“Aolep Jeje ko rej kakũrm̦ool in Anij.”—2 Timote 3:16, Jeje ko Rekkwõjarjar​—Ukokin Lal̦ eo Ekããl (Matu-Revelesõn).

Enaaj jubũruom̦ ilo am̦ lo uwaakin kajjitõk ko me ekkã an armej ro kajjitõk kaki.​—Jabõn Kõnnaan 2:1-5.

Kwõnaaj bõk naanin tõl ko kwõmaroñ lõki kõn wãween ko rej wal̦o̦k kajjojo raan ilo mour eo am̦.​—Sam 119:105.

Enaaj wõr juon am̦ kõjatdikdik em̦ool kõn ilju im jekl̦aj.​—Rom 15:4.

Aet, jen lale jilu iaan un ko:

• Ekabwilõñlõñ an jab idaaptõk kobban. Ewõr tarrin 40 armej ro me rar je Baibõl̦ eo ium̦win enañin 1,600 iiõ ko. Elõñ iaaer rejjañin kar iioon doon. Meñe ãindein, ak mel̦el̦e ko jãn jinoin ñan jem̦l̦o̦kin Baibõl̦ eo rej juon wõt im rejjab idaaptõk ippãn doon, im aolep mel̦el̦e ko ie rej jitõñl̦o̦k ñan juon wõt ennaan!

• Em̦ool bwebwenato ko ie. Ekkã an jet ri-jeje bwebwenato ro n̦ooji likjab ko an armej ro aer. Bõtab ear oktak ri-jeje Baibõl̦ ro jãn rein, rar kwal̦o̦k m̦ool ilo aer kar jei likjab ko aer make im an aelõñ eo aer.​—2 Kronikel 36:15, 16; Sam 51:1-4.

• Kanaan ko rem̦ool. Baibõl̦ eo ear kanaan bwe naaj kar ko̦kkure jikin kweilo̦k eo ilo etto etan Babil̦on, emaroñ 200 iiõ ko m̦oktal̦o̦k jãn an kar wal̦o̦k. (Aiseia 13:17-22) Ekar jab kaalikkar wõt kõn wãween naaj kar ko̦kkure Babil̦on ak ear bar kwal̦o̦k kõn etan eo enaaj bõk anjo̦!—Aiseia 45:1-3.

  Elukkuun bar lõñ kanaan ko jet ilo Baibõl̦ rekar jejjet kũtieer, jãn men ko rel̦l̦ap ñan men ko rediktata. Bõtab ejjab ke eñin men eo jen kar kõtmãne jãn Naanin Anij?​—2 Piter 1:21.