“Ipei pidiannau aunaꞌuraz in aichipan Tuminkery, Siitan kazuwaytapnii indiayn”. — 1 John (1 João) 5:19, Kaimanaꞌo Tominkaru Paradan.

“Tuminkery dan kaawankan mainhaabataꞌu nii Siitan kaydinkiz kid.” — 1 John (1 João) 3:8, Kaimanaꞌo Tominkaru Paradan.

Piaichipan dun naꞌapaꞌu daꞌy . . .

Piaichipan nii kaimenaimen kandii nii kainhaꞌa dirib dikeyd kidiaꞌu diuraz amazada idiaꞌa. — Revelation (Apocalipse) 12:12.

Pimixidian nii diuraz amazada tanautkaꞌu nii kaimenaꞌu nii. — 1 John (1 João) 2:17.

Uu tyryy, diaytam aimeakan dikin ii, yaidkaʼu tyryy:

• Maunaptaꞌanaa Siitan kazuwaytipan mainhaabatkau. Tyykii Yewah aipen pamainhaabatan Siitan kazuwaytipan diuraz amazada. Tuminkery kian diinheꞌitiꞌi ‘ymainhaabatan nii ipei Siitan maꞌuzkanyz’ naꞌik ysaabaan nii ipei wyryy amazada Siitan patakaꞌyaniaz. — Hebrews (Hebreus) 2:14, Kaimanaꞌo Tominkaru Paradan.

• Tuminkery widiayan Disu kazuwaytipaꞌu nii amazada. Kazuwaytipaꞌuraz diuraz amazada aizii, dikeydaꞌu yryy ydiꞌitinhap suu padaꞌy. Mazan Disu aunaa naꞌapaꞌu man. Tuminkery kian: Disu kazuwaytipan dun, ‘kaxaꞌurkidian nii naꞌik ykamynankidian nii maꞌatadinpenhawyz naꞌik patakaꞌytinhanhawyz . . . ykazannaatan nii inhau papatakaꞌytkaꞌu ai naꞌik dikeydaꞌu ai’. — Psalm (Salmo) 72:13, 14.

• Tuminkery aunaa maridinhayz man. Tuminkery Karichian kuwad kaimenaimen: “Tuminkery aunaa tyryy ymaridinhan.” (Hebrews [Hebreus] 6:18) Karikeunanyꞌu nii Yewah xaꞌapatinhan paparadan kawan at! (Isaiah [Isaías] 55:10, 11) Ykayꞌan mixiꞌu nii “diuraꞌa amazada baaraꞌaꞌu naubunai kabuutkaꞌu”. — John (João) 12:31.