GIN MUMIYO PIRE TEK: Lapwony Madit, Jehovah, miniwa pwonye maber loyo. En pwonyowa kit me yubo kwowa ki bene yubowa pi anyim ma mwonya​—dok pe waculo cente mo pi pwonye man! (Ic 11:6-9; 30:20, 21; Yabo 22:17) Pwonye ma Jehovah miniwa-ni bene konyowa me nywako ki jo mukene kwena ma twero laro kwogi.​—2Kor 3:5.

KIT ME TIMONE:

• Dong cwiny me mwolo.​—Jab 25:8, 9

• Jol pwonye ma Jehovah tye ka mini i kareni, calo pwony ma lutino kwan miyo i cokke me dye cabit

• Ket yub me cwiny.​—Pil 3:13

• Jal jami mogo wek ibed mupore pi nongo pwonye mukene i anyim.​—Pil 3:8

NEN VIDIO MA WIYE TYE NI PWONY MA JEHOVAH MIYO JINGO WATWA KWEDE, I NGEYE GAM LAPENY MAGI:

• Ariya ango ma lutit kwena mogo gukato ki iye wek gicit i Cukul pi Lutit Kwena me Ker-ri?

• Pwonye ango ma Cukul pi Lutit Kwena me Ker-ri miyo?

• Jo me kacokke gukonyo jo ma gutyeko kwangi ki i cukul man nining i kare ma gukobo i wang tic manyen?

• Ngo ma mitte wek ngat moni obed mupore me cito i Cukul pi Lutit Kwena me Ker-ri? (kr-E 189)

• Pwonye ango mukene ma itwero nongone i dul pa Jehovah?