•  Uvodna lafija 2

•  Barvalipe ando Devleso Lafi 3-5

  •  Govor 3

  •  Biserija ando Devleso Lafi 4

  •  Čitibe andi Biblija 5

•  De tutar sa ki služba 6-14

  •  Počmin o razgovor 7

  •  Posetin e osoba 8

  •  Ćer učenikonen 9

  •  Objasnin ko so verujineja 10

  •  Govor 11

  •  Tema 12

  •  Okvir 13

  •  Videa hem publikacije 14

•  Hrišćansko đivdipe 15-16

  •  E skupštinako proučibe andi Biblija 16

•  Zaključna lafija 17

•  Pohvala hem savet 18

•  Vreme 19

•  I poseta ando pokrajinsko nadgledniko 20

•  O kurko ked ićeri pe o pokrajinsko sastanko ja o kongres 21

•  O kurko ked ićeri pe i Spomen-svečanost 22

•  O nadgledniko ando sastanko Hrišćansko đivdipe hem služba 23

•  O predsedavajući ando sastanko Hrišćansko đivdipe hem služba 24

•  O pomoćno savetniko 25

•  O pomoćna razredija 26

•  O video-materijali 27

1. O uputstvija ando akava dokumenti ka pomožinen sarinenđe kola učestvujinena ko sastanko Hrišćansko đivdipe hem služba. Svako amendar, angleder te pripremini po zadatko, valjani te dikhel o uputstvija andi Radno sveska hem ando akava dokumenti. Valjani te podstaknina sa e objaviteljen te učestvujinen ko učenička zadatkija. Avera kola tane aktivno povezime e skupštinaja, šaj te učestvujinen ko učenička zadatkija ako slažinena pe odoleja so sikavi i Biblija hem ako živinena premalo hrišćanska načelija. O nadgledniko ando sastanko Hrišćansko đivdipe hem služba valjani te vaćeri svakoneja kova mangela te ovel le učenička zadatkija hem te dikhel da li ispunini o uslovija hem ko krajo te phenel lese da li šaj te učestvujini ja na. O phral ja i phen koja vodini o kurs valjani te ovel ko odova razgovor (ja o roditelj kova tano Svedoko). O uslovija tane ista sar ked neko mangela te ovel nekršteno objavitelj (od-SBO pogl. 8, odl. 8).

2. Jekh minuti. Svako kurko, pali đili hem i molitva, o predsedavajući ando sastanko Hrišćansko đivdipe hem služba pe lafencar valjani te barjaćeri o zanimanje aso program. Ov valjani te naglasini o mislija kola najviše ka koristinen e skupštinaće.

 3. Govor: Deš minutija. I tema ando govor hem duj ja trin glavna mislija tane ki Radno sveska. Akava govor valjani te ićeri jekh starešina ja jekh sposobno sluga pomoćniko. Ked premalo raspored valjani te čitini pe nevi knjiga andi Biblija, valjani te mukhel pe jekh kratko video sar uvod ki odija knjiga. O govorniko šaj te mothovi savi veza isi maškaro video hem i tema. Ama, najvažno tano te koristini o mislija kola tane ki Radno sveska. Isto ađahar, ako isi le vreme, valjani te koristini o slike kola tane ćerde te ovel pojasno o materijali. Ov šaj te koristini hem aver materijali kova tano povezimo e temaja.

 4. Biserija ando Devleso Lafi: Deš minutija. Akava deo valjani te ićeri jekh starešina ja jekh sposobno sluga pomoćniko, bizo uvod hem zaključna lafija. Ov valjani te postavini o solduj pućiba kola tane dinde. Isto ađahar, ov šaj te odlučini da li ka čitinen pe sa o stihija ko prvo pućibe. O komentarija valjani te trajinen đi o 30 sekundija.

 5. Čitibe andi Biblija: Štar minutija. Akava zadatko valjani te ićeri jekh phral, bizo uvod hem zaključna lafija. O predsedavajući ando sastanko ka obratini posebno pažnja da li o učeniko čitini tačno, jasno, prirodno, da li lokho haljola pe, da li ispravno naglasini o smisao, da li promini po glaso hem da li ćerela pauze kuri valjani. Odolese so disavo materijali tano pobaro ja potikno, o nadgledniko ando sastanko Hrišćansko đivdipe hem služba valjani te procenini, premalo e učenikonenge sposobnostija, kase ka del akava zadatko.

6. Dešupanđ minutija. Akava deo ando sastanko tano ćerdo te pomožini sarinenđe te vežbinen te učestvujinen ki služba hem pošukar te propovedinen hem te sikaven. Ako tano potrebno, o učenička zadatkija šaj te dobinen hem o starešine. Svako valjani te ćerel ki lekcija andi brošura Te čitine hem te sikave ja Mang e manušen. O lekcije ka pisinen ki Radno sveska, ki zagrada uzo svako zadatko. Podijekh puti, ka ovel deo razmatranje e publikaja kova valjani te ićeri jekh starešina ja jekh sposobno sluga pomoćniko. (Dikh o  15. odlomko kova mothovi sar valjani te ićeri pe odova deo.)

 7. Počmin o razgovor: Akava zadatko šaj te ićeri jekh phral ja jekh phen. Ako i phen ićeri o govor, olako partneri valjani te ovel dajekh phen ja neko andi porodica. A ako o govor ićeri jekh phral, oleso partneri valjani te ovel dajekh phral, ja neko andi porodica. O učeniko hem oleso partneri šaj te bešen ja te terđon. (Aso pobuter informacije dikh  o odlomkija 12 hem  13.)

 8. Posetin e osoba: Akava zadatko šaj te ićeri jekh phral ja jekh phen. Ako i phen ićeri o govor, olako partneri valjani te ovel dajekh phen ja neko andi porodica. A ako o govor ićeri jekh phral, oleso partneri valjani te ovel dajekh phral, ja neko andi porodica (km-SBO 5/97 str. 2). O učeniko hem oleso partneri šaj te bešen ja te terđon. O učeniko valjani te mothovi sar izgledini jekh razgovor ki naknadno poseta. (Aso pobuter informacije dikh  o odlomkija 12 hem  13.)

 9. Ćer učenikonen: Akava zadatko šaj te ićeri jekh phral ja jekh phen. Ako i phen ićeri o govor, olako partneri valjani te ovel dajekh phen ja neko andi porodica. A ako o govor ićeri jekh phral, oleso partneri valjani te ovel dajekh phral, ja neko andi porodica (km-SBO 5/97 str. 2). O učeniko hem oleso partneri šaj te bešen ja te terđon. Ko akava deo valjani te mothovi pe sar izgledini jekh e biblijako kurs kova već trajini disavo vreme. Ne mora te ćerel pe uvod ja zaključak, osim ako o učeniko na ćerela ki lekcija koja rodela odova. Na valjani te čitini pe ko glaso celo materijali iako odova šaj te ćerel pe.

 10. Objasnin ko so verujineja: Ked pisini so valjani te ićeri pe govor, odova zadatko valjani te ićeri jekh phral. Ked pisini so valjani te ićeri pe prikaz, odova zadatko šaj te ićeri hem phral hem phen. Ako i phen ićeri o govor, olako partneri valjani te ovel dajekh phen ja neko andi porodica. A ako o govor ićeri jekh phral, oleso partneri valjani te ovel dajekh phral, ja neko andi porodica. O učeniko valjani te del jasno hem taktično odgovor ki tema hem te koristini o informacije kola tane dinde. Ov šaj te odlučini da li ka pomini o materijali kova tano dindo.

 11. Govor: Akava zadatko valjani te ićeri jekh phral sar govor e skupštinaće. Ked o govor valjani te ićeri pe kotar dodatko A andi brošura Mang e manušen, o učeniko valjani te mothovi sar odola stihija šaj te koristinen pe ki služba. Na primer, ov šaj te objasnini ked odova stih šaj te koristini pe, so značini odova stih hem sar šaj nekasa te vaćera kotar odova stih. Ked o govor valjani te ićeri pe kotar disavi lekcija andi brošura Mang e manušen, o učeniko valjani te primenini odija lekcija ki služba. Ov šaj te koristini o primer kotar prvo tačka andi lekcija, ja bilo kova aver stih andi lekcija, ako tano moguće.

   12. Tema: O informacije ando akava hem ando aver odlomko odnosinena pe ko zadatkija „Počmin o razgovor“ hem „Posetin e osoba“. Ako nane averćhane pisimo, o učeniko valjani te vaćeri e osobaja ando disavo biblijako ćaćipe hem te aćhavi phravdo pućibe aso aver puti. Ov valjani te birini i tema koja tani aktuelno hem koja odgovorini e manušenđe ko odova područje. Ov šaj te koristini disavi publikacija ja video ando deo Amare glavna publikacije asi služba. Umesto napamet te sikljon i prezentacija, o učenikija valjani te oven prirodna hem te mothoven lično zanimanje.

   13. Okvir: O učeniko valjani te koristini o okvir kova tano dodelimo ko način kova tano prikladno aso amaro područje. Na primer:

1.  (1) Kotar ćher ko ćher: Akava okvir uključini o propovedibe kotar ćher ko ćher – bilo odova te ovel lično, prekalo telefoni ja prekalo lil – ja te posetine e osoba kase već svedočinđan kotar ćher ko ćher.

2.  (2) Svedočin neformalno: Mothov sar šaj te koristine svako prilika te svedočine. Odova uključini o razgovor andi disavi biblijaki misao nekasa ki buti, ki škola, ko javno prevoz, e komšijencar ja negde averthe.

3.  (3) Svedočin ko javna thana: Odova uključini o svedočenje ko kolice, ko poslovno područje, ki ulica, ko parko, ko parkingija, ja kuri god šaj te arakha e manušen.

 14. Videa hem publikacije: Premalo okolnostija, o učeniko šaj te odlučini da li ka koristini video ja disavi publikacija. Ako ko zadatko rodela pe o učeniko te koristini o video, ja ov kokri mangela te koristini disavo video, tegani ov na valjani te mukhel le, ama valjani te vaćeren olestar.

15. Pali đili, ka oven jekh ja duj tačke kola ka trajinen 15 minutija. On tane ćerde te pomožinen e objaviteljenđe te primeninen o savetija ando Devleso Lafi. Ako nane averćhane pisimo, akala tačke valjani te ićeren o starešine ja o sposobna sluge pomoćnikija. I tačka „So valjani e skupštinaće“ valjani te ićeri samo o starešina. Ked valjani te razmotrini pe disavo članko andi Radno sveska o phral šaj te koristini dodatna pućiba te šaj te istaknini i pouka. Oleso uvod valjani te ovel kratko te bi aćhola lese dovoljno vreme aso glavna mislija hem te šaj i publika te komentarišini. Ked ki disavi tačka rodela pe disavo intervju, pošukar bi ovela o phral ja i phen te avel ki bina, a na te vaćeri kotar po than.

  16. E skupštinako proučibe andi Biblija: Trijanda minutija. Akija tačka valjani te ićeri jekh sposobno starešina. (Ako nane dovoljno starešine, šaj te koristinen pe hem sposobna sluge pomoćnikija.) O starešinstvo valjani te odlučini ko šaj te vodini E skupštinako proučibe andi Biblija. Valjani te birinen pe phralja kola ka pazinen te na nakhen o vreme, kola ka naglasinen o glavna stihija hem kola sarinenđe ka pomožinen te haljon sar šaj ko po đivdipe te primeninen o materijali. Šukar bi ovela sa o voditeljija te podsetinen pe sar valjani te vodini pe odova deo (w23.04 str. 24, okvir). Ako o dindo materijali tano razmotrimo, i tačka šaj te završini pe hem angleder o odredimo vreme. Ked god šaj, ovela bi šukar svako kurko o voditelj hem o čitači te na oven ista. Ako o predsedavajući ando sastanko Hrišćansko đivdipe hem služba zamolini e voditelje te skratini akija tačka, o voditelj ka odlučini sar tano najšukar te ćerel odova. Ov šaj te odlučini te na čitinen pe disave odlomkija.

17. Trin minutija. O predsedavajući ando sastanko ka ponovini disave praktična mislija kola hine ko sastanko. Ov valjani te phenel sostar ka vaćeri pe aver kurko ko sastanak. Ako isi le vreme, ov šaj te phenel ko ka ovel le učenička zadatkija aver kurko. Ako nane averćhane pisimo, o predsedavajući tegani valjani te čitini sa o važna obaveštenja ja o lila. Disave redovna informacije, sar soj tane o raspored ked isi sastankija asi služba ja o raspored ando čišćenje, na valjani te vaćeren pe andi bina, nego valjani te ćhiven pe ki oglasno tabla. Ako disavo obaveštenje ja lil našti te čitini pe ko vreme soj tano odredimo aso odova deo, o predsedavajući valjani te zamolini e phralen kola ićerena o tačke ko Hrišćansko đivdipe, te skratinen len. (Dikh  o odlomkija 16 hem  19.) O sastanko ka završini pe đilaja hem molitvaja.

18. Palo svako učeničko zadatko, o predsedavajući ando sastanko ka ovel le oko jekh minuti te pohvalini hem te del savet premali lekcija ki koja o učeniko ćerđa. Ked najavini o zadatko, ov na ka phenel ki koja lekcija ćerela o učeniko. Ama, ked o učeniko završini o zadatko ov šaj te phenel ki koja lekcija ćerđa hem te pohvalini o buća kola šukar ćerđa. Isto ađahar, ako odova tano potrebno, šaj ljubazno te objasnini sose tano šukar pana te ćerel ki odija lekcija. O predsedavajući šaj te phenel pana diso ando oleso zadatko ako mislini so odova ka ovel korisno e učenikose ja averenđe. Palo sastanko ja ko disavo aver vreme, o predsedavajući šaj te del e učenikose pana disave savetija kola temeljinena pe ki brošura Mang e manušen, Te čitine hem te sikave ja ando priručnik Teokratska škola. O savet šaj te odnosini pe ki lekcija koja tani dodelimi ja ki aver lekcija. (Pobuter informacije andi uloga koja isi len o predsedavajući ando sastanko Hrišćansko đivdipe hem služba hem o pomoćno savetniko, šaj te arakhe ko  odlomkija 19,  24, hem  25.)

19. Sa o tačke hem odova so vaćeri o predsedavajući ando sastanko Hrišćansko đivdipe hem služba valjani te završini pe ko vreme. Iako ki Radno sveska aso svako deo pisini tačno kobor valjani te trajini, ako o materijali tano šukar razmotrimo, na valjani te ićera i tačka odobor kobor tano odredimo. Ako neko nakhela o vreme, o predsedavajući ando sastanko ja o pomoćno savetniko valjani te del savet odola osobaće, ama na anglo avera, već kokri. (Dikh  o odlomkija 24 hem  25.) Celo sastanak, so uključini o đilja hem o molitve, ukupno trajini jekh sati hem 45 minutija.

20. Ked o pokrajinsko nadgledniko avela ki skupština, o sastanko valjani te ićeri pe sar so pisini ki Radno sveska, ama valjani te meninen pe akala buća: Na ka ovel E skupštinako proučibe andi Biblija, nego o pokrajinsko nadgledniko ka ićeri o službeno govor kova ka trajini 30 minutija. Angleder o službeno govor, o predsedavajući ando sastanko kratko ka ponovini o mislija ando program, ka phenel sostar ka vaćera aver kurko, ka vaćeri sa o obaveštenja kola valjani hem ka čitini sa o važna lila, a palo odova ka najavini e pokrajinsko nadgledniko. Palo službeno govor, o pokrajinsko nadgledniko ka završini o sastanko đilaja koja ov birinđa. Ov šaj te zamolini avere phrale te molini pe ko krajo. Đi trajini i poseta ando pokrajinsko nadgledniko na ka ovel nijekh pomoćno razred. I grupa koja tani ki odija skupština šaj te ićeri pe sastankija čak ked o pokrajinsko nadgledniko avela. Ama, i grupa valjani te ovel zajedno e skupštinaja ked o pokrajinsko nadgledniko ićeri o službeno govor.

21. Ko kurko ked isi pokrajinsko sastanko ja kongres na ka ićeren pe o sastankija. O materijali aso odova kurko, valjani svako pese te spremini ja pe porodicaja.

22. Ked i Spomen-svečanost perela ko radno dive, odova kurko na valjani te ićeri pe o sastanko Hrišćansko đivdipe hem služba.

23. O starešina kova tano birimo ando starešinstvo ka služini sar nadgledniko ando sastanko Hrišćansko đivdipe hem služba. Ov pazini o sastanko te ovel šukar organizujimo hem te ićeri pe premalo akala smernice. Valjani šukar te sarađujini e pomoćno savetnikoja. Samo so resela i Radno sveska, o nadgledniko valjani te dodelini sa o zadatkija aso duj masekija. Ov odredini ko ka ovel le o učenička zadatkija hem ko ando phralja kola isi len odobrenje ando starešinstvo ka ovel len sa avera tačke hem ko ka oven predsedavajućija. (Dikh  o odlomkija 3-16 hem  24.) Ked dodelini o učenička zadatkija, ov valjani te pazini ko berša, ko iskustvo hem da li tani odija osoba primer ko odova sostar vaćeri. Ked dodelini hem avera tačke ko sastanak, valjani te razmislini kotar akala buća. Svako zadatko valjani te dodelini pe najhari trin kurće angleder. Valjani te koristini pe o formulari Zadatko ko sastanko hrišćansko đivdipe hem služba (S-89). O nadglednik ando sastanko Hrišćansko đivdipe hem služba valjani te brinini pe o raspored te ovel ćhivdo ki oglasno tabla. O starešinstvo šaj te odredini jekhe starešina ja sluga pomoćniko te pomožini lese, ama samo o starešine šaj te dodelinen o tačke kola nane učenička zadatkija.

24. Svako kurko jekh starešina ka služini sar predsedavajući ko odova sastanko. (Ako nane dovoljno starešine, šaj te koristinen pe hem o sposobna sluge pomoćnikija.) Ov ka pripremini o uvodna hem o zaključna lafija hem ka najavini sa o tačke ko sastanko. Ako ki skupština nane dovoljno starešine ov šaj te ićeri hem disave avera tačke, posebno o tačke kaj valjani samo te dikhel pe disavo video bizo te ovel razmotrimo e publikaja. Olese lafija maškaro tačke valjani te oven kratka. O starešinstvo ka odlučini kola starešine šaj te ovel len akija uloga. Odola starešine ka meninen pe. Premalo okolnostija, o nadgledniko ando sastanko Hrišćansko đivdipe hem služba, šaj počesto ando avera starešine te služini sar predsedavajući. Ako jekh starešina ispunini o uslovija te vodini E skupštinako proučibe andi Biblija, verovatno šaj te služini hem sar predsedavajući ando sastanko. Molinaja tumen, ma bistren so o starešine kola služinena sar predsedavajuća valjani te den ljubazna hem praktična savetija hem te pohvalinen e učenikonen. O predsedavajući tano odgovorno o sastanko te završini pe ko vreme. (Dikh  o odlomkija 17 hem  19.) Ako o predsedavajući mangela hem ako isi dovoljno than ki bina, šaj te ćhivel pe jekh uspravno mikrofon kova ov ka koristini te najavini svako deo ando sastanko đi o phralja kola isi len zadatkija avena ko po than ki bina. Isto ađahar, o predsedavajući šaj te bešel ko astali ki bina đi trajini i tačka Čitibe andi Biblija hem o deo De tutar sa ki služba. Ađahar na ka našali pe o vreme.

25. Ked god šaj, šukar tano o pomoćno savetniko te ovel starešina kova tano iskusno govorniko. Oleso zadatko tano, ako isi potreba, te del savet e starešinenđe hem e slugenđe kola isi len tačke ko sastanko Hrišćansko đivdipe hem služba, kola isi len javna predavanja, ićerena O proučibe andi Stražarsko kula hem E skupštinako proučibe andi Biblija, ili čitinena o dodelimo materijali. (Dikh  o odlomko 19.) Ako ki skupština isi pobuter starešine kola tane šukar govornikija hem učiteljija, tegani svako berš aver starešina šaj te služini sar pomoćno savetniko. Nane potrebno o starešine hem o sluge pomoćnikija te dobinen savet palo svako zadatko kova isi len.

26. Premalo odova kobor učenikija isi, i skupština šaj te organizujini te ovel pomoćno razred kuri šaj te ićeren pe o učenička zadatkija. Ko svako razred valjani te ovel dodelimo sposobno savetniko, a ovela bi najšukar te ovel starešina. Ako našti te ovel starešina, o savetniko šaj te ovel hem sposobno sluga pomoćniko. O starešinstvo valjani te odlučini ko šaj te ovel le akava zaduženje hem da li samo jekh phral ili pobuter phralja ka služinen sar savetnikija. O savetniko valjani te ićeri pe ko uputstvija soj tane pisime ko  odlomko 18. Ako isi pomoćno razred, o učesnikija valjani te oven zamolime te đan ki pomoćno prostorija pali tačka Biserija ando Devleso Lafi ko deo Barvalipe ando Devleso Lafi. On valjani te irinen pe ki glavno dvorana palo deo De tutar sa ki služba.

27. Ko sastanko ka mothoven pe o videa kola ka oven dostupna ki aplikacija JW Library^® hem šaj te huljaven pe ko razna uređaja.

© 2023 Watch Tower Bible and Tract Society of Pennsylvania

S-38-RME 11/23