Es is da “Deivel . . . es di gans veld fafiaht.”​—Offenbarung 12:9.

“Fasell hott Gott sei Sohn sich gvissa, so es eah em Deivel sei verka ausreiva kann.”​—1 Johannes 3:8, Di Heilich Shrift, Pennsylvania Deitsh un English.

Helft em fashtay favass so feel druvvel hott in di veld.​—Offenbarung 12:12.

Reesin fa glawva es unsah veld bessah vadda zayld.​—Psalm 37:29.

Yau, fa at least drei reesins:

• Da Satan sei vayk fa roola zayld shtobba. Jehova zayld da Satan sei kantrohl ivvah mensha zumm end bringa. Eah fashprecht fa “zu nix macha . . . da Deivel” un alles recht macha es fasaut ganga is deich da Satan.​—Hebräer 2:14.

• Gott hott Jesus Christus gepikt fa di veld roola. Da Jesus is so diffahnd es sei kend funn da veesht un selfish roolah funn dee veld. In shvetza veyyich da Jesus sei vayk fa roola, Gott fashprecht: “Eah is bamhatzich [goot-maynich] zu di shvacha un oahma . . . Eah macht iahra layva frei funn gvald [violence] un funn nunnah gedrikt sei.”​—Psalm 72:13, 14.

• Gott kann nett leeya. Di Bivvel dutt playn sawwa es Gott “nett leeya kann.” (Hebräer 6:18) Vann Jehova fashprecht fa ebbes du, is es yusht saym es gedu! (Jesoiya 55:10, 11) “Da Gott funn fridda zayld glei da Satan unnich eiyah fees shtamba.”​—Römer 16:20.