Unamuphi Umbono Ngelikusasa?
Ingabe umhlaba lesiphila kuwo . . .
-
utawuhlala unjengoba unjena yini?
-
utawuba mubi nakakhulu?
-
utawuba kahle?
LOKO LOKUSHIWO LIBHAYIBHELI
“Nkulunkulu . . . uyakwesula tonkhe tinyembeti emehlweni abo, kufa ngeke kusaba khona, futsi kulila, nekukhala kanye nebuhlungu ngeke kusaba khona. Tintfo letindzala setendlulile.”—Sembulo 21:3, 4.
INDLELA LESETSEMBISO LESINGENTA KUPHILA KWAKHO KUBE NCONO NGAYO
Umsebenti lonemphumelelo nalowenetisako.—Isaya 65:21-23.
Kugula noma kuhlupheka kwanome nguluphi luhlobo kuyophela.—Isaya 25:8; 33:24.
Kujabulela kuphila lokungapheli sinemindeni yetfu kanye nebangani.—Tihlabelelo 37:11, 29.
SINGAKWETSEMBA MBAMBA YINI LOKO LOKUSHIWO LIBHAYIBHELI?
Yebo singakwetsemba, ngenca yetizatfu lokungenani letimbili:
-
Nkulunkulu angakhona kufeza lesetsembiso. EBhayibhelini nguNkulunkulu Jehova kuphela lobitwa ngekutsi ‘nguSomandla,’ ngenca yekutsi unemandla langalinganiseki. (Sembulo 15:3) Ngaleso sizatfu, angeke ehluleke nakancane kufeza setsembiso sakhe sekugucula lomhlaba wetfu ube yindzawo lekahle. Njengobe liBhayibheli lisho, “kuNkulunkulu tonkhe tintfo tingenteka.”—Matewu 19:26.
-
Nkulunkulu uyafisa kufeza lesetsembiso. Sibonelo saloko kutsi Jehova ‘uyakulangatelela’ kuphindze avuse labo labafile.—Jobe 14:14, 15.
LiBhayibheli liphindze lisitjele kutsi iNdvodzana yaNkulunkulu, Jesu, yelapha labagulako. Beyikwentelani loko? Kungobe beyifisa kwenta njalo. (Makho 1:40, 41) Sifiso saJesu sekusita labahluphekile sakhombisa kutsi unesimilo lesinjengeseYise.—Johane 14:9.
Ngako singaciniseka kutsi bobabili, Jehova naJesu bafuna kusisita kutsi sibe nelikusasa lelijabulisako!—Tihlabelelo 72:12-14; 145:16; 2 Phetro 3:9.
LESINGACABANGA NGAKO
Nkulunkulu utawugucula njani lomhlaba, ube yindzawo lekahle?
LiBhayibheli liyawuphendvula loyo mbuto ku-MATEWU 6:9, 10 naku-DANYELA 2:44.
Lokunye Longatsandza Kukuhlola
SICONGOSEKULINDZA
Liciniso Ngelikusasa
Cinisa kukholwa kwakho ngaloko Nkulunkulu lakwetsembisako ngelikusasa lemhlaba kanye nebantfu labatawuhlala kuwo.
LETINYE TIHLOKO
Litsemba Sibili Ngelikusasa Lelihle
Yini leyenta tetsembiso letiseBhayibhelini tehluke kunaleto letentiwa bantfu?
TIMFUNDZISO TELIBHAYIBHELI LETIBALULEKILE
Uyini UMbuso WaNkulunkulu?
Ngesikhatsi alapha emhlabeni, Jesu bekafundzisa kakhulu ngeMbuso waNkulunkulu kwendlula nobe ngabe yini lenye. Sekuphele iminyaka leminyenti bantfu bathantazela kutsi loMbuso ufike.
SICONGOSEKULINDZA
Yini Letawufezwa NguMbuso WaNkulunkulu?
Jesu bekati kutsi nguMbuso waNkulunkulu kuphela longuhulumende longalungisa tinkinga letikhona emhlabeni. Yini leseyivele yentiwe nguloMbuso kuze usisite siwetsembe?
MAYELANA NATSI
Cela Kuvakashelwa
Coca ngembuto lomayelana neliBhayibheli nobe ufundze lokunyenti ngaBoFakazi BaJehova.
