aswanela kukupa kelezo ku Jehova, ili yafa ka Linzwi lahae. Kabakalañi? “Kakuli wamiisa pilu.” (1 Pitrosi 5:6, 7) Jehova ubata kuli muikole bupilo, mi kamita kelezo yahae yatusa!—Liproverbia 3:5, 6; Isaya 48:17, 18.
ZA KUNAHANISISA
Baana babanyezi, basali babanyezwi, ni mina bashemi, ki nto mañi yekona kumitusa kupeta hande buikalabelo bwamina?
Bibele ialaba puzo yeo kwa liñolo la MAEFESE 5:1, 2 ni la MAKOLOSE 3:18-21.
Hape Mwendi Mwakona Kutabela Litaba Ze
MUZUHE!
Mubupi Waluna Ulufa Butali Kuli Lube ni Tabo Mwa Lubasi
Ki lika mañi zebakona kueza baana, basali, bashemi, ni bana kuli babe ni tabo mwa lubasi?
LIKALABO KWA LIPUZO ZA BIBELE
Bibele Ibulelañi ka za Linyalo?
Likuka za mwa Bibele zakona kutusa baana ni basali babanyalani kutokolomoha kamba kutula butata.
LIKALABO KWA LIPUZO ZA BIBELE
Kana Bibele Yakona Kunitusa Kuba ni Tabo Mwa Lubasi?
Kelezo yende ya mwa Bibele seitusize kale baana ni basali babañata kuba ni tabo mwa lubasi.
MUZUHE!
Mabasi Aikola Bupilo—Kuswalisana
Kana bakumina baswana feela sina batu bomupila ni bona mwa ndu iliñwi isiñi bomunyalani ni bona?
KA ZA LUNA
Ki Kabakalañi ha lu Swanela ku Ituta Bibele?
Bibele i sweli ku alaba lipuzo za butokwa hahulu ze ba sweli ku buza batu ba bañata-ñata mwa lifasi kaufela. Kana mwa tabela ku ba yo muñwi wa batu bao?
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
