Lok me Cako Bute me 6
I kare ma jo Icrael guo i Lobo ma Kiciko Pire, kema me woro odoko kabedo me woro me ada. Lulamdog onongo gipwonyo Cik, dok lungolkop onongo gitelo wi rok. Bute man nyuto kit ma tic pa ngat moni nyo tam ma en moko gudo kwede jo mukene. Laicrael acel acel onongo myero obed lagen bot Jehovah dok oter lawote maber. Nyut kit ma Debora, Naomi, Yocwa, Anna, nya pa Jeputa, ki Camuel gugudo kwede kwo pa dano me kabedogi. Nyut ka maleng ni kadi wa jo mogo ma pe gubedo jo Icrael, calo Rakab, Ruth, Yayeri, ki jo Gibeon gumoko tamgi me cwako jo Icrael pien guniang ni Lubanga tye kwedgi.
I CEKCON MAN
Jehovah Oyero Yocwa
Lubanga omiyo bot Yocwa tira ma twero konyowa i kareni bene.
Rakab Okano Lurot-piny
Cel me Jeriko omuk opoto woko piny. Ento ot pa Rakab pe opoto, kadi bed ni kigero i kor cel.
Yocwa ki Lugibeon
Yocwa olego bot Lubanga ni: “Ceng, cung mot!” Lubanga tika ogamo legane?
Latela Manyen ki Mon Aryo ma Cwinygi Tek
I nge to pa Yocwa, jo Icrael gucako woro cal apaya. Kwo odoko tek mada, ento kony obino ki bot Langolkop Barak, lanebi ma dako ma nyinge Debora, ki Yayeri ma otiyo ki lagur kemane!
Ruth ki Naomi
Mon aryo ma coggi oto woko gudok cen i Icrael. Dako acel, ma nyinge Ruth, ocito ka tic i poto ci laco ma nyinge Boaj onene.
Gideon Oloyo Jo Midian
I kare ma jo Midian gumiyo jo Icrael guwoto i kwo matek, lwak gubako doggi bot Jehovah ni okonygi. Mony pa Gideon ma welgi nok adada-ni guloyo mony 135,000 pa lukworgi nining?
Anna Olego pi Latin Awobi
Elkana otero Anna, Penina, ki lutinone ka woro Lubanga i kema me woro i Cilo. Ki kunnu, Anna olego pi latin awobi. I mwaka ma lubo meno, onywalo Camuel!
Kwonge pa Jeputa
Jeputa okwonge ningo, dok pingo? Nya pa Jeputa odok i kwonge pa wonne nining?
Jehovah Oloko bot Camuel
Lalamdog Madit Eli onongo tye ki awobe aryo ma gitiyo macalo lulamdog i kema me woro, ento pe gilubo cik pa Lubanga. Camuel onongo dok kite pat, dok Jehovah oloko kwede.
Jehovah Omiyo Teko bot Samson
Lubanga omiyo teko bot Samson wek olweny ki jo Piliciti, ento i kare ma Samson omoko tam marac, jo Piliciti gumake woko.
