“ദൈവ​ത്തി​ന്‍റെ വചനം കേട്ടനു​സ​രി​ക്കു​ന്ന​വ​രാണ്‌ അനുഗൃ​ഹീ​തർ!”​—ലൂക്കോസ്‌ 11:28, പുതിയ ലോക ഭാഷാ​ന്തരം.

കുടും​ബാം​ഗ​ങ്ങ​ളു​ടെ സ്‌നേഹം അനുഭ​വി​ച്ച​റി​യാം.​—എഫെസ്യർ 5:28, 29.

ബഹുമാ​നം നേടി​യെ​ടു​ക്കാം.​—എഫെസ്യർ 5:33.

സുരക്ഷി​ത​ത്വം ആസ്വദി​ക്കാം.​—മർക്കോസ്‌ 10:6-9.

തീർച്ച​യാ​യും വിശ്വ​സി​ക്കാം. കുറഞ്ഞതു രണ്ടു കാരണ​ങ്ങ​ളാൽ:

• ദൈവ​മാ​ണു കുടും​ബ​ത്തി​ന്‍റെ രൂപസം​വി​ധാ​യകൻ. സ്രഷ്ടാ​വായ യഹോവയാണ്‌ ‘എല്ലാ കുടും​ബ​ങ്ങൾക്കും പേര്‌ വരാൻ കാരണ​മാ​യവൻ.’ (എഫെസ്യർ 3:14, 15) മറ്റു വാക്കു​ക​ളിൽ പറഞ്ഞാൽ, യഹോവ രൂപക​ല്‌പന ചെയ്‌ത​തു​കൊ​ണ്ടാണ്‌ കുടും​ബങ്ങൾ നിലവിൽ വന്നത്‌. ഇതു നമ്മളെ എങ്ങനെ സ്വാധീ​നി​ക്കണം?

  ഇതു ചിന്തി​ച്ചു​നോ​ക്കൂ: രുചി​ക​ര​മായ ഒരു ഭക്ഷണം കഴിക്കു​മ്പോൾ അതിലെ ചേരുവ അറിയാൻ ആഗ്രഹി​ക്കു​ന്നെ​ങ്കിൽ ആരോടു ചോദി​ക്കും? അത്‌ ഉണ്ടാക്കിയ വ്യക്തി​യോട്‌.

  അതു​പോ​ലെ, സന്തോഷം നിറഞ്ഞ കുടും​ബ​ജീ​വി​ത​ത്തി​ന്‍റെ ‘ചേരുവ’ അറിയാൻ കുടും​ബം എന്ന ക്രമീ​ക​ര​ണ​ത്തി​നു രൂപം കൊടുത്ത യഹോ​വ​യി​ലേ​ക്കല്ലേ തിരി​യേ​ണ്ടത്‌?—ഉൽപത്തി 2:18-24.

• ദൈവം നിങ്ങ​ളെ​ക്കു​റിച്ച് ചിന്തയു​ള്ള​വ​നാണ്‌. യഹോവ തന്‍റെ വചനത്തിൽ നൽകി​യി​രി​ക്കുന്ന നിർദേ​ശങ്ങൾ അനുസ​രി​ക്കു​ന്ന​താ​ണു കുടും​ബ​ങ്ങൾക്കു നല്ലത്‌. എന്തു​കൊണ്ട്? കാരണം, ‘ദൈവം നിങ്ങ​ളെ​ക്കു​റിച്ച് ചിന്തയു​ള്ള​വ​നാണ്‌.’ (1 പത്രോസ്‌ 5:6, 7) നിങ്ങൾക്ക് ഏറ്റവും നല്ലതു വന്നുകാ​ണാൻ യഹോവ ആഗ്രഹി​ക്കു​ന്നു. മാത്രമല്ല, ദൈവ​ത്തി​ന്‍റെ നിർദേ​ശങ്ങൾ എപ്പോ​ഴും നന്മ കൈവ​രു​ത്തും!—സുഭാ​ഷി​തങ്ങൾ 3:5, 6; യശയ്യ 48:17, 18.