“শাস্ত্র খুদিং ঈশ্বরগী স্বরদগী ওইবনি।”—২ তীমোথি ৩:১৬, অশেংবা বাইবল।

পুন্সিগী মরুওইবা ৱাহংশিংগী পাওখুমশিং ফংগনি।—পাউরৌ ২:১-৫.

হিংবদা চঙবা থাজবা য়াবা পাওতাক্‌শিং ফংগনি।—থাগৎ ঈশৈ ১১৯:১০৫.

তুংগী পুন্সিগী অশেংবা আশা ফংগনি। —রোমীয় ১৫:৪.

য়াই, য়ামদ্রবদা মরম অহুমদা য়ুমফম ওইরগা:

• অঙকপা মওংদা অমগা অমগা য়ানবা। বাইবলসি তোঙান তোঙানবা মীওই ৪০ মুকনা চহি ১,৬০০ হেন্না চঙনা ইরম্বনি। মখোয় অয়াম্বদি অমগা অমগা শুকউন উন্নখিদে। অদুমওইনমক, বাইবলদা য়াওরিবা লাইরিক খুদিংমক অমগা অমগা মরুওইবা ৱাফম অমদা য়াননা চৎলি।

• পুকচেল শেংনা ইরম্বা ইতিহাস। তাইবংপানগী ইতিহাস ইবশিংনদি চৎনবী ওইনা মখোয়গী মীশিংগী অশোয়বা লোৎশিন্নৈ। মদুগী ওন্ন-তৈনবদা বাইবল ইবশিংদি মখোয় মশাগী অমদি মখোয়গী জাতিগী অশোয়বশিং পুকচেল শেংনা ইরম্মী।—২ ইতিহাস ৩৬:১৫, ১৬; থাগৎ ঈশৈ ৫১:১-৪.

• মাঙজৌননা তাকথোকলম্বা ৱা খুদিংমক চুম্বা। থায়নগী বাবিলোন মাঙতাকপগী ৱাফম, থৌদোক থোকত্রিঙৈ চহি ২০০ মুক্কি মমাংদা মাঙজৌননা বাইবলদা তাকথোকলম্মী। (যিশাইয়া ১৩:১৭-২২) মসিদা বাবিলোন করমনা তুগনি হায়বতা নত্তনা মসিবু জয় তৌরগদৌরিবা মীশক অদুগী মমিং ফাওবা ফোংদোকলম্মী।—যিশাইয়া ৪৫:১-৩.

  বাইবলদা মাঙজৌননা তাকথোকলম্বা অতোপ্পা ৱাফম কয়ামরুমশু মরিকচুমনা থুংখি। ঐখোয়না ঈশ্বরগী ৱাহৈদগী আশা তৌরিবসি মসিমক নত্রা?—২ পিতর ১:২১.