“God bai i kirapim wanpela kingdom na dispela kingdom bai i stap oltaim oltaim.”—Daniel 2:44, Buk Baibel.

“Em wanpela pikinini God i givim long yumi. Em bai i stap king bilong yumi. . . . Strong bilong gavman bilong en bai i wok long kamap bikpela oltaim.”—Aisaia 9:6, 7.

• Stretpela gavman we inap helpim yu.—Aisaia 48:17, 18.

• Long nupela taim bai kamap long graun, helt bilong yu bai gutpela olgeta na yu bai stap amamas.—Revelesen 21:3, 4.

Yes, i gat 2-pela risen na yumi inap bilip olsem:

• Jisas i bin soim yumi long ol wok em Kingdom Bilong God bai mekim. Jisas i skulim ol disaipel bilong em long beten long Kingdom Bilong God long kam na laik bilong God i ken kamap long graun. (Matyu 6:9, 10) Jisas i bin soim klia ol samting bai kamap taim God i bekim dispela beten.

  Taim Jisas i stap long graun, em i bin givim kaikai long ol man i stap hangre, oraitim ol sikman, na kirapim bek ol man i dai pinis! (Matyu 15:29-38; Jon 11:38-44) Jisas bai stap King long Kingdom Bilong God, olsem na em i soim klia ol samting em Kingdom bai mekim bilong helpim ol man.—Revelesen 11:15.

• Ol samting i kamap long graun i soim klia olsem klostu nau Kingdom Bilong God bai kam. Jisas i bin tok profet olsem paslain long Kingdom i kamapim bel isi long graun, graun bai pulap tru long ol pait, bikpela hangre, na guria.—Matyu 24:3, 7.

  Yumi lukim stret ol dispela samting long nau. Olsem na yumi ken bilip tru olsem klostu nau Kingdom Bilong God bai pinisim olgeta dispela hevi.