KWOWA MACALO LUKRICITAYO
Kony Lutinoni me Dongo Niye Matek i kom Lacwec
Ginacweya nyuto deyo pa Jehovah. (Jab 19:1-4; 139:14) Ento, lobo pa Catan nyayo pwony mogo i kom kit ma kwo ocakke kwede, ma pe kelo deyo i kom Lubanga. (Rom 1:18-25) Ngo ma itwero timone wek tam magi pe odony i cwiny lutinoni? Konygi cakke ma pud gitino me dongo niye ni Jehovah tye dok en paro pigi. (2Kor 10:4, 5; Ep 6:16) Tem golo tamgi i kom gin ma kipwonyogi i cukul, dok iti ki jami tic mapol ma watye kwede me gudo cwinygi.
NEN VIDIO MA WIYE TYE NI GIN MA LUWOTI GIWACO—YE I KOM LUBANGA, CI WUNYAM LAPENY MAGI:
Tam marac ango ma dano mapol gitye kwede ma lubbe ki ye i kom Lubanga?
Ngo ma kipwonyo i cukulwu?
Gin ango ma miyo imoko ada ni Jehovah tye?
I yo ango ma itwero konyo kwede ngat mo me niang ni Lubanga aye ocweyo jami ducu?
