“Sapula Myanda Miyampe!”
Kitango kya Ntanda kya Batumoni ba Yehova kya 2024
Kutwela i ku bitupu • Kekudipo mukongo wa lupeto
Myanda Mikatampe ya mu Mpangiko
Dya Butano: Wimwene bukamoni bulombola’mba myanda miyampe itala Yesu idi mu Maevanjile i myanda yālongekele binebine mu bwandi būmi. Wifunde muswelo otubwanya kumwena dyalelo mu ino nsekununi ya mu Bible.
Dya Mposo: Le i myanda’ka yālailwe mu bupolofeto itala kubutulwa kwa Yesu ne ya būmi bwandi bwa pa bwanuke, kadi le buno bupolofeto bwāfikidile binebine?
Dya Yenga: Iya ulonde mwisambo wimanine pa Bible unena’mba “Kine Kyoketutyininangapo Myanda Mibi,” wimwene bubinga bulengejanga bantu midiyo ne midiyo baleke kusela mityima kūlu pobevwana myanda mibi ilongeka mu ino ntanda kadi balame kikulupiji kyabo.
Drame
Myanda Miyampe Mwendele Yesu: Kipindi 1
Kitōkeji kya Bine kya Ino Ntanda
Kubutulwa kwābutwilwe Yesu mu kingelengele i mwanda’tu umo mu myanda mivule ya mvubu yālongekele paādi ukidi mwanuke. Bambutwile bandi bānyemēne nandi mu Edipito mwanda mulopwe umo ntapañani wādi ukimba kumwipaya. Aye pa kutamina’ko, difuku dimo wātulumwije bafundiji bakatampe ba mu andi mafuku. Tala ino myanda ne mikwabo mu drame ya bipindi bibidi isa kutalwa Dya Butano ne Dya Mposo.
Londa ano mavideo atala kitango kya uno mwaka
Lelo I Bika Biloñwanga ku Bitango Byetu?
Ino video ilombola byokemwena ku kitango kya Batumoni ba Yehova.
“Sapula Myanda Miyampe!” Kitango kya Ntanda kya Batumoni ba Yehova kya 2024
Tala myanda yotusa kufunda ku Kitango kya Ntanda kya uno mwaka.
Ntompejo ya Drame: Myanda Miyampe Mwendele Yesu
Bantu bavule bayukile lusango lwa kubutulwa kwa Yesu mu kingelengele. Ino le i bika byālongekele kumeso kwa aye kubutuka ne kupwa kubutulwa?