“Va tsaka lava twaka rito la Xikwembu va tlhela va yendla leswi li swi vulaka!” — Luka 11:28, Wuhundzuluxeli La Misava Ya Nyuwani.

Ku landza nawu lowu wa Bibele swi ta pfuna ndjangu wa wena swaku wu rhandzana hikakunene. — Vaefeza 5:28, 29.

Ku landza nawu lowu wa Bibele swi ta pfuna ndjangu wa wena swaku wu hloniphana. — Vaefeza 5:33.

Ku landza nawu lowu wa Bibele swi ta pfuna ndjangu wa wena swaku wu twanana. — Marka 10:6-9.

Ina, vona swivangelo swimbirhi:

• Xikwembu i Musunguli wa ndjangu. Bibele li vula swaku Xikwembu xi yendle wanuna ni wansati swaku va chada va va nuna na nsati. (Genesa 2:18-24) Leswo swi vula swaku hi ni ndjangu namuntlha hileswi Yehovha a nga lava swaku swi va hi ndlela yoleyo. Phela i swa lisima ku tiva leswo. Hi mhaka muni?

  A hi nge u dla swakudla swa ku nandzika hintamu, se u lava ku tiva ndlela leyi swi nga swekiwa hi yona. A wu ta vutisa ka mani? Ha tshemba swaku a wu ta vutisa ka munhu lweyi a nga swi sweka.

  Swi hi ndlela leyi fanaka andjangwini. Leswaku hi tiva leswi hi nga swi yendlaka swaku ndjangu wu tsaka, swi lava hi vutisa ka munhu lweyi a nga sungula ndjangu, ku nga Yehovha. — Genesa 2:18-24.

• Hi va lisima ka Xikwembu. Ka Bibele hi nga kuma minawu leyi nga pfunaka mindjangu leswaku yi va ni ku tsaka. Yehovha a pimisa hi wena naswona a ni “mhaka na wena.” (1 Pedru 5:6, 7) Yena a lava leswaku wena u tsaka naswona minawu ya yena ya tirha minkama hinkwayu! — Swivuriso 3:5, 6; Esaya 48:17, 18.