“Saluwaa Xoossai mulekka kunddenna . . . kawotettaa essana.”— Daaneela 2:44.

“Attuma na7i nuuyyo imettiis! Kawotettai a hashiyan wodhdhana.” —Isiyaasa 9:6.

• He xillo haaroy nena keehi maaddana.—Isiyaasa 48:17, 18.

• Yiya ooratta alamiyan asay payyatettaaninne ufayssan deꞌana. —Ajjuutaa 21:3, 4.

Ee, hegawu guuxxiis giishshin naaꞌꞌu gaasoy deꞌees:

• Yesuusi Xoossaa Kawotettay polanabaa bessiis. Yesuusi bana kaalliyaageeti Xoossaa Kawotettay yaanaadaaninne Xoossaa shenee saꞌan hananaadan woossana mala tamaarissiis. (Maatiyoosa 6:9, 10) Yesuusi he woosaa Xoossay waati zaaranaakko bessiis.

  Yesuusi saꞌan deꞌiyo wode namisettidaageeta miziis, harggidaageeta pattiisinne hayqqidaageeta denttiis! (Maatiyoosa 15:29-38; Yohaannisa 11:38-44) Yesuusi Xoossaa Kawotettaa Kawo; haarettiyaageetuyyo he Kawotettay ay oottanaakko i he wode xeeraa bessiis.—Ajjuutaa 11:15.

• Alamiyaa hanotay Xoossaa Kawotettay matan yaanaagaa bessees. Xoossaa Kawotettay saꞌan sarotettaa ehaanaappe kase olay, koshaynne biittaa qaattay alamiyan ubbasan deꞌanaagaa Yesuusi kasetidi yootiis.—Maatiyoosa 24:3, 7.

  Ha wodiyan hegee polettiiddi deꞌees. Hegaa gishshawu, Xoossaa Kawotettay mata wode he meto ubbaa xayssanaagaa ammanettana danddayoos.