“Lefase ka moka le laolwa ke Yo Kgopo.”—1 Johane 5:19.

“Morwa wa Modimo o tletše . . . go fediša modiro wa diabolo.” —1 Johane 3:8, New Century Version.

O ka hwetša tlhaloso e kwagalago ya sebaki sa mathata ao a lego gona mo lefaseng.—Kutollo 12:12.

O ka ba le lebaka la go dumela gore lefase la rena le tla kaonefala.—1 Johane 2:17.

Ee, e re re nee mabaka a mararo feela:

• Pušo ya Sathane e ka se tsoge e atlegile. Jehofa o ikemišeditše go dira gore Sathane a se sa hlwa a laola batho. O holofeditše ‘go fediša Diabolo,’ le go lokiša sa ruri tshenyo ka moka yeo Sathane a e bakilego.—Baheberu 2:14, Phetolelo ya Lefase le Lefsa.

• Modimo o kgethile Jesu Kriste gore e be yena a tlago go buša lefase. Jesu o fapane kudu le babuši ba sehlogo le bao ba nago le boithati ba lefase le. Modimo o holofeditše mabapi le pušo ya Jesu gore: “O tla kwela mmotlana le modiidi bohloko . . . O tla lopolla moya wa bona kgatelelong le bošorong.”—Psalme 72:13, 14.

• Modimo a ka se bolele maaka. Beibele e bolela phaa gore: ‘Ga go kgonege gore Modimo a aketše.’ (Baheberu 6:18) Ge Jehofa a holofetša go dira selo se itšego, go fo swana le gore o šetše a se dirile! (Jesaya 55:10, 11) “Mmuši wa lefase le o tla lahlelwa ntle.”—Johane 12:31.