Nipo me To pa Yecu
Ceng Abicel, April 12, 2025
Mwaka ki mwaka, Lucaden pa Jehovah gipo pi to pa Yecu kit ma en ociko kwede, ni: “Wutim kuman me po pira.”—Luka 22:19.
Wajoli me ribbe kwedwa i yub man.
Lapeny ma Kimaro Penyone
Yub man tero cawa adi?
Bitero cawa ma romo acel.
Yub man bibedo kwene?
Kubbe ki Lucaden pa Jehovah ma i kabedoni wek gutitti ka ma bibedo iye.
Tika tye cul mo me donyo?
Pe.
Tika ajog mo bibedo tye?
Pe.
Omyero arukke nining?
Kadi bed pe tye kit ruk mo ma kite dok pat ma mitte pi yub man, ento Lucaden pa Jehovah gitute me lubo tam ma Baibul miyo me rukke ki mwolo dok ki woro. (1 Temceo 2:9) Pe mitte ni iruk bongo ma welle tek nyo ma rwomme lamal.
Gin ango ma bitimme i kwer me Nipo?
Yub man cakke dok gik ki wer ki dong lega, dok Lacaden pa Jehovah mo acel aye bitelo lega man. Kibimiyo pwony ma jenge i Baibul ma binyamo kit ma to pa Yecu pire tek kwede ki kit ma watwero nongo kwede adwogi maber ki i gin ma Lubanga ki Kricito gutimo piwa.
Pi ngec mapol, nen pwony ma wiye tye ni, “Pingo Kit ma Lucaden pa Jehovah Gikwero Kwede Cam me Otyeno pa Rwot Dok Pat ki pa Dini Mukene-ni?”
Awene ma kibikwero iye Nipo i kare me anyim?
2025: Ceng Abicel, April 12
2026: Ceng Angwen, April 2
Itwero Bedo ki Miti i kom Lok Man
NIPO
Po pi To pa Yecu
Walwongi me ribbe kwedwa i yub man ma pire tek-ki. Ibipwonyo kit ma kwo pa Yecu ki tone romo konyi kwede.
PWONY MA PIGI TEGO ME BAIBUL
Pingo Yecu Oto?
Baibul nyuto ni to pa Yecu pire tek adada. Tone mono obedo ki tyen lok?