“Mulimu . . . ukatakula miyoko kaufela kwa meeto abona, mi lifu halisana kubateñi, nihaiba kutahelwa ki maswabi kamba kulila kamba kuutwa butuku.” —Sinulo 21:3, 4, Bibele ya Toloko ya Lifasi Lelinca.

Lukaba ni buikolwiso bwa kuli Mulimu haki yena yatahisa matata elutalimana ni ona.—Jakobo 1:13.

Lukaomba-ombiwa haluka ziba kuli Mulimu wautwisisa luli moluikutwelanga halunyanda.—Zakaria 2:8.

Lukaba ni sepo ya kuli manyando kaufela akafela.—Samu 37:9-11.

Eni, sihulu ka mabaka amabeli:

• Mulimu utoile manyando ni kusaluka. Munyakisise mwanaaikutwezi Jehova Mulimu batu bahae ba mwa linako zebulezwi mwa Bibele hane banyandisizwe maswe. Bibele ibulela kuli Jehova naaikutwile hahulu bumaswe bakeñisa “bane babanyandisa.”—Baatuli 2:18, Bibele ya Toloko ya Lifasi Lelinca.

  Mulimu utoile hahulu batu babanyandisa babañwi. Ka mutala, Bibele ibulela kuli “mazoho asulula mali a babasina mulatu” amasila ku Mulimu.—Liproverbia 6:16, 17.

• Mulimu utokomela mañi ni mañi waluna. “Yomuñwi ni yomuñwi uziba butata bwahae ni butuku bwautwa”, mi Jehova ni yena waziba lika zeo!—2 Makolonika 6:29, 30.

  Ka kuitusisa Mubuso wahae, Jehova atuha afelisa manyando akopana ni ona mutu ni mutu. (Mateu 6:9, 10) Kono pili asika eza kale cwalo, uomba-omba batu babaikataza kumubata.—Likezo 17:27; 2 Makorinte 1:3, 4.