„[O Del] khosela savore apsa pal lengere jakha a o meriben imar buter na ela – aňi žaľa, aňi vika, aňi dukha imar buter na ena.“ (Zjavenie 21:3, 4 E Nevi Zmluva)

O Del na kerel le manušenge o pharipena. (Jakub 1:13)

Le Devleske nane jekh, hoj pes trapinas. (Zechariáš 2:8)

Savoro trapišagos preačhela. (Žalm 37:9–11)

Adaj hin duj dvovodi:

• O Del nanavidzinel o trapišagos the o ňespravodlivosť. Sar sas le Devleske akor, sar leskere ľudoske kerenas igen nalačhe veci? E Biblija phenel, hoj leske sas pharo, sar len katinenas (dukhavenas). (Sudcovia 2:18)

  O Del rušel pre ajse manuša, so keren avrenge trapišagos. Napriklad, e Biblija phenel, hoj „o vasta, pre save hin o rat, bo murdarde ňevine manušes“, hine odporna andre le Devleskere jakha. (Príslovia 6:16, 17)

• O Del šaj pomožinel sakoneske amendar. E Biblija phenel, hoj sako manuš, so pes trapinel, džanel, savo hino leskero pharipen the dukh. Ale the o Jehovas džanel, so ajso manuš predživel! (2. Paralipomenon 6:29, 30)

  O Jehovas použinela so neksigeder peskero kraľišagos, kaj dojekhe manušeske te preačhel leskero trapišagos. (Matúš 6:9, 10) Dokim ada na kerela, davkerel zor uprimne manušen, so les roden. (Skutky 17:27; 2. Korinťanom 1:3, 4)