Ingabe Abafileyo Bangaphinde Baphile Ngempela?
Ubungathi . . .
-
yebo?
-
cha?
-
mhlawumbe?
OKUSHIWO IBHAYIBHELI
“Kuyoba khona uvuko.”—IzEnzo 24:15, IBhayibheli-ImiBhalo Engcwele.
LOKHO OKUNGASE KUKUSHO NGAWE
Ukwazi lokhu kuyasiduduza lapho sishonelwa abathandekayo bethu.—2 Korinte 1:3, 4.
Kuyasikhulula ekwesabeni ukufa.—Hebheru 2:15.
Kusinika ithemba langempela lokuthi siyophinde sihlangane nabathandekayo bethu abashonile.—Johane 5:28, 29.
SINGAKUKHOLELWA NGEMPELA YINI OKUSHIWO IBHAYIBHELI?
Yebo, okungenani ngenxa yezizathu ezintathu:
-
Ukuphila kuvela kuNkulunkulu. IBhayibheli lithi uJehova uNkulunkulu “ungumthombo wokuphila.” (IHubo 36:9; IzEnzo 17:24, 25) Ngokuqinisekile Lowo owanika zonke izidalwa eziphilayo ukuphila angamenza aphinde aphile umuntu oseshonile.
-
UNkulunkulu wabavusa abantu esikhathini esidlule. IBhayibheli lisitshela ngabantu abangu-8—abancane, abadala, amadoda nabesifazane—abavuswa kwabafileyo. Abanye babesanda kushona, kodwa oyedwa kwase kuyizinsuku ezine esethuneni!—Johane 11:39-44.
-
UNkulunkulu uyakulangazelela ukuphinde avuse abafileyo. UJehova uyakuzonda ukufa; ukubheka njengesitha. (1 Korinte 15:26) Ulangazelela ukusinqoba leso sitha, alungise umonakalo odalwe ukufa ngokuvusa abafileyo. Ulangazelela ukubavusa ekufeni labo abasenkumbulweni yakhe nokuphinde ababone bephila emhlabeni.—Jobe 14:14, 15.
CABANGA NGALOKHU
Kungani siguga futhi sifa?
IBhayibheli liphendula lowo mbuzo kuGENESISE 3:17-19 nakweyabaseROMA 5:12.
Okunye Ongase Ukuthande
IZIMFUNDISO ZEBHAYIBHELI EZIBALULEKILE
Siyini Isimo Sabantu Abafile?
IBhayibheli lithembisa ukuthi kuzoba nesikhathi lapho abantu abaningi abafa bezovuswa njengoba nje kwenzeka nakuLazaru.
INQABAYOKULINDA
Ithemba Ngabafileyo
IBhayibheli linikeza izizathu ezimbili ezinengqondo zokwethemba ukuthi uvuko luyoba khona.
MAYELANA NATHI
Kungani Kufanele Utadishe IBhayibheli?
IBhayibheli linikeza izigidi zabantu kuwo wonke umhlaba izimpendulo zemibuzo ebalulekile ekuphileni. Ingabe ungathanda ukuba omunye wabo?
