Bute man nyamo lok i kom kwo pa Kabaka Caulo ki Kabaka Daudi. Jami mutimme ma kicoyo i bute man otero cokcok mwaka 80. I acakkine, Caulo onongo mwol dok lworo Lubanga, ento en olokke woko ci okwero lubo tira pa Jehovah. Jehovah okwere woko ci i nge kare mo, en owaco bot Camuel ni owir Daudi macalo kabaka manyen me Icrael. Nyeko omako Caulo mumiyo en otemme tyen mapol me neko Daudi, ento Daudi pe oculo kwor. Wod pa Caulo ma nyinge Yonacan onongo ngeyo ni Jehovah oyero Daudi, pi man en obedo lagen bot Daudi. Daudi otimo bal mogo madongo, ento en pe okwero pwod pa Jehovah. Ka in lanyodo, kony latinni me neno kit ma pire tek kwede me cwako yub pa Lubanga.