Bute me 5

Bedo Babilon i Opii Nio wa i Gero Cel me Jerucalem

I kare ma onongo gitye i Babilon opii, Luicrael gubedo ki atematema mapol i niyegi. Cadrak, Mecak ki Abednego gibologi i keno malyet atikatika, ento Lubanga okelogi woko makwo. Lacen, i kare ma jo Media ki Percia guturo Babilon, kibolo Daniel i bur labwor, ento Lubanga bene ogwoke kun tweyo dog labwor woko.

I ngeye lacen, Kabaka me Percia ogonyo Luicrael woko. Gin gudwogo cen i lobogi mwaka 70 kikome i nge terogi Babilon i opii. I kin jami mukwongo ma gutimo i kare ma gudwogo Jerucalem aye cako gero ot pa Jehovah. Ento, cutcut lukworgi ojuko ticgi woko. Pi meno otero cokcok mwaka 22 me tyeko gero ot pa Jehovah i nge dwogogi i Jerucalem.

I ngeye, wapwonyo pi wot pa Ejira me dok Jerucalem ka yubo ot pa Jehovah wek onen maber adada. Man otimme mwaka 47 i nge tyeko gero ot pa Lubanga. Dong, mwaka 13 i nge wot pa Ejira, Nekemia okonyo roco cel me Jerucalem ma onongo opoto woko piny-nyi. Dul me ABIC loko i kom gin ma otimme con pi mwaka 152 nio wa i kare meno.