“Buli Kyahandiikirwe kikaterekerezebwa Ruhanga.”​—2 Timoseo 3:​16, New World Translation.

Nibimanyisa ngu Baibuli esobora kugarukamu ebikaguzo byawe byoona.​—Enfumo 2:​1-5.

Esobora kukuha oburagirizi buli kiro.​—Zabuli 119:105.

N’okunihira okw’obusumi obw’omu maiso.​—Abarumi 15:⁠4.

Tusobora, habw’ensonga isatu:

• Ebiri omu Baibuli bikirizangana kurungi. Baibuli ekamara akasumi k’emyaka nka 1600 n’ehandiikwa. Ekahandiikwa abasaija 40 abenyahukana kandi ababaireho omu busumi obutarukusisana, Nobukiraaba kiri kityo, ina omutwe gumu omukuru kandi ebigirumu bikiraniza kurungi.

• Erumu ebyafaayo eby’amananu. Abahandiiki b’ebyafaayo bakira muno kuswekera okusingurwa kw’amahanga gaabu. Baitu kwahukana ha bahandiiki abo, abahandiikire Baibuli bakahandiika ha nsobi zaabu, n’ez’amahanga gaabu.​—2 Ebyomubusinge 36:​15, 16; Zabuli 51:​1-4.

• Erumu obunnabi oburukwesigwa. Baibuli ekaranga okuhwerekerezebwa kw’orubuga rwa Baburoni emyaka 200 enyuma. (Isaya 13:​17-22) Etakangire ha kwoleka omulingo orubuga oru rwakuhwerekerizibwemu, baitu ekoleka n’ibara ery’ogu ayali n’agenda kuruhwerekereza.​—Isaya 45:​1-3.

  N’obunnabi obundi bwingi obuli omu Baibuli bukahikirizibwa nkoku bwarangirwe. Baitu ekyo tinikyo twakunihiire omu kigambo kya Ruhanga?​—2 Petero 1:⁠21.