Tika Jehovah kare ducu ngeyo gin maber piwa? En ngeyo! Ka waye meno, ci wabinyuto ryeko kun walubo tirane. (Car 16:3, 9) Kadi bed kit meno, pud twero bedo tek me lubo tirane ka pe rwatte ki tamwa. Watwero jingo genwa i kom ryeko pa Jehovah ka walwodo lok i kom cwecce.—Car 30:24, 25; Rom 1:20.

NEN VIDIO MA WIYE TYE NI KIYUBO MONO AYUBA? NGO MA WEKO KALAKAKA PE GINYWENE ATATA KA GITYE KA WOT? CI IGAM LAPENY MAGI:

• Gin ango ma pol pa kalakaka gitimo nino ducu?

• Ngo ma kalakaka gitimo wek pe guyokke nyo gunywene atata ka gitye ka wot?

• Gin ango ma dano twero pwonyone ki bot kalakaka ka gitye ka wot?

NEN VIDIO MA WIYE TYE NI KIYUBO MONO AYUBA? KIT MA KIC TWERO TUK LABONGO AYELA CI IGAM LAPENY MAGI:

• Ariya ango ma dano gikemme kwede ka gitye ka tuk ki degge matino?

• Kic twero tuk labongo ayela nining kadi bed yamo tye magwar?

• Dano twero tic ki diro pa kic nining i anyim?

Gin ango ma ipwonyo madok i kom ryeko pa Jehovah ka ineno cwec ma i kabedoni?