La 130:1-8
Yoku Kuɔmi La.
130 Oo Yehowa, i tsɛ mo ngɛ ye fĩmi be mi.
2 Oo Yehowa, moo bu ye gbi tue.
Moo bu pɛɛ nɛ i ngɛ mo kpae kaa o ye bua mi ɔ tue.
3 Oo Yah,* ke tɔmihi lɛ o hyɛɔ ɔ,*Yehowa ye Mawu, jinɛ mɛnɔ ma nyɛ maa da si?
4 Ejakaa mo lɛ o ngɔɔ yayami kɛ keɔ kulaa,Konɛ a ye mo gbeye.
5 I ngɔɔ ye hɛ kɛ fɔɔ Yehowa nɔ, ye klaa ngɔɔ e hɛ kɛ fɔɔ e nɔ;*I hyɛɛ e munyu ɔ blɔ.
6 I* ngɛ Yehowa blɔ hyɛe wawɛɛPe bɔ nɛ buli hyɛɔ je nami blɔ ɔ,Ee, pe bɔ nɛ buli hyɛɔ je nami blɔ ɔ.
7 Israel nɛ ya nɔ nɛ e hyɛ Yehowa blɔ,Ejakaa Yehowa suɔmi ɔ se pui,Nɛ e ngɛ he wami ngua nɛ e kɛ ma kpɔ̃ nɔ.
8 E ma kpɔ̃ Israel kɛ je a tɔmi ɔmɛ tsuo a mi.
Sisi Ningmahi
^ “Yah” ji biɛ Yehowa a kpiti pomi.
^ Aloo “ke tɔmihi nɛ o kaneɔ ɔ.”
^ Aloo “imi nɔmlɔ ɔ tsuo, i ngɔɔ ye hɛ kɛ fɔɔ e nɔ.”
^ Aloo “Ye klaa.”
