Lok me Cako Bute me 4
Bute man nyamo lok i kom Yucepu, Yubu, Moses, ki jo Icrael. Gin ducu gulimo can i cing Larac-ci. Kiterogi i yo marac, kitweyogi i mabuc, kimakogi macalo opii, dok gurwenyo danogi me amara atura. Ento, Jehovah ogwokogi i yo mapat pat. Ka in lanyodo, kony latinni me niang kit ma lutic pa Jehovah magi gudeno can labongo rwenyo niyegi.
Jehovah otiyo ki Pwod Apar me nyuto ni etek loyo lubange ducu me Ejipt. Nyut kit ma Jehovah ogwoko kwede jone i kare mukato angec ki kit ma en gwokogi kwede i kareni.
I CEKCON MAN
Opii ma Owinyo Lubanga
Yucepu otimo gin ma atir ento pud odeno can malit. Pingo?
Jehovah Wiye Pe Owil i kom Yucepu
Kadi bed Yucepu onongo tye ka mabor ki luganggi, Lubanga onyuto ni wiye pe owil i kome.
Yubu Obedo Anga?
En obedo lawiny bot Jehovah kadi wa i kare ma jamine tek.
Moses Oyero me Woro Jehovah
I kare ma Moses pud latin matidi, pulan me ryeko ma mine okatti kwede aye olaro kwone.
Yat ma Lyel Mac
Pingo mac pe owango latin yat-ti?
Pwod Adek Mukwongo
Parao okelo peko i kom jone pien en onongo lawaka ma pe ye timo gin ma Lubanga onongo mito.
Pwod Abicel Mukene
Pwod abicel-li gubedo pat ki pwod adek mukwongo ca nining?
Pwod me Apar
Pwod man obedo marac adada ma kadi wa Parao ma lawaka-ni oye gin ma Lubanga mito.
Tango ma Otimme i Nam Makwar
Parao obwot ki i pwod apar, ento en tika obwot tango ma Lubanga otimo i Nam Makwar?
