Vass Denksht Du’s Gebt Noch Dee Zeit?
Zayld unsah veld . . .
-
saym bleiva?
-
shlimmah vadda?
-
bessah vadda?
VASS DI BIVVEL SAWKT
“Gott zayld awl’s awwa-vassah aus iahra awwa butza, un’s zayld kenn shtauves, adda heiles, adda brilles, adda shmatza may sei, fa di alda sacha sinn faganga.”—Offenbarung 21:4, Di Heilich Shrift, Pennsylvania Deitsh un English.
VASS SELL MAYNA KANN FA DICH
Eahvet es ma enjoyt un es mayning hott.—Jesoiya 65:21-23.
Goah kenn grankeda adda ennich soffahres.—Jesoiya 33:24.
En happy layva unni end mitt family un friends.—Psalm 37:11, 29.
KANN MA REELI GLAWVA VASS DI BIVVEL SAWKT?
Yau, fa at least zvay reesins:
-
Gott hott di macht fa du vass eah fashprocha hott. In di Bivvel is Jehova Gott da aynsisht es da ‘Awlmechtich’ kaysa is, fa sei power hott kenn limit. (Offenbarung 15:3) So eah kann du vass eah fashprocha hott fa unsah veld bessah macha. Vi di Bivvel sawkt, “mitt Gott is alles meeklich,” adda possible.—Matthäus 19:26.
-
Gott hott da falanga fa du vass eah fashprocha hott. Fa en example, Jehova hott en falanga fa leit es kshtauva sinn, zrikk zu layva bringa.—Jesoiya 25:8.
Di Bivvel veist aw es Gott Sei Sohn, da Jesus, granki leit kayld hott. Favass hott eah? Koss eah hott vella. (Markus 1:40, 41) Da Jesus hott perfectly uns gvissa vi sei Faddah feeld, bei en falanga havva fa selli helfa es hilf gebraucht henn.—Johannes 5:19.
So miah kenna shuah sei es Jehova un Jesus uns helfa vella layva enjoya noch dee zeit!—Psalm 72:12-14; 145:16; 2 Petrus 3:9.
EBBES FA DENKA DIVEYYA
Vi zayld Gott unsah veld bessah macha?
Di Bivvel hott da ensah zu sellah question in MATTHÄUS 6:9, 10 un DANIEL 2:44.
Du Mechsht aw Dess Gleicha
MAY SUBJECTS
En Rechti Hofning fa en Bessahrah Future
Favass sinn di promises in di Bivvel veyyich da future diffand funn vass mensha sawwa es haebna zayld in da future?
ESSENTIAL BIBLE TEACHINGS
Vass Is Gott Sei Reich?
Da Jesus hott may gebreddicht veyyich Gott Sei Reich es ennich ebbes shunsht. Da Jesus sei followers henn shund hunnahts funn yoah gebayda fa sell Reich fa kumma.
VEYYICH UNS
Vetsht Du Shvetza Mitt Ayns Funn Jehova Sei Witnesses?
Shvetz veyyich di Bivvel, adda lann may veyyich Jehova Sei Witnesses.
