Bute me 2

Pii Aluka Nio wa i Larre ki i Ejipt

Jo aboro keken aye gubwot ki i Pii Aluka, ento motmot welgi omedde odoko alip mapol ata. Lacen, mwaka 352 i nge Pii Aluka, kinywalo Abraim. Wakwano kit ma Lubanga ogwoko cikkene kwede kun miyo bot Abraim latin laco ma nyinge Icaka. Lacen, ki i kin lutino awobe aryo pa Icaka, Lubanga oyero Yakobo.

Yakobo onongo tye ki jo otte mapol ma tye iye awobe 12 ki anyira mogo. Awobe pa Yakobo 10 onongo gidag Yocepu omin-gi matidine ci gucate woko i opii i Ejipt. Lacen, Yocepu odoko laloc madit i lobo Ejipt. I kare ma kec marac opoto, Yocepu otemo cwiny omegine me neno ka ce cwinygi dong olokke. Motmot, jo me ot pa Yakobo ducu, jo Icrael, gudak gucito Ejipt. Man otimme mwaka 290 i nge nywalo Abraim.

Pi mwaka 215 ma olubo kare man, jo Icrael gukwo i Ejipt. I nge to pa Yocepu, gin gudoko opii kunnu. Lacen kinywalo Moses, dok Lubanga otiyo ki en me laro jo Icrael ki i Ejipt. Ducu dong, Dul me ARYO loko i kom gin mutimme con ma otero mwaka 857.