•  Mabulakgoro 2

•  Makolwane ka Teng ga Lentsu la Modimo 3-5

  •  Polabolo 3

  •  Tso di Wutammeng ka Bhayibeleng 4

  •  Go Bala Bhayibele 5

•  Karakara Tšhomong 6-14

  •  Thomisa Ditaba 7

  •  Boyela 8

  •  Maka Malata 9

  •  Hlatolla Tso o di Dumelang 10

  •  Polabolo 11

  •  Tsa ka Teng 12

  •  Mo o Tšhomayelang o le Gona 13

  •  Mokgwa wa go Berekisa Dividiyo le Dikgatiso 14

•  Maphelelo ya Sekreste 15-16

  •  Go Tšhuta Bhayibele re le Phutego 16

•  Mantsu ya go Kwala 17

•  Go Thanakiwa le go Yeletsiwa 18

•  Nako 19

•  Beke ya mo le Vakašele ke Mopotulugi 20

•  Beke ya Mogahlano wo Mogolonyana Kela wo Mogolo 21

•  Beke ya Segopotso 22

•  Ye a Wokamelang Mogahlano wa Maphelelo le Matšhomayelelo 23

•  Ye a Gapang Mogahlano wa Maphelelo le Matšhomayelelo 24

•  Ye a Yeletsang ka Tse Dingwana 25

•  Ditlelase Tse Dingwana 26

•  Dividiyo 27

1. Melawo yo yi leng ga sepukwane sowa yi nyoko gelepa ka moka bo ba nang le sekopa ga Sepukwane sa Mogahlano wa Maphelelo le Matšhomayelelo ya Rune ya Sekreste. Bo ba nang le sekopa di nyaka ba bale melawo yo yi leng ga sekopa sa bona ga Sepukwane sa Mogahlano wa Maphelelo le Matšhomayelelo mo ba so ko lukiselela tso ba ba yabeleng tsona. Di nyaka go kgopediwe batšhomayedi ka mokana ga bona ba gore ba na le dipolabolo gore ba sa lofe mogahlanong ka beke yo ba nang le dipolabolo. Le batho bo ba šupang ba karakara ka ho phutegong ba ka beya dipolabolo mo nkare ba dumela so Bhayibele yi se tšhutisang fote le maphelelo ya bona ma sipidisana le ditšhiko tsa Sekreste. Ye a Wokamelang Mogahlano wa Maphelelo le Matšhomayelelo di nyaka a bolabole le motho ye a nabelang go beya dipolabolo wa gore a yi so be motšhomayedi gore di nyaka a make ying gore a tshwanelege le go mmotsa gore wa tshwanelega kela awwa. Di nyaka a bolabodisane naye a na le motho ye a mo tšhutisang Bhayibele (kela go na le mmelegi wa motho yene wa gore ke Hlatse). Tso di nyakegang gore motho a beye dipolabolo di tshwana le tso di nyakegang gore motho a be motšhomayedi wa go sa kolobetsiwa.—od-SE tem. 8 ser. 8.

2. Mineti ka yyoši. Beke ye nngwana le ye nngwana ka nthago ga koša le thapelo, mogageru ye a gapang Mogahlano wa Maphelelo le Matšhomayelelo o nyoko fo re lekisa tso re nyoko di tšhutang ka letšatši lone. Ye wa go gapa mogahlano di nyaka a šihlela tsa gore di nyoko gelepa phutego ka matla.

 3. Polabolo: 10 ya diminetsi. Hlogotaba le menopo ka mmedi kela ka meraro ya tso o nyoko yang o bolabola ka tsona ga polabolo yowa di ngwadiwwe ga Sepukwane sa Mogahlano wa Maphelelo le Matšhomayelelo. Polabolo yowa di nyaka yi beye ke mogolo kela lelata la ka ho phutegong la gore le ya tshwanelega. Mo nkare go thomisiwa puku ya nyuwane ya Bhayibele ga letheto la go bala Bhayibele la beke yonone, go nyoko kganiwa vidiyo ya mabulakgoro ya puku yone. Ye a beyang polabolo a ka fo šupetsa gore vidiyo yone yi yelana byang le hlogotaba yo a bolabolang ka yona. Mara di nyaka a bolabolele ditaba ka mokana ga tsona tso di nyarelang gana hone sepukwaneng. Mo nkare nako yi sa le gona, a ka bolabolela dithombhe, ka gore mmereko wa tsona ke go yedisa taba gabutši. Fote a ka bolabola le ka tsa go tšwa ga dipuku tse dingwana solanka di yelana le tso di leng ga sepukwane sone.

 4. Tso di Wutammeng ka Bhayibeleng: 10 ya diminetsi. Mowa go fo butsisiwa diputsiso ke mokane dya fetodiwa fote a di nyake o ba le mabulakgoro kela o ba le mantsu ya go kwala mo o fetsa. Polabolo yowa di nyaka yi beye ke mogolo kela lelata la ka ho phutegong la gore le ya tshwanelega. Ye a beyang polabolo yowa di nyaka a butsise diputsiso tsone ka dipedi. Fote ke yene mong a ko bonang mo nkare ditemanyana tso di leng gona di ka badiwa kela awwa. Bo ba kgetiwang gore ba fetole di nyaka diphetolo tsa bona di sa fete 30 ya disekonte.

 5. Go Bala Bhayibele: 4 ya diminetsi. Yowa ke ya gore yi maka ke mogageru wa monna. Ye a balang a di nyake a ba le mabulakgoro kela a ba le mantsu ya go kwala mo a fetsa go bala. So se nyakang go segelela ke ye a gapang mogahlano ke go gelepa magageru gore ma bale gabutši, di kwagale, tso ma di balang di fo thelela, ma šihlele ditaba gabutši, ma thewose le go yinusa lentsu, ma yeme le go khutsa gabutši le go bolabola ka mokgo re ma tlwayeleng. Ka taba la gore dipolabolo tsa go bala Bhayibele a di lekane, tse dingwana di lefiye fote tse dingwana a dya lefa, mo ye a wokamelang Mogahlano wa Maphelelo le Matšhomayelelo a neya batho dipolabolo di nyaka a gopole gore a ba kgone go bala go tshwana.

6. 15 ya diminetsi. Sekopa sowa sa mogahlano ba se makele gore se thogo tšhutisa batšhomayedi ka mokana ga bona go tšhomayela le go kgona go bolabodisana le batho le go lokotša matšhomayelelo le matšhutiselo ya bona. Mo go nyakega, bagolo le bona ba ka neyiwa dipolabolo tsowa. Ye a neyiwweng sekopa di nyaka a berekele ga setšhuto so ba reng a berekele ga sona sa gore se ga sepukwane sa Tšhutsisa kela sa Kwana le Batho sa gore ba ko ba ba se ngwadiye teng ga mašaka ga Sepukwane sa Mogahlano wa Maphelelo le Matšhomayelelo. Ka dinako tse dingwana, go nyoko ba le sekopa sa gore ke polabolo. Mo go le ka mokgonone, makaneng gore yi tshware ke mogolo kela lelata la ka ho phutegong.—Lebelela  serele 15 gore dipolabolo tsone di beyiwa byang.

 7. Thomisa Ditaba: Polabolo yowa yi ka beya ke mogageru wa monna kela wa mosadi. Bo ba beyang polabolo di nyaka go be monna le monna kela mosadi le mosadi, mo nkare ke monna le mosadi go be go le mašaga ya thina ka matla. Ye a beyang polabolo le ye a mo thušang ba ka yi maka ba yemelele kela ba duli.—Mo o nyaka go tšiba tsa go tlala ka taba yowa le gore o yi tshwarela kaye, lebelela  direle 12 le  13.

 8. Boyela: Polabolo yowa yi ka beya ke mogageru wa monna kela wa mosadi. Mo nkare yi beya ke monna, ye a mo thušang di nyaka go be monna; mo nkare yi beya ke mosadi, ye a mo thušang di nyaka go be mosadi. (km-SE 5/97 leph. 2) Ye a beyang polabolo le ye a mo thušang ba ka yi maka ba yemelele kela ba duli. Di nyaka ye a beyang polabolo a re šupetse gore re ka segela re re king mo re boyela ga motho wa gore o yye a šupetsa a jabolela ditaba tsowa nakwela re tlile gage la mathomo.—Mo o nyaka go tšiba tsa go tlala ka taba yowa le gore o yi tshwarela kaye, lebelela  direle 12 le  13.

 9. Maka Malata: Polabolo yowa yi ka beya ke mogageru wa monna kela wa mosadi. Mo nkare yi beya ke monna, ye a mo thušang di nyaka go be monna; mo nkare yi beya ke mosadi, ye a mo thušang di nyaka go be mosadi. (km-SE 5/97 leph. 2) Ye a beyang polabolo le ye a mo thušang ba ka yi maka ba yemelele kela ba duli. Bo ba makang polabolo yowa, di nyaka ba yi make nkare ke mo ba šele ba na ba thomisiye go bala. A di nyake ba tamisana kela go layelana mo ba fetsa, mara tsotsone ba ka di maka mo nkare ba berekela ga taba yonone ya go tamisana kela ya go layelana. A di nyake gore ba bale direle ka moka tsa taba yone, mara ba ko ba ba sa sinyi mo ba ka kgeta go di bala.

 10. Hlatolla Tso o di Dumelang: Mo nkare ke polabolo di nyaka yi beye ke mogageru wa monna. Mo nkare ke polabodisano yi ka beya ke monna kela mosadi. Mo nkare yi beya ke monna, ye a mo thušang di nyaka go be monna; mo nkare yi beya ke mosadi, ye a mo thušang di nyaka go be mosadi. Ye a beyang polabolo di nyaka a fetole putsiso ya hlogotaba ka mokgwa wa go kwagala a berekisa tso ba mo neyyeng tsona. Ye a beyang polabolo a ka kgeta go hlaya gore tso a di bolabolang o di krayye ga kgatiso yifeng mo a kene a beya polabolo yage.

 11. Polabolo: Polabolo yowa di nyaka yi tshware ke mogageru wa monna fote di nyaka a yi beye go le polabolo ka phutegong. Mo hlogotaba ya polabolo yi tšwa ga tse dingwana tsa A ga sepukwane sa Kwana le Batho, ye a beyang polabolo di nyaka a hlatolle ka mokgo re ka berekisang mangwalo ka gona tšhomong. Mo re beyisa, a ka hlatolla gore lengwalo lone le ka berekisiwa byang, le gore le ra gore king, fote le ka mokgo o ka hlatollelang motho ye mongwana o berekisa lona. Mo hlogotaba ya polabolo yi tšwa ga dihlogotaba tso di leng ga sepukwane sa Kwana le Batho, ye a beyang polabolo di nyaka a šihlele gore taba yone re ka yi berekisa byang mo re tšhomayela. A ka bolabola ka mošupetso wo wo leng ga taba 1 ga setšhuto sone kela a šihlela ka mangwalo ya ma leng ga setšhuto sone, mo nkare ma ka gelepa.

   12. Tsa ka Teng: Tso di leng ga serele sowa le sa go latela di bereka ga mo re “Thomisa Ditaba” le mo re “Boyela”. Mo nkare a ba hlaya selo, so ye a beyang polabolo a tshwaneleng go se segelela ke go botsa ye a mo tšhomayelelang nnete ya ka Bhayibeleng, le go maka gore go be le taba yo ba nyoko tlang ba bolabodisana ka yona mo a boya. Ye a beyang polabolo di nyaka a kgete go bolabola ka hlogotaba ya go sipidisana le tso di makegang ga poleke yone. A ka kgeta go mo neya kgatiso kela go mo šupetsa vidiyo ya go tšwa ga Lebhokisi la go Tšhutisa. Bo ba beyang dipolabolo a di nyake ba khrema, di nyaka ba titšhutise mokgwa wa go bolabola gabutši, ba šupetse gore ba tihlupa ka batho ba bangwana le go lisetsa ditaba di titlela.

   13. Mo o Tšhomayelang o le Gona: Ye a beyang polabolo go nyaka a make ka mokgo ba ngwadiyeng gore a make ka gona go ya ka mayemo ya mo a dulang. Mo re beyisa:

1.  (1) Mutši ka Mutši: Mowa go kena go tšhomayela ka mutši ka mutši—go ka ba mo o yye ka nama, o tšhomayela ka fowunu, kela ka go ngwala marifi—fote go kena le taba ya go boyela ga motho ye o mo krayyeng mo o tšhomayela.

2.  (2) Go Tšhomayela o sa Polana: Mo o bolabodisana le motho berekisa mašuba ya ma go thulegelang gore o thogo mo tšhomayelela. Di ka fo rela taba ya go bolabodisana le bangwana ka mangwalo mo o le mmerekong, sekolong, mo o dulang gona, mo o le bhaseng kela khumbing, kela go gongwana le go gongwana mo o bang o le gona mo o kene o maka dilo tsago.

3.  (3) Go Tšhomayela mo go Tleleng Batho: Mowa go kena go tšhomayela o berekisa dikoloyane, go tšhomayela ga dipoleke tsa dibhisinisi, go tšhomayela mo go tleleng batho, kela go tšhomayela diphakeng, mo go pakang dikoloyi, kela go gongwana le go gongwana mo batho ba krayegang gona.

 14. Mokgwa wa go Berekisa Dividiyo le Dikgatiso: Motšhomayedi a ka tikgetela go mo šupetsa vidiyo kela go mo neya kgatiso go ya ka mayemo ya nako yonone. Mo ba ngwadiye gore kgana vidiyo kela wene mong o kgeta gore o nyoko yi kgana, go nyaka o bolabolele vidiyo yonene fote o make nkare wa yi kgana.

15. Mo go šele go yepelediwwe koša, 15 ya diminetsi tso di latelang di nyoko ba di na le sekopa ka ssoši kela ka dipedi tsa gore di nyoko gelepa bo ba theetseleng gore ba berekise tso ba di tšhutang ka ho Lentsung la Modimo. Mo nkare a go na mo ba hlayang, dipolabolo tsowa di beya ke bagolo kela malata ka ho phutegong, mara ga tso di yamang phutego ya lune, ke bagolo ba di beyang. Mo nkare sekopa sone ke polabodisano, ye a yi beyang di nyaka a butsise diputsiso tsa ka thoko go tokegela ga tso di leng gona. Go nyaka a sa lefise mabulakgoro yage, gore a thogo bolabola ka ditaba tse dingwana le gore a thogo neya bo ba mo theetseleng nako ya go fetola. Mo go na le diputsiso tso di nyakang o butsisa motšhomayedi, mo nkare gwa kgonega di nyaka o mmitse a tle seralong go na le gore a difetole a duli fase.

  16. Go Tšhuta Bhayibele re le Phutego: 30 ya di minetsi. Yowa ke ya mogolo wa go ba le matšato ka matla. (Mo nkare go gayela bagolo, yi ka sipidisa ke lelata, mo di šupa di nyakega.) Mogoba wa bagolo wo tshwanele wo kgete bo ba tshwaneleng go sipidisa sekopa sowa sa Go Tšhuta Bhayibele re le Phutego. Bo ba kgetiwweng di nyaka ba bolabole dilo tsa gore di kwagala gabutši gore ba thogo tshwara nako, ba šihlele mangwalo ya ma tshwereng monopo wa taba, fote ba gelepe ye mongwana le ye mongwana go kwisisa taba yo go bolabodiwang ka yona. Bo ba ba kgetiyeng di nyoko ba gelepa ka matla mo ba ka bala tso di ngwadiwweng tsa go ba botsa ka mokgo ba ka gapang setšhuto sowa mo di tla ga go butsisa diputsiso le diphetolo. (w23.04 p. 24, lebhokisi) Mo go šele go fetodiwwe diputsiso ka moka tsa setšhuto sowa, o sa sa ya mahlong o lefisa ditaba. Mo nkare di ya kgonega, bo ba sipidisang setšhuto sowa le bo ba balang di nyaka ba tšhentšhanne beke ye nngwana le ye nngwana. Mo ye a gapang Mogahlano wa Maphelelo le Matšhomayelelo a kgopela gore setšhuto sowa se makiwe ka go yakgoswanyana, ye a tshwereng sekopa sowa o ko tikgeteleng yene mong gore o se kopa byang. A ka fo lisetsa direle tse dingwana di sa badiwa.

17. 3 ya diminetsi. Ye a gapang Mogahlano wa Maphelelo le Matšhomayelelo o nyoko re gopotsa ka matlamatla ditaba tse dikgolo tso re di tšhutiyeng ga mogahlano wa letšatši lone. Di nyaka a boye a re lekise le tsa beke ya go latela. Mo nkare nako ya mo dumelela, a ka bolabola le mabitso ya bo ba gore ba tl’le beya dipolabolo beke ya go latela. Mo nkare go na le tso phutego yi tshwaneleng go di tšiba kela marifi ya ma nyakang go badiwa, ye a gapang mogahlano a ka ma bala mo a šele a le thina le go bolabola mantsu ya go kwala. Ditaba tsa go tshwana le tsa tšhomo yo re yi tlwayeleng le tsa go yedisa holo, a dya tshwanela go hlayiwa ku seralong mara di mamaretsiwa hala go mamaretsiwang tso phutego yi tshwaneleng go di tšiba. Mo ye a gapang mogahlano a bona nkare go nyoko šala nako ye nyana ka matla ya go botsa phutego tso yi tshwaneleng yi di tšibe kela go bala marifi mo a šele a le thina le go kwala mogahlano, di nyaka a kgopele magageru ya ma nang le dipolabolo ga sekopa sa Maphelelo ya Sekreste gore ma pome ditaba gore ma yakgoswe ma fetsa. (Lebelela  direle 16 le  19.) Mogahlano wowa wo kwadiwa ka koša le thapelo.

18. Mo ye mongwana le ye mongwana a fetsa go beya polabolo yage, ye a gapang Mogahlano wa Maphelelo le Matšhomayelelo o na le gana hala ga mineti ka yyoši gore a thanake le go yeletsa motho ye ne a beya polabolo a berekisa setšhuto sone motho yene ne a berekela ga sona. Mo ye a beyang polabolo a soko yi beya, mogageru ye a gapang mogahlano a sa hlayi gore motho yene o berekela ga taba yifeng. Mara mo ye a beyang polabolo a fetsa, mogageru ye a gapang mogahlano o nyoko mo thanaka a boya a mo yeletsa, ke mokane a ka bolabola gore ke mo a berekela kaye a boye a mo thanake mo a makiye gabutši kela a hlatolle gore a ka lukisa kaye le gore a ka lukisa byang. Mo ye a gapang mogahlano a bona di nyakega, a ka bolabolela le dilo tsa gore di makiye ke ye a beyang polabolo gore a thogo gelepa yene kela bo ba theetseleng. Fote a ka tlatsisa ga taba yone a bolabola naye a berekisa sepukwane Kwana le Batho le sa Tšhutisa kela puku ya Sekolo sa Bodiredi ka nthago ga mogahlano kela ka nako ye nngwana, a ka bolabola naye ka taba yo ne a berekela ga yona kela ye nngwana.—Mo o nyaka go tšiba tsa go tlala ka tso di makang ke ye a gapang Mogahlano wa Maphelelo le Matšhomayelelo le ye a yeletsang ka tse dingwana, lebelela  direle 19,  24, le  25.

19. A go na ye a tshwaneleng a je nako, le ye a gapang Mogahlano wa Maphelelo le Matšhomayelelo a di nyake a ja nako. Sepukwane sa Mogahlano wa Maphelelo le Matšhomayelelo se beyye nako ga sekopa se sengwana le se sengwana, mara mo ditaba ka moka di gahlanne, a di nyake o tokegela ka ditaba tse dingwana go fo re o fetsise nako yo yi šeleng. Mo nkare go na le ye a jang nako, ye a gapang Mogahlano wa Maphelelo le Matšhomayelelo kela ye a yeletsang ka tse dingwana di nyaka ba yeletse motho yene ka thoko. (Lebelele  direle 24 le  25.) Mogahlano ka mokana ga wona, koša le thapelo di tshwanele go tseya awara ka yyoši le 45 ya diminetsi.

20. Mo phutego yi vakašele ke mopotulugi, di nyaka mogahlano wo sipidisiwe ka mokgo go šupetsiwweng ga Sepukwane sa Mogahlano wa Maphelelo le Matšhomayelelo mara go ko fo tšhentšha howa: Sekopa sela sa Go Tšhuta Bhayibele re le Phutego se nyoko ntshiwa ke mokane sekaleng sa sona gwa tšhediwa polabolo ya 30 ya diminetsi ya go beya ke mopotulugi. Mo mogageru ye a gapang letheto la Mogahlano wa Maphelelo le Matšhomayelelo a soko šutelela mopotulugi, o nyoko re gopotsa tso re di tšhutiyeng, a re lekisa tsa beke ya go latela, a botse phutego tso yi tshwaneleng go di tšiba, a bale marifi mo nkare ma gona, ke mokane mo a fetsiye, a šutelele mopotulugi. Mo mopotulugi a fetsiye go beya polabolo, o nyoko tikgetela koša ya go kwala mogahlano. A ka kgopela mogageru ye mongwana gore a kwale ka thapelo. Mo le vakašele ke mopotulugi, le sa be le ditlelase tse dingwana tsa bo ba beyang dipolabolo tsa mmolabolo wa go tshwana le wa gana hone phutegong. Mo le na le mogoba wa gore wo berekisa mmolabolo wo mongwana, ba ka fo titshwarela mogahlano wa bona le mo le vakašele ke mopotulugi. Mara, mo go segela nako ya gore mopotulugi a beye polabolo yage, bo ba mmolabolo wo mongwana ba tshwanele ba tle ba theetsele polabolo yone.

21. A go tshwariwi megahlano ya phutego mo go le beke ya mogahlano wo mogolonyana kela wo mogolo. Di nyaka le gopotse phutego gore mang le mang o tshwanele a tipalele a ntoši kela a bale le ba mutši wage tso ne di tshwanele go tšhutiwa ka beke yonone.

22. Mo nkare Segopotso se nyoko tshwariwa gare ga beke, go ka sa be le Mogahlano wa Maphelelo le Matšhomayelelo.

23. Mogoba wa bagolo wo nyoko kgeta mogolo ye a ko wokamelang Mogahlano wa Maphelelo le Matšhomayelelo. Mmereko wage ke go lebelela gore dilo di sepela ka letheto ga mogahlano wowa fote di makiwa ka mokgo go bolabodiwweng ka gona. Di nyaka a berekisane gabutši le yela wa gore o yeletsa ka tse dingwana. Mo ye a wokamelang Mogahlano wa Maphelelo le Matšhomayelelo a kraya Sepukwane sa Mogahlano wa Maphelelo le Matšhomayelelo, di nyaka a nape a neya batho dipolabolo tsa megahlano ya gare ga beke tsa dikgwedi ka dipedi. Gana mone go kena le bo ba beyang dipolabolo le bo ba gapang megahlano, ba gore ba dumelediwwe ke mogoba wa bagolo gore baa tshwanelega, le bo ba nang le dikopa tse dingwana. (Lebelela  direle 3-16 le  24.) Mo a neya motho polabolo, di nyaka a thomise ka go nagana ka mengwaga ya motho yene, tso a kgonang go di maka le ka mokgo a beyang ditaba ka gona go ya ka hlogotaba ya so a mo neyang sona. Di nyaka a make ka mokgonone mo a neya le ba bangwana dikopa tse dingwana tsa mogahlano. Di nyaka gore ye mongwana le ye mongwana ye ba mo neyyeng polabolo a tšibe ka yona go sa šele nyana mabeke ka mararo go soko segela polabolo yage. Sephephane sa Polabolo Yago ga Mogahlano wa Maphelelo le Matšhomayelelo ya Rune ya Sekreste (S-89) di nyaka se berekisiwe mo le neya batho dikopa. Ye a wokamelang Mogahlano wa Maphelelo le Matšhomayelelo di nyaka a bone gore khophi ya letheto la mogahlano wone ka moka yi mamaretsiwwe hala le mamaretsang tso phutego yi tshwaneleng go di tšiba. Mogoba wa bagolo wo ka kgeta mogolo ye mongwana kela lelata la ka phutegong gore le gelepe. Mara di nyaka go be bagolo fela ba neyang batho dikopa tsa go tshwana le tsa go beya dipolabolo le go gapa megahlano.

24. Beke ye nngwana le ye nngwana, Mogahlano wa Maphelelo le Matšhomayelelo wo nyoko gapa ke mogolo. (Mo nkare go gayela bagolo, lelata le ka wo gapa.) Ke yene ye a nyoko makang mabulakgoro le mantsu ya go kwala. Ke yene a šutelelang dipolabolo ka mokana ga tsona tsa mogahlano fote mo nkare bagolo bo le nang nabo a baa tlala, le yene a ka beya dipolabolo tse dingwana tsa mogahlano, ka matlamatla dikopa tsa gore di fo nyaka re kgana vidiyo, o kraya di sa nyake gore go bolabodiwe se sengwana. A di nyake a bolabola dilo tsa go tlala mo a šutelela dipolabolo tse dingwana. Mogoba wa bagolo ke wona wo kgetang bagolo bo ba ka gapang mogahlano wowa. Bagolo bane ba nyoko dula ba tšhentšhana ka go gapa mogahlano wowa. Mo nkare seyemo sa hone ga lune se ya dumela, mogolo ye a wokamelang Mogahlano wa Maphelelo le Matšhomayelelo di nyaka go be yene a berekisiwang ka matla gore a gape mogahlano wowa go feta bagolo ba bangwana. Mo nkare mogolo a ka di kgona go sipidisa sekopa sa Go Tšhuta Bhayibele re le Phutego, di ra gore le go gapa mogahlano wowa a ka di kgona. Mara re kgopela gore le sa lebale gore di nyaka mogolo ye a gapang mogahlano wowa a thanake bo ne ba na le dipolabolo a boye a ba yeletse mo go nyakega. Fote ye a gapang mogahlano di nyaka a bone gore mogahlano wo fela ka nako. (Lebelela  direle 17 le  19.) Mo ye a gapang mogahlano a nyaka fote go na le sekgala, go ka ba le mayikhrofowunu wo mongwana wa gore wo beyiwa ka thokonyana hala seralong gore mo a kene a bolabola, ye a latelang a tšwe a kene a yemisega seralong. Fote mo ye a gapang mogahlano a nyaka, a ka fo dula hala seralong mo go makiwa sekopa sa Go Bala Bhayibele le sa Karakara Tšhomong. Tsotsone di ka gelepa gore nako yi sa jege.

25. Mo di kgonega, di ka ba gabutši ka matla mo le ka berekisa mogolo wa gore ke botala go le segele sa go beya dipolabolo. Mmereko wage ke go yeletsa batho ka thoko, mo di nyakega a ka yeletsa bagolo kela malata mo go na le polabolo yo ba yi beyyeng, le dipolabolo tsa Mogahlano wa Maphelelo le Matšhomayelelo, dipolabolo tsa batho ka moka, Setšhuto sa Sewokamelo kela Go Tšhuta Bhayibele re le Phutego. (Lebelela  serele 19.) Mo nkare le na le bagolo ba go tlalanyana ga phutego ya lune ba gore ke digele tsa go beya dipolabolo, le ka fo maka gore ye a yeletsang ka tse dingwana a tšhentšha-tšhentšhe mongwaga wo mongwana le wo mongwana le ba bangwana. A di rele gore ye a yeletsang ka tse dingwana a dule a yeletsa bo ba beyang polabolo ka moka nako mo ba na le dipolabolo.

26. Mo nkare phutego ya lune yi na le batšhomayedi ba go tlala, yi ka ba le ditlelase tse dingwana tsa bo ba beyang dipolabolo. Di nyaka gore ga tlelase ye nngwana le ye nngwana go be le ye a yeletsang, go ka ba kawone ka matla mo go ka ba mogolo. Mo di šupa di nyakega, go ka berekisiwa lelata. Mogoba wa bagolo ke wona wa gore wo nyoko kgeta ye a yeletsang le gore ba tšhentšha-tšhentšhe kela awwa. Ye a kgetiwweng gore go be ye a yeletsang di nyaka a make tso di bolabodiwweng ga  serele 18. Mo nkare go na le tlelase ye nngwana, di nyaka bo ba leng ga tlelase yone ba kgopediwe gore ba ye ga yona mo go fela sekopa sa mogahlano sa Tso di Wutammeng ka Bhayibeleng hala ga Makolwane ka Teng ga Lentsu la Modimo. Mo go fela polabodisano ya mafelelelo, di nyaka ba boyele mo phutego yi leng gona.

27. .Go nyoko ba le dividiyo tso ba di kgetiyeng gore ba di kgane mo ga mogahlano wowa. Dividiyo tsa mogahlano wa gare ga beke di nyoko krayega ga JW Library® fote go ka berekisiwa dilo tsa mohlobohlobo go di dawonelowuda.

© 2023 Watch Tower Bible and Tract Society of Pennsylvania

S-38-SPL 11/23