“Sese so kue ayeke na tïtî wato-sioni.”​—1 Jean 5:19, La Sainte Bible en sango.

“Molenge ti Nzapa aga ti futi kusala ti Zabolo.”​—1 Jean 3:8.

Mo yeke hinga tâ ye so ayeke na gunda ti akpale ti dunia so.​—Apocalypse 12:12.

Mo yeke hinga ndani so zo alingbi ti mä na bê so dunia so ayeke ga ande nzoni mingi.​—1 Jean 2:17.

En, ndali ti ambeni raison ota tongaso:

• Komandema ti Satan aga nduru ti hon awe. Jéhovah aleke awe ti hunzi na komandema so Satan ayeke komande na ndö ti azo. Lo mû yanga ti “neka . . . Zabolo”, so ti tene lo yeke zi ande aye ti sioni kue kue kue so Satan aga na ni.​—aHébreu 2:14, Mbeti ti Nzapa ti fini dunia.

• Nzapa asoro Jésus Christ ti komande na ndö ti dunia kue. Jésus ayeke tâ nde mingi na sioni mokonzi ti dunia so, so ayeke pensé gï na lo wani. Nzapa atene tënë so na ndö ti komandema ti Jésus, lo tene: “Lo yeke bâ mawa ti azo ti mawa nga na ti awayere . . . Lo yeke zi ala na yâ ti pasi nga na yâ ti ye ti ngangu so a yeke sara na ala.”​—Psaume 72:13, 14.

• Nzapa ayeke tene ka mvene ape. Bible atene polele, a tene: “Nzapa alingbi ti tene mvene . . . lâ oko pëpe.” (aHébreu 6:18). Tongana Jéhovah amû yanga ti sara mbeni ye, a yeke mo bâ mo tene lo sara ni awe (Ésaïe 55:10, 11). “Fade a yeke bi mokonzi ti dunia so na gigi.”​—Jean 12:31.