«Бурган кижилерниң караанда чаш бүрүзүн чодуп бээр. Моон соңгаар өлүм-даа, ыы-сыы-даа, ажыг-шүжүг-даа, аарышкы-даа турбас, чүге дээрге бүгү эрги делегей чиде берген» (Ажыдыышкын 21:4, Ыдыктыг Библия тыва дылда).

Үре-түңнелдиг болгаш сеткилге кирер ажыл (Исайя 65:21—23).

Аарыг-аржыктан болгаш хилинчек-човалаңдан хосталга (Исайя 25:8; 33:24).

Өг-бүле болгаш эш-өөр аразынга аас-кежиктиг мөңге амыдырал (Ырлар 36:11, 29).

Ийе, аңаа бүзүреп болур каш чылдагаан бар, чижээ:

• Бурган аазаан чүүлүн күүседип шыдаар. Бурганның Сөзүнде чүгле Иегова Бурганны «Бүрүн Күчүлүг» деп адаан, чүге дээрге ооң күжү кызыгаар чок (Ажыдыышкын 15:3). Ынчаарга, ол делегейни эки талаже өскертиптер аазаашкынын күүседип шыдаар. «Бурганның шыдавас чүвези чок» деп Библияда чугаалаан (Матфей 19:26).

• Бурган аазаан чүүлүн күүседирин күзеп турар. Чижээлээрге, Иегова өлген кижилерни катап диргизерин дыка күзеп турар. Ол оларны чоктап чоруур деп Бурганның Сөзүнде бижээн (Иов 14:14, 15).

  Оон аңгыда, Бурганның Оглу, Иисус Христос, кижилерни аарыглардан экиртип чораан деп, Библия көргүзүп турар. Бир эвес ону кылырын күзевээн болза, оларга ол дузалаар турган ийик бе? (Марк 1:40, 41). Адазын өттүнүп, Иисус дуза хереглеп турган улуска дузалаарын күзеп турган (Иоанн 14:9).

  Чигзиниг чок, Иегова болгаш Иисус бисти аас-кежиктиг келир үелиг болзун деп күзеп турар! (Ырлар 71:12—14; 144:16; 2 Пётр 3:9).