To pa Yecu aye pud dong obedo gin ma pire tek loyo—en oto wek emi dano gubed ki gen me kwo. Dano pe kicweyogi ni guwok ki i jami maraco calo two nyo to. (Acakki 1:31) Ento bal obino i lobo kun wok ki bot Adam. Yecu omiyo kwone wek elarwa ki i bal kacel ki to.​—Kwan Matayo 20:28; Jo Roma 6:23.

Lubanga onyuto mar madit adada ki calo Wode i lobo wek oto piwa. (1 Jon 4:9, 10) Yecu ociko lulub kore me po pi tone ki kwero kwer mo manok kun gitiyo ki mugati kacel kongo vino. Timo man mwaka ki mwaka obedo yo acel ma wanyuto kwede ki pwocwa pi mar ma Lubanga gin ki Yecu gunyuto piwa.​—Kwan Luka 22:19, 20.

I kare ma Yecu owaco pi tyen mukwongo ni lupwonnyene gupo pi tone, en oloko i kom gicikke. (Matayo 26:26-28) Gicikke man oyabo yo pigi kacel ki jo mukene manok me doko luker ki lulamdog i polo. Kadi bed ni dano milion mapol gipo pi to pa Yecu ento jo ma en omoko gicikke kwedgi keken aye myero gucam mugati ki dok gumat kongo vino.​—Kwan Niyabo 5:10.

Cokcok mwaki 2,000 dong, Jehovah obedo ka yero jo ma gibidoko luker. (Luka 12:32) Welgi nok ka iporo ki wel jo ma gibikwo i lobo kany pi naka.​—Kwan Niyabo 7:4, 9, 17.