¿Welij isaskej seuʼbiáj yej miktokej?
¿Tikijtoskiá iga...
-
... kena?
-
... ayá̱?
-
... anka welij?
PAN BIBLIA KIJTOWA
«Yawij moketsatij yej miktokej.» (Hechos 24:15, Traducción del Nuevo Mundo.)
¿KÉN TE̱PALE̱WIÁ INÍ̱N?
Te̱yo̱lketsa kuaʼ timoyo̱lkoko̱waj iga miki se̱ yej puxsan tiknekiáj (2 Corintios 1:3, 4).
Ayá̱ puxsan timajmawiskej iga matimikikan (Hebreos 2:15).
Welij sej timonechko̱skej wan yej tikpolojkej kuaʼ mikikej (Juan 5:28, 29).
¿WELIJ TIKSENTALIÁJ TOYO̱LOJ PAN YEJ KIJTOWA ITAJTO̱L DIOS?
Kena, matikitakan e̱yi tejté̱:
-
Dios kichij iga maonoʼ vida. Pan Biblia kijtowa iga Jehová kichi̱wa iga mati-isatokan (Salmo 36:9; Hechos 17:24, 25). Si nochi yej kichij welij kimáʼ vida, ijko̱nsan no̱ welij kichi̱was iga mai̱sakan sej yej miktokej.
-
Dios kixitij ikia sekin yej miktoyaj. Pan Biblia kijtowa iga Dios ikia kichij ke ocho yej miktoyaj mai̱sakan sej nigaj pan Ta̱jli. Ini̱nmej yajkij tajta̱gamej, siwa̱tkej wan chokotsi̱tsi̱n. Sekin kixitij pan ino̱nsan to̱nal ke mikikej, pero se̱ de iní̱n kiwi̱gayaʼ na̱wi to̱nal iga miktoya (Juan 11:39-44).
-
Jehová ki-ijiya mikilis iga yéj kita ken se̱ enemigo (1 Corintios 15:26). Yéj kinektoʼ makipolo iní̱n enemigo wan iní̱n kichi̱was ke̱man makiketsa yej miktokej. Kinektoʼ iga nochimej yej yéj kipiá pan itajla̱mikilis mai̱sakan sej nigaj pan Ta̱jli (Job 14:14, 15).
XIMOTAJTANI
¿Té íga tiwewejtiáj wan timikij?
Itajto̱l Dios kitajto̱lkuepa iní̱n tajtanilis pan GÉNESIS 3:17-19 wan ROMANOS 5:12.
Puede que también le interese
XINE̱IXMATIKAN
¿Té íga ximomachti Biblia?
Pux komatimej tajta̱gamej wan siwa̱tkej pan nochi ta̱jli kasij pan Biblia tajto̱lkuepalis yej kite̱mowa. Nimitsyo̱lketsaj iga ximomachti wan nejeme̱n iní̱n mo̱nsaj a̱mapowal Biblia.
