“Nā te hā o te Atua ngā karaipiture katoa.”—2 Tīmoti 3:16

He whakautu rawe ki ngā pātai nui o te ora.—Ngā Whakataukī 2:1-5

He aratakinga pono mō te ora ia rā, ia rā.—Ngā Waiata 119:105

He tino tūmanako mō āpōpō.—Rōma 15:4.

Āe, e toru nei ngā take:

• He mea mīharo te kotahi o te whakaaro. I tuhia te Paipera i roto i te 1,600 tau e ētahi kaituhi 40 rawa. Ko te nuinga kāore i tūtaki ki ētahi atu o rātou. Heoi, kotahi tonu te whakaaro o te pukapuka katoa, kotahi anō te kaupapa!

• He hītori pono. He tere ngā tumu kōrero hītori ki te huna i ngā wā i hinga ai ō rātou iwi. Kāore ngā kaituhi o te Paipera i pērā. He pono tonu tā rātou i tuhituhi mō ō rātou ake hara, me ō te iwi.—2 Ngā Whakapapa 36:15, 16; Ngā Waiata 51:1-4.

• He poropititanga pono. I kōrero te Paipera mō te whakahorotanga o te pā tahito o Pāpurona ētahi tau e 200 i mua noa atu. (Īhāia 13:17-22) I kōrerotia te tikanga e hinga ai a Pāpurona, otiia te ingoa o te kaiwhakahoro!—Īhāia 45:1-3.

  He maha noa ētahi atu poropititanga o te Paipera i tutuki, ā tae noa ki te kupu iti rawa. Engari koia tērā e manako ai tātou i te Kupu a te Atua nē?—2 Pita 1:21.