• NACIRISHCA HUATA: 1963

• LLACTA: GRAN BRETAÑA

• PAIPA PUNDA CAUSAI: SHUJ ALIPACHA TRABAJOTAMI SAQUIRCA

ÑUCA PUNDA CAUSAI:

Ñucaca Croydon llactamandami capani, chaipimi nacirircani. Ñuca taitacunaca isla caribeña de San Vicentemandami caparca. 9 huahuacunapuramandaca ñucaca sextami capani. Ñuca mamitaca iglesia Metodistamanmi rin carca, pero ñucaca religionmandaca na imatapash yachangapaj munarcanichu. Huahua cashpaca vacaciongunapica bibliotecapi mañachishca librocunata liishpami yalin carcani. Shuj juyailla laguna ladopimi liijun carcani.

Colegiota tucuchishca jipallami huasi illa gentegucunata, imapash discapacidadhuan sufrinajuj gentegucunata y na ñapash escuelapi, colegiopi yachajui ushanajujcunata ayudai callarircani. Jipaca universidadpimi ciencias de la saludta estudiai callarircani. Graduarishca jipaca alipacha pagaj trabajocunatami tarircani. Y ñuca munashcatami charircani. Ñucallata gestora y investigadora social caimandaca maipi cashpapashmi trabajai usharcanilla. Chaipaca solo shuj computadorata y internettallami minishtircani. Tauca viajetami shuj llactacunaman viajarcani, ñuca gushtashca hotelcunamanmi chayan carcani. Chai hotelcunapica ejerciciocunata rurangapaj gimnasiocunapi, masajecunata shinan cuartocunapimi alipacha yalin carcani. Juyailla pushtucunatapashmi gushtashpa ricun carcani. Shina causajushpapashmi siempre pobre gentecunamandaca preocuparishca causan carcani.

BIBLIAMI ÑUCA CAUSAITA CAMBIASHCA:

Siempremi imapashi causanchi, ima propositotashi charinchi yashpa tapurin carcani. Pero chai tapuicunamandaca nunca na Bibliapica respuestacunata mascashcarcanichu. Huata 1999​pimi shuj punllaca ñuca jipa ñaña Margaret, paipa amigahuan ñucata visitangapaj chayamurca. Ishcandicunami testigo de Jehovacuna carca. Margaretpa amigaca ñucahuanga ali alimi carca. Chaimi paihuanga Bibliamanda yachajui callarircani. Pero shinapash ñuca trabajomanda y viajecunamandami Bibliamanda seguido yachajushpa catita y ñuca causaipi cambiocunata ruraitapash na ushajurcani.

Huata 2002​pica Inglaterrapi causangapami rircani. Chaipica estudiashpa catingapaj y ñuca profesionmanda shuj posgradota llujchingapami munarcani. Inglaterrapi cashpami ñuca churiguhuanga Salón del Reinoman ashtahuan ri usharcanchi. Universidadpi estudiashpapash, imamanda cai mundopi tauca llaquicuna tian cashcata, chai llaquicunata y problemacunata tucuchingapaj imata rurana cashcatapash na yachajurcanichu. Chaicunataca Bibliata estudiashpami intindi ushaparcani. Mateo 6:24​pi shimicunami ninanda ayudahuarca. Chaipica Taita Diostapash y culquitapash ishcandita sirvitaca napacha ushashcatami intindircani. Shuj amotallami charina carcani y pita sirvingapaj munashcatami decidina carcani.

Shuj huata huashamanga shuj Testigocunapa huasipi tandanajuicunamanmi rin carcani. Chai tandanajuicunapica ¿Existe un Creador que se interese por nosotros? * librohuanmi Biblia imata nijta yachajun carcanchi. Chai tandanajuicunapimi cai mundopi tiashca problemacunataca solo Jehová Dioslla tucuchi ushashcata yachajurcani. Pero universidadpica problemacunata arreglangapaj y cushilla causangapaca Taita Diostaca na minishtirinllu nishpami yachachihuarca. Chaita uyashpami ninanda culirarcani. Chaira ishcai quillacunatalla estudiajushpapashmi ñuca estudiotaca chaipi saquircani. Y Jehová Diostarapash sirvingapami decidircani.

Ñuca causaipi cambiocunata rurachunga Proverbios 3:5, 6​pi shimicunami ayudahuashca. Chaipica “Mandaj Diostaca, cambaj tucui shunguhuan yariangui. Aligutapacha yarishpami purini yashpaca, ama jariyanguichu. Imata rurangapajpash, Diostara yaringui. Paimi, can purina ñangunapipash aliguta pushanga” nijunmi. Taita Diosmanda yachajunahuan, paiman ashtahuan quimirinahuanga ima doctoradopash, ima estudiocunapash, ashtaca culquita charinapash na igualanllu. Taita Dios cai alpahuan imata rurangapaj munajushcata yachana y paipa Churi Jesuspash ñucanchimanda huañushcata intindishpaca ashtahuanmi Jehová Diosta sirvingapaj munaparcani. Y Abril de 2003​pimi, Jehová Dios candallami sirvingapaj munapani nishpa bautizarircani. Chai punllamandapachami ñuca causaipi cambiocunata rurashpa catipashcani.

IMASHINATA BENEFICIARISHCANI:

Jehová Dioshuan ali amiga cana, paita rijsinaca imahuanbash napacha igualanllu. Paimanda yachajushpami ñuca causaipica ciertopacha cushilla, feliz causai ushapashcani. Y congregacionmanda turiñañacunahuanbashmi tiempoguta yalinata ninanda gushtapani.

Jehová Diosmandaca Bibliapi yachajushpa catijupanirami y reuniongunapipashmi ashtahuan yachajushpa catijupani. Imata yachajushcatapash shuj gentecunaman parlanatami ninanda gushtapani. Shuj gentecunapash cushilla causai ushachun y shamuj punllacunapi para siempre causaiguta chasquichunmi munapani. Chaimandami junio de 2008​mandaca tiempo completopi sirvijupani. Cunansi como nuncami cushilla causapani. Ñuca causaipi imata rurana cashcata, imashpa causajushcatapash ñami intindipashcani, chaimi Jehová Diostaca siempre agradecida causapasha.

• NACIRISHCA HUATA: 1973

• LLACTA: AUSTRIA

• PAIPA PUNDA CAUSAI: APOSTASHPALLA Y PUGLLASHPALLAMI YALIN CARCA

ÑUCA PUNDA CAUSAI:

Braunau (Austria) llactapimi nacirircani. Tucui ñuca familiami catolicocuna carca. Ñuca nacirishca llactapica gentecunaca paicuna minishtishcatami charin y na ashtaca shuacunapash tiarcachu.

Ñuca 11 añoscunata charijpi, huata 1984​pica shuj jatun llaquimi pasarca. Chai punllaca ñucapa shuj amigomi shuj accidentepi huañuparca. Nara chai accidente tiajpica, ñucanchicunaca futboltami pugllarcanchi. Ñuca amigo shina huañujpica ninandapacha llaquirishpami, huañushpaca imata tucunchi, maimanda rinchi nishpa tapurircani. Tauca huatacunatami shina sintirijurcani.

Colegiomanda llujshishpaca electricista shinami trabajai callarircani. Shuj tiempo jipallami pugllaicunapi canata, apostashpa pugllanata ninanda gushtai callarircani. Ashtaca culquita apostashpapash culqui illapachaca na quidanllu carcani. Deportecunata shinanata, heavy metal, punk musicacunata uyanatapashmi gushtan carcani. Discotecacunapilla, bailecunapillami yalin carcani. Ñuca munashca huarmicunahuanbashmi yalin carcani. Chaicunata rurashpapash nunca na cushilla sintirircanichu.

BIBLIAMI ÑUCA CAUSAITA CAMBIASHCA:

1995​pica shuj ruculla testigo de Jehovami ñuca huasiman predicangapaj chayamurca. Paica shuj librotami cuhuarca. Chai libropica “Huañushpaca ¿imata tucunchi?” nishca tapuitami contestajurca. Ñuca huahua cajpi ñuca amigo huañushcata yarishpami chai librotaca chasquircanilla. Y chai librotaca libro completotami liircani.

Huañushca jipa ima pasajta yachajushca jahuapash shuj cosascunatapashmi yachajurcani. Católico familiapi viñashca caimandaca Jesuspica crinmi carcani. Shinapash Bibliata ashtahuan estudiashpami Jesuspa Taita Jehová Diosmandapash ashtahuan yachajurcani. Jehová Diosca paita sirvijcuna paimanda yachajushpa, paiman ashtahuan quimirichun munajta intindishpaca ninandami cushijurcani (Mateo 7:​7-11). Jehová Dios ñucanchita juyashcata, llaquishcata y paipa shimita siempre cumplin cashcata intindishpapashmi ninanda cushijurcani. Chaimandami Bibliapi parlashca profeciacuna imashina cumplirishcata ashtahuan yachajungapaj munarcani. Chaicunata yachajunami Jehovapi ashtahuan feta charichun ayudahuarca.

Bibliata estudiai callarishpaca, testigo de Jehovacunalla gentecunata Bibliamanda yachajuchun ayudan cashcatami cuenta japircani. Shinallata testigo de Jehovacunapa publicaciongunapi tiashca tucuilla textocunata anotashpaca, ñuca Bibliapimi mascan cariani. Y ashtahuan ashtahuan investiganami ciertopacha Diosta adoraj religionda tarishcata seguro cachun ayudahuarca.

Bibliapica Jehová Dios paipa mandashcacunata, ñuca cazuchun munashcatapashmi yachajurcani. Efesios 4:​22​manda 24​caman liishpaca ñuca ‘punda causaitaca saquishpa’ Taita Dios munashcashna “mushuj causaitaca, mushujta churajunshna” causana cashcatami intindiparcani. Chaimandami apostashpa pugllanacunata, ñuca punda nali causaitapash saquinata decidircani (1 Corintios 6:​9, 10). Chaicunata saqui ushangapaca ñuca punda amigocunamanda caruyashpa, Jehovata sirvijcunahuanllami llevarina carcani.

Shina ali amigocunataca testigo de Jehovacunapa reunionguman ri callarishpami tari ushaparcani. Shinallata Bibliamanda yachajushpami catircani y chai yachajushcacunapimi siempre pensarijun carcani. Y asha ashami ñuca punda gushtashca musicacunata, ropacunata y metacunatapash cambiarcani. Y 1995​pimi bautizarircani.

IMASHINATA BENEFICIARISHCANI:

Cunanga ñana culquita o cosascunata charinapilla pensanichu. Y na ñapash culiranillachu, chaipa randica ashtahuan controlaringapami esforzarini. Jipa punllacunapi ima pasanata yachashpapashmi cunanbica tranquilo sintiripani.

Jehová Diospa organizacionbi cashcamandaca ninandami cushijuni. Chaipica tauca huauquipanicunami llaquicunata charishpapash Jehovata sirvishpa catijta ricupani. Cunanbica ñana ñuca munashcatalla rurashpa causanichu, sino Jehovata sirvishpami causani. Y shujcunatapash ayudangapaca dispuestomi capani.

• NACIRISHCA HUATA: 1963

• LLACTA: GRAN BRETAÑA

• PAIPA PUNDA CAUSAI: CAUSAICA IMAPAPASH NA SIRVINLLU YASHPAMI PENSAN CARCA

ÑUCA PUNDA CAUSAI:

Inglaterra llactapimi nacirircani pero ñuca siete huatacunata charishpami, ñuca familiandi Australia llactaman causangapaj rircanchi. Aunque na ricocuna cashpapash siempremi minishtirishcagutaca charircanchi.

Minishtirishca cosascunahuan causashpapash na cushilla carcanichu. Causaica imapapash na sirvinllu yashpami pensan carcani. Ñuca taitaca ufianatami gushtan carca, chaimi paitaca na ashta juyan cariani. Machashpa ñuca mamitata macajta ricushpaca ninandami culiran carcani. Shinapash ñuca taita Malasia llactapi soldado cashpa ima pasashcata yachashpami pai imamanda shina comportarin cashcata intindircani.

16 huatacunata charishpaca colegiomanda llujshishpami soldado tucurcani. Chai tiempopillatami drogacunata, tabacocunata chupanata y tragocunata ufianatapash yachajurcani. Y cada punllami machashcalla yalin carcani.

Talvez 20 huatacunatami charishcasha, chai tiempopimi Taita Diosca ciertopachachu tian yashpa pensarircani. Chaimi “ciertopacha tiashpaca ¿imamandata gentecuna sufrichun y huañuchunbash saquin?” yarcanimi. Llaquicunamanda Taita Diosta culpashpapashmi huaquin poemacunata escribircani.

23 huatacunata charishpami soldado canata saquircani. Chai jipaca tauca trabajocunatami charircani y shuj huatatami viajashpa yalircani. Shinapash na cushilla carcanichu. Shuj huasita charinapi, shuj ali trabajota charinapipash na preocuparinllu carcani. Solo machashpalla, musicata uyashpalla yalingapami munarcani.

Shuj punllaca Polonia llactapimi campo de concentración de Auschwitz nishcata visitajurcani. Chaipi ima pasashcataca liitallami liishcarcani. Shinapash chaipipacha cashpami imamandata gentecunaca shinapacha shujcunata llaquichita ushan yashpa ninanda llaquirircani. Y chai lugarta purijushpami huacai huacai imashpata shinapacha pasana carca yajurcani. Chai punllami ciertopacha cushilla causangapaca imatata rurana cani yashpa pensarircani.

BIBLIAMI ÑUCA CAUSAITA CAMBIASHCA:

1993​pi viaje tigramushca jipami Bibliapi imata nijta yachajungapaj munarcani. Y asha tiempo jipaca ishcai testigo de Jehovacunami ñuca huasiman shamushpa shuj asambleaman invitahuarca. Cai asambleaca ñuca huasi ladolla estadiopimi carca. Imata yachachijta ricungapami rircani.

Huaquin quillacuna huashamanga cai estadiopillatami shuj partido tiarca. Pero cai viajeca cai estadiopica diferentepachami sintirircani. Porque testigo de Jehovacunaca ali alicunami carca y ali ali churajushcacunami rishcarca. Huahuacunapashmi tranquilogucuna carca. Y almuerzo horasca ashtacacunami estadio chaupipi micungapaj tiarirca pero alsarishca jipaca paicunaca ima basuratapash na saquishcarcachu. Paicunaca cushilla y tranquilo sintirijtapashmi cuenta japircani. Siempremi shina causangapaj munashcarcani. Y aunque chai asambleapi yachachishcata na yarishpapash Testigocuna imashina comportarishcataca na cungashcanichu.

Asambleamanda tigrashca jipa huasipi cashpaca, ñuca primo Bibliamanda yachajta y huaquin religiongunamanda investigashcatami yarircani. Paica huaquin huatacuna huashamanga Bibliapi Jesús imata nishcatami villahuarca. Jesusca ciertopacha cristianocunataca paicunapa ali ruraicunata ricushpami cuenta japita ushanguichi nishcarcami (Mateo 7:​15-​20). Chaimandami Testigocuna imamanda diferentecuna cashcata yachangapaj munarcani. Por primera vezmi ashatallapash tranquilo, ali sintirircani.

Cati semanaca asambleaman invitashca Testigocunallatami cutin visitamuhuarca. Paicunaca Bibliamanda estudiangapaj munanguimanllu nishpami tapuhuarca. Chaimi Bibliata estudiai callarishpa, reuniongunamanbash ri callarircani.

Bibliata estudiashpaca llaquicunamanda, nali ruraicunamanda Taita Dios na culpata charishcatami cuenta japircani. Shinallata ñucanchicuna nalicunata rurajpi paipash llaquilla sintirijtami yachajurcani (Génesis 6:6; Salmo 78:​40, 41). Chaimi Taita Diosta llaquichinapa randica siempre cushichingapaj decidirircani (Proverbios 27:11). Fumanata, ufianata, nalicunata ruranatapashmi saquircani. Chaimi 1994​pica bautizarircani.

IMASHINATA BENEFICIARISHCANI:

Cunanbica cushilla, tranquilomi causapani. Llaquicunata charishpaca ñana ufiashpa yalinichu, chaipa randica tucuitami Jehová Diospa maquipi saquipani (Salmo 55:22).

Y ñami 10 huatacunata Karenhuan cazarashca capani. Paipash y paipa ushigu Nellapashmi testigo de Jehovacuna capan. Quimsandimi shuj gentecunaman Jehová Diosmanda yachachingapaj esforzaripanchi. Cunansi cushillami causapani.