Wat fortele dai wat oiwer God sij Regirung preege

Sai hät forståe woo is dat best weeg taum leewe

JËSUS däit sijn schåpe kene. (João 10:14) Wee air gaur härts hät, un däit lijbe der freere un dai gerechtigkët, wil t’hoop sin mit der wat Jësus någåe. Dës mësch däit ruuterfijne wotau dat leewend is, soo as passijrt is, mit aine fruug in Bélgica. Hijr uuner stäit eer geschicht:

“As dai Jehovaas Tüügen anklopt häwe an mij doir, ik däir mij sër traurig befijne un däir sogår denke mij leewend wegneeme. Ik häw gërn macht dat dai Jehovaas Tüügen sägt häwe, dat al dai eelend fon dës wild al ware däire, åwer ik häw ni gërn macht, dat wij God bruuke däire dårtau. Acht jåre foirheer, häw ik anhule in dai kirch gåe, weegen ik küün ni lijrer woo falsch dai lüür wäire, åwer mit dai Jehovaas Tüügen, häw ik saie dai wårhët wat sai säge däire un häw ruuterfuune dat sër slim is leewe ån God.

“Åwer nå wënig besuuch wat sai mij måkt häwe, häw ik ni mër küüt mit eer fortele. Ik däir mij sër traurig befijne. Ik däir jërer dag sër sër feel cigare rooke un sogår häw anfånge drogas benutse. Ik wul fortele mit mijn groosfåter wat al dood wäir un dårweegen häw mij mankmischt in der espiritismo. Dun ik har groot angst wen ik åwends alaine wäir, weegen dai slechte ängels däire mij ängste, mijn freere wegneeme un sogår up mij tau kåme. Dat hät månate lang duurt. Jërer åwend ik wäir sër ängstlig, dat ik denke däir alaine müst sin.

“Aine dag wen ik spatsijre gåe bün up air anerd weeg woo ik ni gewoont wäir, ik bün henkåme up ain stel woo air sër groot buugen wäir. Ik häw mij bewunret dat dår sofeel lüür t’hoop wäire. As ik dicht hen kaim, häw ik saie dat Jehovaas Tüügen wäire, wat buuge däire aine nijg Köönigrëchsaal, dai stel woo sai forsamlung hule daue. Ik häw andacht an dai besuuch wat dai Jehovaas Tüügen mij t’huus måke däire un häw dacht woo gaud dat wäir, wen al lüür küüne soo leewe as dai Jehovaas Tüügen.

“Ik wul wirklig dat dai Jehovaas Tüügen werer schule mij besuike, dårweegen häw ik fortelt mit wek wat arbëre däire in dem buugen. Ik häw tau God beert un tëgen dåg nåheer dai kërl woo ik mit fortelt har wäir an mijne doir. Hai hät frågt wen wij wol küüne werer anfänge an dai Bijbel lëre un ik häw dat sër schöön fuune un hät dat annåme. Hai hät mij glijk innöögt hengåe nåm dai forsamlung oiwer dai Bijbel un ik häw dat glijk annåme. Ik har nå nij ais soo wat saie! Ik har soo lang tijd söcht lüür wat sich lijbe däire un wat fröölig wäire. Un dår wäire dai, ik har ais fuune.

“Nåheer bün ik up al forsamlung gåe. Bijnå drai weeke nåheer häw ik anhule rooke. Ik häw wegsmeete ales wat besägen har mit hexerig un spiritismus, mijn buiker un dai musiks wat ik upgrawert har t’huus, un dårmit, häw ik fornåme dat dai slecht ängels ni mër mij oiwerhand neeme däire. Ik häw anfånge leewe nå dat wat Jehovaa ine Bijbel inlëre däit un nå drai månate häw ik anfånge dai gaure nijges preege. Söss månate nåheer häw ik mij tauwe låte. Nå twai dåg häw ik anfånge mër stuune lang preege.

“Ik dau Jehovaa God danke fon al gaure daile wat Hai for mij måkt hät. Nuu wait ik wotau ik leewe dau. Jå, Jehovaa sij nåme is air stark turm woo ik riner loope bün un behüütet woore bün. (Provérbios 18:10) Ik forneem dat neemlig wat in dai Salmo 84:10 stäit: ‘Weegen aine dag up dijne plats sin is beeter as duusend dåg in anerd stel! Häw uutsöcht ståen blijwe an dai doir fon mij God sij huus airer as in dai hüte fon dai slechtigkët wåne.’”

Dës gaur fruug hät ruuterfuune wotau sai leewe däit. Andrer wat näig an Jehovaa kåme wile mit’m ganse härts, koine dat uk måke.