Abɛ 17:1-28
17 E hi kaa o maa ye abolo gbigbli nyafii ngɛ he nɛ tue mi jɔmi ngɛ*Pe nɛ o ma ya ye ní ngɛ we nɛ a ngmɛ okplɔɔ* ngɛ mi nɛ pɛ ngɛ lejɛ ɔ.
2 Sɔmɔlɔ nɛ e kɔɔ nɔ́ se ɔ, maa ye binyumu nɛ tsuɔ zo ní ɔ nɔ;E ma ná gbosi ní ɔ eko kaa binyumu ɔmɛ a kpɛti nɔ kake.
3 Nɔ́ he tsumi buɛ ngɛ kɛ ha sika hiɔ, nɛ flɔɔnɔɔ ngɛ kɛ ha sika tsu,Se Yehowa ji nɔ nɛ hyɛɔ tsui mi.
4 Yiwutsotsɛ tãa tue kɛ haa munyu yaya,Nɛ nɔ sisilɔ buɔ lilɛ nɛ gbeɔ nɔ he guɛ ɔ tue.
5 Nɔ fɛɛ nɔ nɛ yeɔ ohiatsɛ he fɛu ɔ ngɛ e Bɔlɔ ɔ* jɛe,Nɛ nɔ fɛɛ nɔ nɛ nyaa ngɛ nɔ kpa haomi he ɔ be e he yee.
6 Bibimɛ* ji jlasi kɛ ha nihi nɛ a bwɔ,Nɛ bimɛ* a hɛ mi nyami ji a fɔli.*
7 Kaa bɔ nɛ munyu nɛ da* sɛ kuasia a;
Jã kɛ̃ nɛ lakpa munyu sɛ nɔ yelɔ!*
8 Nike ní ngɛ kaa tɛ nɛ he jua wa* kɛ ha nɔ́tsɛ ɔ;He fɛɛ he nɛ e yaa a, e haa nɛ e yeɔ manye.
9 Nɔ fɛɛ nɔ nɛ ngɔɔ tɔmi kɛ keɔ ɔ* hlaa suɔmi se blɔ,Se nɔ nɛ tiɔ sane mi kpamisaa a gbaa huɛmɛ nɛ nyu bi ngɛ a kpɛti ɔ a mi.
10 Nɔ nɛ ngɛ nɔ́ sisi numi ɔ náa hɛ mi kami he se wawɛɛPe kuasia nɛ a maa fiaa lɛ nɔ́ si lafa.
11 Atuã tsɔmi se blɔ pɛ nɛ nɔmlɔ yayami diɔ,Se a maa tsɔ tsɔlɔ yiwutsotsɛ konɛ e ya gbla e tue.
12 E hi kaa o kɛ osisiblisi nɛ a nuu e bimɛ maa kpeMohu pe nɛ o kɛ kuasia nɛ ngɛ biɛɛe maa kpe.
13 Ke nɔ ko ngɔɔ yayami kɛ toɔ kpakpa nane mi ɔ,Yayami be e we mi tae.
14 Kunɔ sisi jemi ngɛ kaa nyu babauu nɛ a bli nya konɛ e be;*Loko pɛ ɔ maa je sisi ɔ, jee lejɛ ɔ.
15 Nɔ fɛɛ nɔ nɛ woɔ yiwutsotsɛ nguɔ, kɛ nɔ fɛɛ nɔ nɛ buɔ dalɔ fɔ ɔ,Yehowa hiɔ mɛ ni enyɔ ɔmɛ tsuo.
16 Ke kuasia ngɛ nyɛmi nɛ e kɛ ma ná juɛmiBe mi nɛ e be tsui nɛ e kɛ ma ná a,* mɛni se nami lɛ ngɛ he?
17 Huɛ nitsɛ jeɔ suɔmi kpo be fɛɛ be,Nɛ e ji nyɛmi nɛ a fɔ kɛ ha haomi behi.
18 Adesa nɛ e be juɛmi* ɔ saa* nɔ dɛ, nɛ e kplɛɛɔ nɔKaa e maa da nɔ ko se ngɛ e nyɛmi nɔmlɔ hɛ mi.
19 Nɔ nɛ suɔ pɛ ɔ suɔ tɔmi.
Nɔ fɛɛ nɔ nɛ wóɔ e tsu nya nɔ kɛ yaa hiɔwe ɔ ngɛ e si nɔmi hlae.
20 Nɔ nɛ e tsui mi dɛ ɔ be manye yee,*Nɛ nɔ nɛ tuɔ sisimi munyu ɔ hɛ mi ma kpata.
21 Tsɛ nɛ fɔ bi kuasia a maa ye aywilɛho;Nɛ tsɛ nɛ ngɛ bi nɛ be juɛmi ɔ be bua jɔmi.
22 Tsui nɛ ngɛ bua jɔmi ɔ ji tsopa kpakpa,*Se mumi nɛ hao gbɔjɔɔ nɔ.*
23 Yiwutsotsɛ maa ngɔ nyɔ mi ní ngɛ laami mi*Konɛ e plɛ dami sane hɛ mi kɛ bu si.
24 Juɛmi ngɛ nɔ nɛ kɔɔ nɔ́ se ɔ hɛ mi tutuutu,Se kuasia hɛngmɛ kpaa si kɛ yaa zugba a nyagbe he ɔmɛ.
25 Bi kuasia haa nɛ e tsɛ yeɔ aywilɛho,Nɛ e haa nɛ nɔ nɛ fɔ lɛ ɔ yeɔ tsui.*
26 E hí kaa a maa gbla dalɔ tue,*Nɛ e sɛ kaa a guaoɔ nihi nɛ a hɛ mi ngɛ nyami.
27 Ní lelɔ kudɔɔ e munyu tutui,Nɛ nɔ nɛ kɔɔ nɔ́ se ɔ peeɔ dii.*
28 A maa bu kuasia nɛ e peeɔ dii ɔ po juɛmitsɛ,Nɛ a maa bu nɔ nɛ maa e nya a kaa e kɔɔ nɔ́ se.
Sisi Ningmahi
^ Aloo “he nɛ ngɛ dii.”
^ Ngɛ Hebri gbi mi ɔ, “afɔlehi.”
^ Aloo “Peelɔ.”
^ Ngɛ Hebri gbi mi ɔ, “Bibinyumuhi.”
^ Aloo “binyumuhi.”
^ Ngɛ Hebri gbi mi ɔ, “tsɛmɛ.”
^ Aloo “Munyu kpakpa.”
^ Aloo “odehe.”
^ Aloo “Nike ní ji tɛ nɛ e haa nɛ nɔ hɛ mi baa nyami.”
^ Ngɛ Hebri gbi mi ɔ, “haa tɔmi nɔ ɔ.”
^ Ngɛ Hebri gbi mi ɔ, “nyuhi a he ngmɛɛmi.”
^ Aloo “Be mi nɛ e be juɛmi ɔ.”
^ Ngɛ Hebri gbi mi ɔ, “e be tsui nɛ nuɔ nɔ́ sisi.”
^ Aloo “taa.”
^ Ngɛ Hebri gbi mi ɔ, “be nɔ́ kpakpa náe.”
^ Aloo “hi kɛ ha nɔ tsami.”
^ Aloo “haa nɛ wuhi gbliɔ.”
^ Ngɛ Hebri gbi mi ɔ, “maa ngɔ nyɔ mi ní kɛ je gugue mi.”
^ Ngɛ Hebri gbi mi ɔ, “doomi.”
^ Aloo “E hí kaa a maa po hiɔ ha dalɔ.”
^ Ngɛ Hebri gbi mi ɔ, “mumi he jɔ.”
