Omanu va fa va Pondola Oku Kuata Vali Omuenyo?
Anga hẽ nda wa popia hati . . .
-
oco?
-
sio?
-
pamue?
CECI EMBIMBILIYA LI POPIA
“Ku laika oku kala epinduko.”—Ovilinga 24:15, Embimbiliya li Kola—Epongoluilo Lioluali Luokaliye.
CECI CI PONDOLA OKU LOMBOLOKA KOKUOVE
O lembelekiwa eci umue ukuepata a fa.—2 Va Korindo 1:3, 4.
O yovuiwa koku kuatela usumba omanu va fa.—Va Heveru 2:15.
Yu ku ĩha elavoko lia koleliwa lioku lisanga vali la vakuepata liove kuenda akamba va fa ale.—Yoano 5:28, 29.
TU SUKILA MUẼLE OKU TAVA KUECI EMBIMBILIYA LI POPIA?
Oco, omo liasunga atatu a kuãimo ndeci:
-
Suku eye Ululiki womuenyo. Embimbiliya li tukula Yehova Suku hati, eye ‘ono yomuenyo.’ (Olosamo 36:9; Ovilinga 17:24, 25) Nda Eye wa eca omuenyo koviluvo viosi, ocili okuti, o tẽlavo oku tumbulula omuenyo womunu wa fa.
-
Suku wa pindula omanu kosimbu. Embimbiliya li tukula omanu ecelãla va pinduiwa okuti—amalẽhe, akulu, alume kuenda akãi—oco vamameko oku kala lomuenyo palo posi. Vamue noke yoku fa, ka va pitile otembo yalua, va pinduiwa. Pole, umue pokati kavo noke yoku fa, wa kala ale oloneke vikuãla veyambo!—Yoano 11:39-44.
-
Suku o yongola oku ci linga vali. Yehova wa suvuka olofa; eye o vi tenda ndunyãli. (1 Va Korindo 15:26) Eye o kuete onjongole yalua yoku kundula unyãli waco, kuenje o ka ci linga pocakati cepinduko. Eye o ka nena komuenyo omanu vana va kasi vovisimĩlo viaye oco va kale vali lomuenyo palo posi.—Yovi 14:14, 15.
SOKOLOLA EPULILO ELI
Momo lie tu kukila kuenda tu fila?
Embimbiliya li tambulula epulilo eli kelivulu LIEFETIKILO 3:17-19 kuenda VA ROMA 5:12.
Ove o ka ci Sola
ESSENTIAL BIBLE TEACHINGS
Lipi Ekalo Liava va Fa?
Embimbiliya li likuminya okuti kuiya otembo yimue okuti omanu vosi va ka pinduiwa ndeci ca lipita la Lasaru.
APULILO ATAMBULUIWA LEMBIMBILIYA
Epinduko li Lomboloka Nye?
Ove citava okuti o ka komõha poku mõla omunu wa pinduiwa.
UTALA WONDAVULULI
Elavoko Liomanu va fa— O ci Kolela ndati?
Embimbiliya li eca asunga avali a vetiya oku kolela kepinduko.
KOKUETU
Momo lie ndi Lilongisila Embimbiliya?
Embimbiliya li kasi oku kuatisa owiñi wakahandagalala voluali luosi oku sanga atambululo kapulilo a velapo komuenyo. O yongola hẽ oku kala pokati kowiñi waco?
ALONGISO EMBIMBILIYA
Seteka Elilongiso Lietu Liembimbiliya
Kuata elilongiso limue Liembimbiliya liocali lolonumbi via liyekala.
