“Ahua pachamanda Diosmi shuc reinota churanga, mana ima uraspas tucuringachu” (Daniel 2:44).

“Pai yapa ali mandac amu tucungami. Jahuapachai Diospa Churi nishcami anga [...] Pai mandanaga ima uraspas mana tucuringachu” (Lucas 1:32, 33, El Nuevo Testamento Quichua de Pastaza).

• Mana pandaric gubirnu ashcamandami huingunata pariulla yanapai tucushun (Isaias 48:17, 18).

• Cai gubirnuga cushi, mana ungusha causanata ña cai Allpama apangaraunmi (Apocalipsis 21:3, 4).

Biblia nishcata quiringahuaga, quimsa nishcagunata ricushun:

• Jesusca ricuchirami Diospa Reino imata rangaraushcata. Jesusca paita caticcunata yachachirami, Diospa Reino shamuchun, cai Allpaibi pai munashca pactarichun nisha mañanata (Lucas 11:2). Chasnallata ricuchirami imasa chi mañashca pactaringaraucta.

  Jesús cai Allpaibi aushaga, raicaihuan auccunata carara, ungushcagunata ambira, huañushca runagunatahuas causachira (Mateo 15:29-38; Juan 11:38-44). Diospa Reinoibi Rey tucungaraushami, chi Reino ima sumac bendiciongunata paita cazuc runagunama cungaraushcata ricuchira (Apocalipsis 11:15).

• Mundu intiruibi tiac llaquigunaga ricuchinmi, Diospa Reino pactamuucta. Jesusca nirami, chara Diospa Reino Allpama cungailla causaita mana apamugllaita, cai munduibiga ashca guerrasguna, raicaiguna, allpa cuyuiguna tianga nisha (Mateo 24:3, 7).

  Cai tucui llaquigunataga cunan punzhagunaibimi ricunchi. Chiraicumi, tucui shunguhuan quirinchi Diospa Reino chi llaquigunata ña tucuchingaraushcata.