PWONY ME 03

Tika Itwero Geno Baibul?

TUKI

Baibul miniwa cikke ki tam mapol. Gwok imito niang gin ma Baibul pwonyo, ento kitungcel bene itye ki akalakala i kom Baibul. Tika itwero geno cikke ki tam ma nonge i buk macon kit meno? Tika itwero ye gin ma Baibul waco madok i kom bedo ki yomcwiny i kare-ni ki i anyim bene? Dano milion mapol giye meno. Kong dong wanen ka in bene itwero geno lok meno.

1. Tika lok me Baibul tye ada nyo lokke pe genne?

Baibul waco ni lok ma kicoyo iye ducu obedo “lok me ada.” (Latitlok 12:10) Baibul tito jami mutimme ada i kwo pa dano. (Kwan Luka 1:3; 3:1, 2.) Luco lok me tekwaro mapol kacel ki lugol jami ki i te ngom bene gumoko ada pa nino dwe, dano, kabedo ki dong jami mutimme mogo ma kicoyo pigi i Baibul.

2. Pingo wawaco ni Baibul obedo buk ma karene peya okato?

Baibul tye ki ngec ma onongo pe kingeyo con. Me labolle, miyo ngec me cayan ma tye kakare. I kare me Baibul, dano mapol onongo pe giye lok me cayan magi. Ento i kare-ni, lucayan bene dong gimoko ni lok me Baibul tye ada. Lok me Baibul ‘tye ada dok atir pi naka.’—Jabuli 111:7, 8.

3. Pingo myero wagen lok ma Baibul waco ni bitimme i anyim?

Baibul tye ki lok pa lunebi ma gubedo ka tito jami ma onongo pud peya gutimme. (Icaya 46:10) Otito jami mogo mwaki mapol angec ma peya jami meno otimme. Baibul bene otito con jami ma dong tye ka timme i kare-ni dok miyo ngec mapol adada i kom jami magi. I pwony man, wabineno lok pa lunebi mogo ma kicoyogi i Baibul. Dok ibibedo ki ur adada me neno kit ma lokgi ocobbe kwede!

NONG NGEC MATUT

Nen kong kit ma lok pa lucayan me kare-ni rwatte kwede ki lok me Baibul, dok ikwan bene lok pa lunebi mogo ma kicoyogi i Baibul.

4. Lok me cayan rwatte ki Baibul

I kare macon, onongo dano gitamo ni kicibo lobo i wi gin mo. Tuk VIDIO.

VIDIO: Pe Kicibo Lobo i Wi Gin Mo (1:13)

Nen kong gin ma kicoyo i buk pa Yubu mwaki ma romo 3,500 angec. Kwan Yubu 26:7, ci wunyam lapeny man:

Pingo lok ma Baibul waco ni ‘pe kingabo lobo i kom gin mo’ tye me ur?

Ma peya mwaka 1800 ki wiye oromo, onongo peya kiniang maber kit ma pii lworre kwede i wi lobo. Ento nen kong gin ma Baibul owaco mwaki alip mapol angec. Kwan Yubu 36:27, 28, ci wunyam lapeny magi:

Pingo kit ma kitito kwede i yo mayot kit ma pii lwore kwede i lobo tye me ur?
Tika wang Baibul ma pud waa ka kwanone-ni ojingo niyeni i kom Baibul?

5. Baibul otito jami ma pigi tego ma onongo bitimme i anyim

Kwan Icaya 44:27–45:2, ci wunyam lapeny man:

Gin ango ma kiwaco i Baibul mwaki 200 angec ma peya kituro Babilon?

Tuk VIDIO.

VIDIO: Baibul Otito pi Tur pa Babilon (0:58)

Lok me tekwaro moko ni Kabaka Ciro me Percia, kacel ki lumonye guturo boma me Babilon i mwaka 539 K.M.P. a Guwiro wi pii ma gwoko boma meno woko. I nge donyo i boma ki i dog gang ma onongo kiweko twolo, gin guturo labongo lweny mo. I kare-ni, kadi bed mwaki 2,500 dong okato, Babilon pud tye obur. Nen kong gin ma Baibul onongo otito con.

Kwan Icaya 13:19, 20, ci wunyam lapeny man: