1. Jehovah, in lamar,

Icikke me miyo kuc.

Dong wakwayi pi cwiny meri;

Wek nyige dong omedde.

Niye i kom Wodi,

Ma lagen dok tye ada,

Miyo wabedo luremi;

Dok watye ki kuc kwedi.

2. Cwiny meri yabo wang

Lokki miyowa dero.

Wanongo tira ki dok gwok

I lobo me colpiny man.

Nio wa i kare

Ma lweny ki can duc ogik,

Wek cwiny ma meri okonywa

Me gwoko kucwa kwedi.

3. Iguro jo meri,

I polo ki i lobo,

Cwiny meri aye notowa

I tito kwena me Ker.

Locci ma tye atir

Dong cok giko lweny ducu.

Ci jo mamwol gibibedo

I kwo me kuc pi naka.